________________
[१५६३] अस्सकण्णी य बोधव्वा , सीहकण्णी तहेव य ।
मुसुंढी य हलिद्दा य , नेगहा एवमायओ ।। [१५६४] एगविहमनाणत्ता, सुहमा तत्थ वियाहिया ।
सुहमा सव्वलोगं मि, लोगदेसे य बायरा ।। [१५६५] संतई पप्पणाइया , अपज्जवसिया वि य ।
ठिई पडुच्च साइया , सपज्जवसिया वि य ।। [१५६६] दस चेव सहस्साइं , वासाणुक्कोसिया भवे ।
वणस्सईणं आउं तु , अंतोमुहत्तं जह न्नयं ।। [१५६७] अनंतकालमुक्कोसा, अंतोमुहुत्तं जह न्निया ।
कायठिई पणगाणं , तं कायं तु अमुंचओ ।। [१५६८] असंखकालमुक्कोस, अंतोमुहत्तं जह न्नयं ।
विजढंमि सए काए , पणगजीवाण अंतरं ।। [१५६९] एएसिं वण्णओ चेव , गंधओ रस-फासओ ।
संठाणादेसओ वावि , विहाणाइं सहस्ससो ।। [१५७०] इच्चेए थावरा तिविहा , समासेण वियाहिया ।
इत्तो उ तसे तिविहे , वुच्छामि अ नुपुव्वसो ।। [१५७१] तेऊ वाऊ य बोधव्वा , उराला य तसा तहा |
अज्झयणं-३६
इच्चेए तसा तिविहा , तेसिं भेए सणेह मे || [१५७२] दुविहा तेऊ जीवा उ , सुहमा बायरा तहा ।
पज्जत्तमपज्जत्ता, एवमेए दुहा पुणो ।। [१५७३] बायरा जे उ पज्जत्ता , नेगहा ते वियाहिया ।
इंगाले मुम्मुरे अग नी, अच्चिजाला तहेव य ।। [१५७४] उक्का विज्जू य बोधव्वा , नेगहा एवमेयओ ।
एगविहमनाणत्ता, सुहुमा ते वियाहिया ।। [१५७५] सुहुमा सव्वलोगं मि, लोगदेसे य बायरा ।
इत्तो कालविभागं तु , तेसिं वुच्छं चउव्विहं ।। [१५७६] संतई पप्पणाइया , अपज्जवसिया वि य ।
ठिइं पडुच्च साइया , सपज्जवसिया वि य ।। [१५७७] त्तिन्नेव अहोरत्ता , उक्कोसेण वियाहिया ।
आउठिई तेऊणं , अंतोमुहुत्तं जह न्नियं ।। [१५७८] असंखकालमुक्कोसा, अंतोमुह्त्तं जह न्निया ।
कायठिई तेऊणं , तं कायं तु अमुंचओ ।। [१५७९] अनंतकालमुक्कोसं, अंतोमुहुत्तं जह न्नयं ।
विजढंमि सए काए , तेऊ जीवाण अंतरं ।।
दीपरत्नसागर संशोधितः]
[101]
[४३-उत्तरज्झयण]
