________________
श्रीमालवंशीय ठक्कुर - फेरूविरचिता प्राकृत भाषाबद्धा
रत्न परीक्षा
सयलगुणाण निवासं नमिउं सव्वन्नं तिहुयणपयासं । संखेवि परप्पहियं रयणपरिक्खा भणामि अहं ॥ १ ॥ सिरिमाल कुलुत्तंसो ठक्कर चंदो जिदिपयभत्तो । तस्संगहो फेरू जंपइ रयणाण माहप्पं ॥ २ ॥ पुव्वि रयणपरिक्खा सुरमिंति - अगत्थ - बुद्धभट्टेहिं । विहिया तं दणं तह बुद्धी मंडलीयं च ॥ ३ ॥ अल्लावदीणकलिकाल - चक्कवट्टिस्स कोसमज्झत्थं । रयणायरु व्व रयणुच्चयं च नियदिट्ठिए दहुं ॥ ४ ॥ पच्चक्खं अणुभूयं मंडलिय - परिक्खियं च सत्थायं ( इं ) । नाउं रयणसरूवं पत्तेय भणामि सव्वेसिं ॥ ५॥ लोए भणति एवं आसी बलदाणवो महाबलवं । सो पत्तो अन्नदिणे सग्गे इंदस्स जिणणत्थं ॥ ६ ॥ तहिं पत्थिओ सुरेहिं जन्ने अम्हाण तुं पसू होह | तेण पन्ने भणियं भविओहं कुणसु नियकज्जं ॥ ७ ॥ सो पसु वहिउ सुरेहिं तस्स सरीरस्स अवयवाओ य । संजाया वर रयणा सिरिनिलया सुरपिया रम्मा ॥ ८ ॥ अस्थिस्स जाय हीरय मुत्तिय दंताउ रुहिर माणिक्कं । मरगयमणि पित्ताओ नयणाओ इन्दनीलो य ॥ ९ ॥ बइडुज्जो य रसाओ बसाउ कक्यगं समुप्पन्नं । ल्हसणीओ य नहाओ फलियं मेयाउ संजायं ॥ १० ॥
Jain Educationa International
For Personal and Private Use Only
www.jainelibrary.org
