________________
[१२१७] एसो बाहिरगं तवो, समासेण वियाहिओ |
अब्भिंतरं तवं एत्तो , वुच्छामि अ नुपुव्वसो । । [१२१८] पायच्छित्तं वि नओ, वेयावच्चं तहेव सज्झाओ ।
झाणं च विउस्सग्गो , एसो अ भिंतरो तवो । । [१२१९] आलोयणारिहाईयं, पायच्छित्तं तु दसविहं ।
जं भिक्खू वहई सम्मं , पायच्छित्तं तमाहियं । । [१२२०] अब्भुट्ठाणं अंजलिकरणं
गुरुभत्तिभावसुस्सूसा, विनओ एस वियाहिओ । । [१२२१] आयरियमाईयंमि वेयावच्चो य दसविहे ।
आसेवणं जहाथामं , वेयावच्चं तमाहियं । । [१२२२] वायणा पुच्छणा चेव , तहेव परियट्टणा ।
अणुप्पेहा धम्मकहा , सज्झाओ पं चहा भवे । । [१२२३] अट्टरुद्दाणि वज्जित्ता , झाएज्जा सुसमाहिए ।
धम्मसुक्काइं झाणाई , झाणं तं तु बुहा वए । । [१२२४] सयनासन ठाणे वा , जे उ भिक्खू न वावरे |
अज्झयणं-३०
कायस्स विउस्सग्गो , छट्ठो सो परिकित्तिओ । । [१२२५] एवं तवं तु दुविहं , जे सम्मं आयरे मु नी । सो खिप्पं सव्वसंसारा , विप्पमुच्चइ पंडिओ || त्ति बेमि
• तीसइमं अज्झयणं सम्मत्तं . • एगतीसइमं अज्झयणं - चरणविही .
[१२२६] चरणविहिं पवक्खामि , जीवस्स उ सुहावहं ।
जं चरित्ता बहू जीवा , तिण्णा संसारसागरं । । [१२२७] एगओ विरइं कुज्जा , एगओ य पवत्तणं ।
असंजमे नियतिं च , संजमे य पवत्तणं । । [१२२८] रागदोसे य दो पावे , पावकम्मपवत्तणे |
जे भिक्खू रुंभई निच्चं , से न अच्छड़ मं डले । । [१२२९] दंडाणं गारवाणं च , सल्लाणं च तियं तियं ।
जे भिक्खू चयई निच्चं , से न अच्छइ मं डले । । [१२३०] दिव्वे य जे उवसग्गे , तहा तेरिच्छमा नुसे |
जे भिक्खू सहइ निच्चं , से न अच्छइ मं डले । । [१२३१] विगहाकसायसन्नाणं, झाणाणं च दुयं तहा ।
जे भिक्खू वज्जई निच्चं , से न अच्छइ मं डले । । [१२३२] वएसु इं दियत्थेसु, समिईसु किरियासु य ।
दीपरत्नसागर संशोधितः]
[80]
[४३-उत्तरज्झयण]
