________________
. पंचविंसइम अज्झयणं सम्मत्तं . ० छव्वीसइमं अज्झयणं - सामायारी ०
[१००७] सामायारिं पवक्खामि , सव्वदुक्खविमोक्खणिं ।
जं चरित्ताण निग्गं था, तिण्णा संसारसागरं ।। [१००८] पढमा आवस्सिया नाम , बिइया य निसीहिया ।
आपुच्छणा य तइया , चउत्थी पडिपुच्छणा ।। [१००९] पंचमी छं दणा नाम , इच्छाकारो य छ
सत्तमो मिच्छाकारो उ , तहक्कारो य अ दुमो ।। [१०१०] अब्भुट्ठाणं च नवमं , दसमी उवसंपया ।
सा दसंगा साहूणं , सामायारी पवेइया ।। [१०११] गमने आवस्सियं कुज्जा , ठाणे कुज्जा निसीहियं ।
आपुच्छणं सयंकरणे , परकरणे पडिपुच्छाणं ।। [१०१२] छंदणा दव्वजाएणं , इच्छाकारो य सारणे ।
अज्झयणं-२६
मिच्छाकारो य निं दाए, तहक्कारो पडिस्सुए ।। [१०१३] अब्भुट्ठाणं गुरुपूया , अच्छणे उवसंपया ।
एवं दुपंचसंजुत्ता , सामायारी पवेइया ।। [१०१४] पुव्विल्लंमि चउब्भाए , आइच्चमि समुट्ठिइए ।
भंडयं पडिलेहित्ता , वंदित्ता य तओ गुरुं ।।। [१०१५] पुच्छिज्जा पंजलिउडो , किं कायव्वं मए इहं ? |
इच्छं निओइउं भं ते!, वेयावच्चे व सज्झाए ।। [१०१६] वेयावच्चे निउत्तेण , कायव्वं अगिलायओ ।
सज्झाए वा निउत्तेण , सव्वदुक्खविमोक्खणे ।। [१०१७] दिवसस्स चउरो भागे , भिक्खु कुज्जा वियक्खणो |
तओ उत्तरगुणे कुज्जा , दिनभागेसु चउसु वि ।। [१०१८] पढमं पोरिसि सज्झायं , बीयं झाणं झियायई ।
तइयाए भिक्खायरियं , पुणो चउत्थीइ सज्झायं ।। [१०१९] आसाढे मासे दुपया , पोसे मासे चउप्पया ।
चित्तासोएसु मासेसु , तिप्पया हवइ पोरिसी ।। [१०२०] अंगुलं सत्तरत्तेणं , पक्खेणं च दुरंगुलं ।
वड्ढए हायए वाऽवि , मासेणं चउरंगुलं ।। [१०२१] आसाढबहुले पक्खे , भद्दवए कत्तिए य पोसे य ।
फग्गुणवइसाहेसु य , बोद्धव्वा ओमरत्ताओ ।। [१०२२] जेठामुले आसाढसावणे , छहिं अंगुलेहिं पडिलेहा ।
दीपरत्नसागर संशोधितः]
[66]
[४३-उत्तरज्झयणं]
