________________
[१३५०] कप्पं न इच्छिज्ज सहायलिच्छू , पच्छानुतावेण तव्वप्पभावं | ए वं वियारे अमियप्पयारे , आवज्जई इं दियचोरवस्से || [१३५१] तओ से जायं ति पओयणाइं , निमज्जिउं मोहमहण्णवं मि |
सुहेसिणो दुक्खविणोयणट्ठा , तपच्चयं उज्जमए य रागी ।। [१३५२] विरज्जमाणस्स य इं दियत्था, सद्दाइया तावइयप्पगारा |
न तस्स सव्वे वि मणुन्नयं वा , निव्वतयंती अमणुन्नयं वा ।। [१३५३] एवं स संकप्पविकप्पणासुं , संजायई समयमुव द्वियस्स |
अत्थे असंकप्पयओ तओ से , पहीयए कामगुणेसु तण्हा ।। [१३५४] सो वीयरागो कयसव्वकिच्चो , खवेइ नाणावरणं खणेणं ।
तहेव जं दंसणमावरेइ , जं चं तरायं पकरेइ कम्मं ।। [१३५५] सव्वं तओ जाणइ पासए य , अमोहणे होइ निरं तराए ।
अनासवे झाणसमाहिजुत्ते , आउक्खए मोक्खमुवेइ सुद्धे ।। [१३५६] सो तस्स सव्वस्स दुहस्स मु क्खो, जं बाहई सययं जं तुमेयं ।
दीहामयं विप्पमुक्को पसत्थो , तो होइ अच्चं तसुही कयत्थो ।।
[१३५७] अनाइकालप्पभवस्स एसो, सव्वस्स दुक्खस्स पमोक्खमग्गो । अज्झयणं-३२
वियाहिओ जं समुविच्च सत्ता , कमेण अच्चंतसुही भवंति || त्ति
बेमि • बत्तीसइमं अज्झयणं सम्मत्तं . ० तेत्तीसइमं अज्झयणं कम्मपयडी .
[१३५८] अटुं कम्माई वोच्छामि , आनुपुव्विं जह क्कम ।
जेहिं बद्धो अयं जीवो , संसारे परिव दुई । [१३५९] नाणस्सावरणिज्जं, दंसणावरणं तहा ।
वेयणिज्जं तहा मोहं , आउकम्मं तहेव य ।। [१३६०] नामकम्मं च गोयं च , अंतरायं तहेव य ।
ए वमेयाइ कम्माइं , अद्वेव उ समासओ || [१३६१] नाणावरणं पं चविहं, स्यं आभि निबोहियं ।
ओहिनाणं च तइयं , मणनाणं च केवलं ।। [१३६२] निद्दा तहेव पयला , निद्दानिद्दा पयलपयला य ।
तत्तो य थीणगिद्धी उ , पंचमा होइ नायव्वा ।। [१३६३] चक्खुमचक्खूओहिस्स, दंसणे केवले य आवरणे ।
एवं तु नवविगप्पं , नायव्वं दंसणावरणं ।। [१३६४] वेयणीयंपि य दुविहं , सायमसायं च आहियं ।
सायस्स उ बहू भेया , एमेव असायस्स वि ।।
दीपरत्नसागर संशोधितः]
[88]
[४३-उत्तरज्झयण]
