Page Text
________________
उन
गाहावइकुलं निक्खमिज्ज वा पविसिज्ज या, एवं बहिया विहारभूमिं वा वियारभूमिं वा० गामाणुगामं वा दूइज्जिज्जा, अह पु० तिवदेसियं वा वासं वासमाणं पेहाए जहा पिंडेसणाए नवरं सर्व्वं चीवरमायाए । ३७२ । से एगइओ महत्तगं २ पाडिहारियं वत्थं जाइजा जाव एगाहेण वा दु० ति० चउ० पंचाहेण वा विप्पवसिय २ उवागच्छिज्जा, नो तह वत्थं अपणो गिव्हिज्जा नो अन्नमन्नस्स दिज्जा, नो पामिचं कुज्जा, नो वत्थेण वत्थपरिमाणं करिज्जा, नो परं उवसंकमित्ता एवं बइज्जा आउ० समणा! अभिकंखसि वत्थं धारितए वा परिहरित्तए वा ?, थिरं वा संतं नो पलिच्छिदिय २ परिहविज्जा, तहप्पगारं वत्थं ससंधियं वत्थं तस्स चैव निसिरिज्जा नो णं साइज्जिज्जा ॥ से एगइओ एयप्पगारं निग्घोसं सुच्चा निः जे भयंतारो तहप्पगाराणि वत्थाणि ससंधियाणि महत्तगं २ जाव एगाहेण वा ५ विप्पवसिय २ उवागच्छंति तह वा वत्थाणि नो अप्पणा गिव्हंति नो अन्नमन्नस्स दलयंति तं चैव जाव नो साइज्जति, बहुवयणेण भाणियां, से हंता अहमवि मुहुत्तगं पाडिहारियं वत्थं जाइत्ता जाव एगाहेण वा ५ विष्पवसिय २ उवागच्छिस्सामि, अवियाई एवं ममेव सिया, माइट्टा संफासे, नो एवं करिज्जा ।३७३ । से भि० नो वण्णमंताई वत्थाई विवण्णाई करिज्जा विवण्णाई न वण्णमंताई करिज्जा, अन्नं वा वत्थं लभिस्सामित्तिकट्टु नो अन्नमन्नस्स दिजा. नो पामिचं कुज्जा, नो बत्थेण वत्थपरिणामं कुज्जा, नो परं उवसंकमित्तु एवं वदेज्जा आउसो ० ! समभिकखसि मे वत्थं धारितए वा परिहरित्तए वा ?, थिरं वा संतं नो पलिच्छिदिय २ परिहविज्जा, जहा मेयं वत्थं पावगं परो मन्नइ, परं च णं अदत्तहारी पडिपडे पेहाए तस्स वत्थस्स नियाणाय नो तेसिं भीओ उम्मग्गेणं गच्छिजा, जाव अप्पस्सुए०, तओ संजयामेव गामाणुगामं दृइज्जिज्जा ॥ से भिक्खू वा० गामाणुगामं दृइज्जमाणे अंतरा से विहं सिया, से जं पुण विहं जाणिज्जा इमंसि खलु विहंसि बहवे आमोसगा वत्थपडियाए संपिंडिया गच्छेज्जा, णो तेसिं भीओ उम्मग्गेणं गच्छेज्जा जाव गामा० दृइज्जेज्जा ॥ से भि० दृइज्जमाणे अंतरा से आमोसगा पडियागच्छेज्जा, ते णं आमोसगा एवं वदेज्जा आउसं० ! आहरेयं वत्थं देहि णिक्खिवाहि जहा रियाए णाणत्तं वत्थपडियाए, एयं खलु० सया जइज्जासित्तिषेमि । ३७४ । उ० २ वस्त्रेपणाध्ययनं ५ ॥ से भिक्खू वा अभिकंखिज्जा पायं एसित्तए, से जं पुण पादं जाणिज्जा, तंजहा अलाउयपायं वा दारुपायं वा मट्टियापायं वा, तहप्पगारं पायं जे निग्गंथे तरुणे जाव थिरसंघयणे से एगं पायं धारिया नो विइयं ॥ से भि० परं अदजोय मेराए पायपडियाए नो अभिसंधारिज्जा गमणाए । से भि० से जं० अस्सि पडियाए एवं साहम्मियं समुद्दिस्म पाणाई ४ जहा पिंडेसणाए चत्तारि आलावगा, पंचमे बहवे समणः पणिय २ तहेव ॥ से भिक्खू वा अस्संजए भिक्खुपडियाए बहवे समणमाहण० वत्थेसणाऽऽलावओ ॥ से भिक्खू वा से जाई पुण पायाइं जाणिज्जा विरूवरूवाई महद्धमुहाई तं० अयपायाणि वा तउपाया० तंत्रपाया० सीसगपा हिरण्णपा० सुवण्णपा० रीरिअपाया० हारपुडपा० मणिकायकंसपाया० संखसिंगपा० दंतपा० चेलपा. सेलपा० चम्मपा० अमराई वा तह विरूवरूवाई महदणमुहाई पायाइं अफासुयाई नो० ॥ से भि० से जाई पुण पाया० विरूव० महदणबंधणाई, तं० अयबंधणाणि वा जाव चम्मबंधणाणि वा, अन्नयराई तहप्पः महदणबंधणाई अफा० नो प० ॥ इवेयाई आयतणाई उवाइकम्म अह भिक्खू जाणिज्जा चउहिं पडिमाहिं पायं एसित्तए तत्थ खलु इमा पढमा पडिमा से भिक्खू० उदिसिय २ पायं जाइज्जा, तंजहा- अलाउयपायं वा ३ तह० पायं सयं वा णं जाइजा जाव पंडि०, पढमा पडिमा १ अहावरा ० से० पेहाए पायं जाइज्जा, तं०-गाहाबई वा कम्मकरी वा से पुवामेव आलोइज्जा आउ० भ० ! दाहिसि मे इत्तो अन्नयरं पादं, तं० लाउयपायं वा ३, तह० पायं सयं वा जाव पडि०, दुच्चा पडिमा २। अहा से भि० से जं पुण पायं जाणिज्जा संगइयं वा वेजइयंतियं वा तहप्प० पायं सयं वा जाव पडि०, तच्चा पडिमा ३। अहावरा चउत्था पडिमा से भि० उज्झियधम्मियं जाएजा जं चने बहवे समणा जाव नावकखति तह ० जाएजा जाव पडि०, चउत्था पडिमा ४ । इबेइयाणं चउण्डं पडिमाणं अन्नयरं पडिमं जहा पिंडेसणाए ॥ से णं एयाए एसणाए एसमाणं पासित्ता परो वइज्जा आउ० स० एज्जासि तुम मासेण वा जहा वत्थेसणाए, से णं परो नेता ब०आ० भ० ! आहर एवं पायं तिलेण वा घ० नव० बसाए वा अभंगित्ता वा तहेव सिणाणादी तहेब सीओदगाई कंदाई तहेब ॥ से
परो ने० आउ० स० ! मुहत्तगं २ जाव अच्छाहि ताव अम्हे असणं वा उबकरेंसु वा उवक्खंडेंसु वा, तो ते वयं आउसो ०! सपाणं सभोयणं पडिम्ाहं दाहामो, तुच्छए पडिग्गहे दिने समणस्स नो खुद्द साहु भवइ, से पुवामेव आलोइज्जा आउ० भइ० ! नो खलु मे कप्पइ आहाकम्मिए असणे वा ४ भुत्तए वा० मा उनकरेहि मा उवक्खडेहि, अभिकंखसि मे दाउँ एमेव दलयाहि, से सेवं वयंतस्स परो असणं वा ४ उवकरिता उवक्खडित्ता सपाणं सभोयणं पडिग्गहगं दलइज्जा तह० पडिग्गहगं अफासूर्य जाव नो पडिगाहिज्जा । सिया से परो उबणित्ता डिग्गहगं निसिरिजा से पुत्रामे० आउ० भ० ! तुमं चेव णं संतियं पडिग्गहगं अंतोअंतेणं पडिलेहिस्सामि केवली० आयाण०, अंतो पडिग्गहगंसि पाणाणि वा बीया० हरि०, अह भिक्खूणं पृ० जं पुषामेव पडिमाहगं अंतोअंतेणं पडि० सअंडाई सबे आलावगा भाणियचा जहा वत्थेसणाए, नाणत्तं विद्वेण वा घय० नव० बसाए वा सिणाणादी जाव अन्नयरंसि वा २७ आचारांग असणं- 5 मुनि दीपरत्नसागर
| SR No. | 003901 |
| Book Title | Aagam Manjusha 01 Angsuttam Mool 01 Aayaro |
| Original Sutra Author | N/A |
| Author | Anandsagarsuri, Sagaranandsuri |
| Publisher | Deepratnasagar |
| Publication Year | 2012 |
| Total Pages | 38 |
| Language | Prakrit |
| Classification | Book_Devnagari, Agam, Canon, & agam_acharang |
| File Size | 30 MB |