________________
चच्चरी
जाइ कुंद मुचकुंद हउँ लेवि कुसुम-वर-माल । पूज रइसु सिरि-नेमि-जिण कंचण-रयण-विसाल ॥१२ अंगि विलेवणु सामि करि चंदणु मेलि कपूर । अगर उखेवहु तहि भुणि वरतह सहिउ कपूरु (१) ॥१३ पंच-रंग पहिरावि पडि प्रिय मन करहि उसूरु ।.. कसथूरिय मयवटु भरवि मुहि देहि सुरहि कपूर ॥१४ मण-चिंतिय बलि वित्थरहु करहु ज मणह सुहाइ । परि मणोरह सामि महु जिव कलि-मलु सहु जाइ ॥१५ लूणु नीरु अरु आरतिउ सामिहि उत्तारेसु । पंच-सबुदु वज्जावि करि मंगल-दीवु करेसु ॥१६ गुण गायहु पहु नेमि-जिण करहु विविह् बहु भत्ति । चउ-गइ-गवणु निवारि जिव पावहु पंचम गत्ति ॥१७ जासु सिहरि दुइ मुणि वसहि संब-पजुन्न-कुमार । तिव करि सामिय नेमि-जिण जिव पणमउँ सवि-वार ॥१८ कवडि-जक्ख तई वीनवउँ संघ-वयणु अवधारि । सेत्रुजि नमहि जि रिसह-जिणु तहँ तुहु दुरिय निवारि ॥१९ तिव करि सामिय रिसह-जिण जिवँ तुह दरिसणु देव । परियणि पुत्ति कलत्ति सउँ करउँ तुहारिय सेव ॥२० जे नर सामिय तइँ नमहि करहि भगति-जोहारु । सुगुरु-वयणु निय-मणि धरहि तहँ थोडउ संसारु ॥२१ जहि निवसइ पहु पढम जिणु रिसह-जिणेसरु देउ । सेत्रुजि सिद्धा के-वि मुणि ताहँ कु जाणइ छेउ ॥२२ कि-वि सावय नव-नविय-परि बोलहि घणउँ विचारु । जे जुग-पवर न गुरु नमहि महु मणि तहँ संसारु ॥२३
१२. ३. ख. रयहु. १३. २. क. सिरखंडु. १. ख. वरत. १४. ४. ख. पवर क. १५. १. ख. मणि; २ क. करउ ज; ख. सुहाए १. ख. जाए. १६. २ क. सामिय ४. ख. दीवउ देसु. १७. ३. क. गमण. १८. १. क वसह. १९. के लिए ख. में ककवजाख तई वीमवउं संघमणोरह पूरि । जिव पूजह पहु रिसहजिणु ऊगइ ऊगइ सूरि ॥१९॥ इसके पश्चात् ख. में क. की २६वीं तूक है. २०. क. तुम्हायरीय. ख. तहारिय. २१. ३. ख. वयणि जिणे सर सूरि गुरु. २२ ख में पूर्वार्ध-उत्तरार्ध उलटे हैं २३. १. ख. नवन परिहि में २२. ३. क. सेतुजि.
Jain Educationa International
For Personal and Private Use Only
www.jainelibrary.org
