Page Text
________________
ASTRAIGIPREMISPHESABPERSPENSARLASPRNARIESANSFOMA8%8858SPIRAEPENSPEABPRANGANISARARIPRASHNA
लागमहेसु वा दहमहेसु वा नईमहेसु वा सरमहेसु वा सागरमहेसु वा आगरमहेसु वा अन्नयरेसु वा तहप्पगारेसु विरुवरुवेसु महामहेसु वहमाणेसु पहवे समणमाहणअतिहिकिवणवणीमगे एगाओ उक्खाओ परिएसिज्जमाणे पेहाए दोहिं जाव संनिहिसंनिचयाओ वा परिएमिजमाणे पेहाए तहप्पगारं असणं वा ४ अपरिसंतरकडं जाव नो पडिग्गाहिज्जा, अह पुण एवं जाणिज्जा-दिन ज तेसि दायचं, अह तत्थ भुजमाणे पेहाए गाहावइभारियं वा गाहावइभगिणिं वा गाहावइपुत्तं वा धूयं वा सुण्डं वा धाई वा दासं वा दासि वा कम्मकरं वा कम्मकरि वा से पूनामेव आलोहजा-आउसित्ति वा भगिणित्ति वा दाहिसि मे इत्तो अन्नयरं भोयणजायं, से सेवं वयंतस्स परो असणं वा ४ आहद्दु दलाइजा तहप्पगारं असणं वा ४ सयं वा पुण जाइजा परो वा मे दिना फासुयं जाव पडिग्गाहिजा । २३५ । से भिक्खू बा० परं अद्धजोयणमेराए संखडि नच्चा संखडिपडियाए नो अभिसंधारिजा गमणाए. से भिक्खू वा २ पाईणं संखडिं नचा पट्टीणं गच्छे अणाढायमाणे, पडीणं संखडिं नच्चा पाईणं गच्छे अणाढायमाणे, दाहिणं संखडि नचा उदीणं गच्छे अणाढायमाणे, उईणं संखडि नचा दाहिणं गच्छे अणाढायमाणे, जत्थेव सा संखडी सिया. तंजहा-गामंसि वा नगरंसि वा खेडंसि वा कब्बडंसि वा मडंबसि वा पट्टणंसि वा आगरंसि वा दोणमुहंसि बा नेगमंसि वा आसमंसि वा संनिवेसंसि वा जाव रायहाणिसि वा संखटि संखडिपडियाए नो अभिसंधारिजा गमणाए, केवली व्या-आयाणमेयं (प. आययणमेय) संखडि संखडिपडियाए अभिधारेमाणे आहाकम्मियं वा उद्देसियं वा मीसजायं वा कीयगडं वा पामिच्चं वा अच्छिजं वा अणिसिटुं वा आभिहडं वा आह१ दिजमार्ण भुजिजा, अस्संजए भिक्खुपडियाए सुडियदुवारियाओ महडियदुवारियाओ कुजा, महल्लियदुवारियाओ खुडियदुवारियाओ कुजा, समाओ सिजाओ विसमाओ कुज्जा, विसमाओ सिज्जाओ समाओ कुज्जा, पवायाओ सिज्जाओ निवायाओ कुज्जा. निवायाओ सिजाओ पवायाओ कुजा. अंतो वा बहिं वा उवस्मयस्स हरियाणि छिदिय हिंदिय दालिय दालिय संथारगं संथारिजा, एस विलंगयामो सिज्जाए, तम्हा से संजए नियंठे तहप्पगारं पुरेसंखडिं वा पच्छासंखडिं वा संखडिं संखडिपडियाए नो अभिसंधारिजा गमणाए, एयं खलु तस्स भिक्खुस्स जाव सया जए। २३६ ॥ अ०१ उ०२॥ से एगइओ अन्नयरं संखडिं आसित्ता पिवित्ता छतिज वा बमिज वा भुने वा से नो सम्मं परिणमिज्जा अन्नयरे वा से दुक्खे रोगायंके समुप्पजिजा, केवटी चूया आयाणमेयं ।२३७। इह खलु भिक्खू गाहावईहिं वा गाहावईणीहि वा परिवायएहि वा परिवाइयाहि वा एगज मदि मुंडं पाउं भो वइमिस्स हुरत्था वा उवस्मयं पडिलेहेमाणो नो लभिज्जा नमेव उवस्मयं संमिस्सीभावमावजिज्जा अन्नमणे वा से मने विपरियासियभूए इथिविग्गहे वा किलीचे वा तं भिक्खु उवसंकमित्तु व्या-आउसंतो समणा ! अहे आरामंसि वा अहे उवस्सयंसि वा राओ वा वियाले वा गामधम्मनियंनियं कद्द रहस्सियं मेहुणधम्मपरियारणाए आउद्दामो,तं चेवेगईओ सातिजिज्जा, अकरणिज्नं चेयं संखाए एए आयाणा (आयतणाणि) संति संविजमाणा पचवाया भवंति, तम्हा से संजए नियंठे नहप्पगारं परेसंखटि वा० संखडि संखडिपडियाए नो अभिसंधारिजा गमणाए। २३८ । से भिक्खू वा अनयरि संखडि सुचा निसम्म संपहावद उस्सुयभएण अप्पाणेणं, धुवा संखडी, नो संचाएइ तस्थ इयरेयरेहिं कुलेहि सामुदाणियं एसियं वेसियं पिंडवायं पडिग्गाहित्ता आहारं आहारित्तए, माइहाणं संफासे, नो एवं करिजा, से तत्व कालेण अणुपविसित्ता तन्धियरेयरेहि कलेहिं सामुदाणियं एसियं वेसियं पिंडवायं पडिगाहित्ता आहारं आहारिजा । २३९ । से भिक्खू वा २ से जं पुण जाणिज्जा गामं वा जाव रायहाणिं वा इमंसि खलु गामंसि वा जाव रायहाणिसि वा संखडी सिया तंपि य गार्म वा जाव रायहाणिं वा संखडिं संखडिपडियाए नो अभिसंधारिजा गमणाए, केवली च्या-आयाणमेयं, आइनाऽवमाणं संखडिं अणुपविस्समाणस्स पाएण वा पाए अकंतपुष्वे भवइ हत्येण वा हत्ये संचालियपुड्वे भवइ पाएण वा पाए आवडियपुग्ने भवइ सीसेण वा सीसे संघट्टियपुवे भवइ काएण वा काए संखोभियपुवे भवइ दंडेण वा अट्टीण वा मुट्ठीण वा लेलुणा वा कवालेणू चा अभिहयपुत्रे भवइ सीओदएण वा उस्सिनपुवे भवइ रयसा वा परिघासियपुत्वे भवइ अणेसणिजे वा परिभुत्तपत्रे भवइ अन्नेसि वा दिजमाणे पडिग्गाहियपुष्वे भवइ तम्हा से संजए नियंठे तहप्पगारं आइनावमाणं संखडि संखडिपडियाए नो अभिसंधारिजा गमणाए ।२४०। से भिक्खू वा २ जाव समाणे से जं पुण जाणिजा असणं वा ४ एसणिजे सिया अणेमणिज्जे सिया वितिगिंछसमावन्नेण अप्पाणेण असमाहडाए लेसाए तहप्पगारं असणं वा ४ लाभे संते नो पडि| गाहिज्जा।२४१। से भिक्खू० गाहावइकुलं पविसिउकामे सत्रं भंडगमायाए गाहावइकुलं पिंडयायपडियाए पविसिज वा निक्खमिज बा, से भिक्खू वा २ वहिया विहारभूमि वा वियारभूमि वा निक्खममाणे वा पविसमाणे वा सवं भंडगमायाए बहिया विहारभूमि वा वियारभूमि वा निक्वमिज वा परिसिज वा, से भिक्खू वा २ गामाणुगामं दूइज्जमाणे सव्वं भंडगमायाए गामाणुगाम दूइजिजा।२४२। से भिक्खू० अह पुण एवं जाणिज्जा-तिवदसियं वासं बासेमाणं पहाए तिबदेसियं महियं संनिचयमाणं पेहाए महवाएण वा रयं समुधुयं 8 पेहाए तिरिच्छसंपाइमा वा तसा पाणा संथडा संनिचयमाणा पेहाए, से एवं नया नो सर्व भंडगमायाए गाहावइकुलं पिंडवायपडियाए पविसिज वा निक्समिज वा बहिया बिहारभूमि १४ आचारांग- अन्य।
मुनि दीपरत्नसागर
| SR No. | 003901 |
| Book Title | Aagam Manjusha 01 Angsuttam Mool 01 Aayaro |
| Original Sutra Author | N/A |
| Author | Anandsagarsuri, Sagaranandsuri |
| Publisher | Deepratnasagar |
| Publication Year | 2012 |
| Total Pages | 38 |
| Language | Prakrit |
| Classification | Book_Devnagari, Agam, Canon, & agam_acharang |
| File Size | 30 MB |