________________
भिक्खाए वा गिहित्थे वा , जे सं ति परिनिव्वुडा ।। [१५७] तेसिं सोच्चा सपुज्जाणं , संजयाण वुसीमओ ।
न संतसंति मरणंते , सीलवंता बहुस्सुया || [१५८] तुलिया विसेसमादाय , दयाधम्मस्स खं तिए ।
विप्पसीएज्ज मेहावी , तहाभूएण अप्पणा ।।
अज्झयणं-५
[१५९] तओ काले अभिप्पेए , सढ्ढी तालिसमं तिए ।
विणएज्ज लोमहरिसं , भेयं देहस्स कंखए ।। [१६०] अह कालं मि संपत्ते , आघायाय समुस्सयं । सकाममरणं मरई , तिण्हमन्नयरं म् नी ।। त्तिबेमि
• पंचमं अज्झयणं समत्तं . । • छड़े अज्झयणं - खुड्डागनियंठिज्जं . [१६१] जावंतऽविज्जा पुरिसा, सव्वे ते दुक्खसंभवा ।
लुप्पंति बहुसो मूढा , संसारंमि अ नंतए || [१६२] समिक्ख पं डिए तम्हा , पास जाईपहे बहू ।
अप्पणा सच्चमेसेज्जा , मेति भूएस कप्पए || [१६३] माया पिया ण्हुसा भाया , भज्जा पुत्ता य ओरसा ।
नालं ते मम ताणाए , लुप्पंतस्स सकम्मुणा ।। [१६४] एयमढें सपेहाए , पासे समियदंसणे गेहिं सिणेहं च
न कंखे पव्वसंथयं ।। [१६५] गवासं मणिकुं डलं, पसवो दासपोरुसं
सव्वमेयं चइत्ताणं , कामरूवी भविस्ससि || [१६६] थावरं जंगमं चेव , धणं धन्नं उवक्खरं
पच्चमाणस्स कम्मेहिं , नालं दुक्खाओ मोअणे ।। [१६७] अज्झत्थं सव्वओ सव्वं , दिस्स पाणे पिया उए ।
न हणे पाणिणो पाणे , भयवेराओ उवरए || [१६८] आयाणं नरयं दिस्स , नायएज्ज तणामवि ।
दोगुंछी अप्पणो पाए , दिन्नं भंजेज्ज भोयणं ।। [१६९] इहमेगे उ मन्नं ति, अप्पच्चक्खाय पावगं ।
आयरियं विदित्ताणं , सव्वदुक्खा विमुच्चई ।। [१७०] भणंता अकरें ता य बं धमोक्खपइण्णिणो ।
वायाविरियमेत्तेण, समासासेंति अप्पयं ।। [१७१] न चित्ता तायए भासा , कुओ विज्जा नुसासनं? |
विसन्ना पावकम्मेहिं , बाला पंडियमाणिणो ||
दीपरत्नसागर संशोधितः]
[13]
[४३-उत्तरज्झयण]
