________________
खीरदधिमाइयाण य पंचिंदियतिरियपरिभोगो ।। [६६] सच्चित्ते पव्वावण पंथुवएसे य भिक्खदाणाई । सीसहिग अच्चित्ते मीसद्विसरक्खपहपुच्छा ।।
गाहा-६७
[६७] खमगाइ कालकज्जाइएसु पुच्छिज्ज देवयं कंचि । पंथे सुभासुभे वा पुच्छेई दिव्व उवओगो ।। [६८] अह मीसओ य पिंडो एएसिं चिय नवण्ह पिंडाणं ।
दुग संजोगाईओ नायव्वो जाव चरमोत्ति ।। [६९] सोवीर गोरसासव वेसण भेसज्ज नेह सागफले ।
पोग्गललोण गुलोयण नेगा पिंडा उ संजोगे ।। [७०] तिन्नि उ पएससमया ठाणट्ठिइउ दविए तयाएसा |
चउपंचमपिंडाणं जत्थ जया तप्परूवणया ।। [७१] मुत्तदविएसु जुज्जइ जइ अन्नोन्नाणुवेहओ पिंडो ।
मुत्तिविमुत्तेसुवि सो जुज्जइ ननुसंखबाहुल्ला || [७२] जह तिपएसो खंधो तिसुवि पएसेसु जो समोगाढो । अविभागिण संबद्धो कहन्न नेवं तदाधारो
? || [७३] अहवा चउण्ह नियमा जोगविभागेण जुज्जए पिंडो ।
दोसु जहियं तु पिंडो वण्णिज्जइ कीरए वावि ।। [७४] दुविहो उ भावपिंडो पसत्थओ चेव अप्पसत्थो य ।
एएसिं दोण्हपिय पत्तेय परूवणं वोच्छं ।। [७५] एगविहाइदसविहो पसत्थओ चेव अप्पसत्थो य ।
संजम विज्जाचरणे नाणादितिगं च तिविहो उ ।। [७६] नाणं दंसणं तव संजमो य वय पंच छच्च जाणेज्जा | पिंडेसणं पाणेसणं उग्गहपडिमा य पिंडंमि ।। [७७] पवयणमाया नव बंभगत्तिओ तह य समणधम्मो य । एस पसत्थो पिंडो भणिओ कम्मट्ठमहणेहिं ।। [७८] अपसत्थो य असंजम अन्नाणं अविरइ य मिच्छत्तं । कोहायासवकाया कम्मे
गुत्ती अ हम्मो य [७९] बज्झइ य जेण कम्म सो सव्वो होइ अप्पसत्थो उ ।
मुच्चइ य जेण सो उण पसत्थओ नवरि विन्नेओ ।। [८०] दंसणनाणचरित्ताण पज्जवा जे उ जत्तिया वाऽवि ।
सो सो होइ तयक्खो पज्जवपेयालणा पिंडो || [८१] कम्माण जेण भावेण अप्पगं चिणइ चिक्कणं पिंडं ।
सो होइ भावपिंडो पिंडयए पिंडण जम्हा || [८] दव्वे अच्चित्तेणं भावंमि वेय पसत्थएणिहं पगयं ।
दीपरत्नसागर संशोधितः]
[6]
[४१-पिंडनिज्जुत्ति]
