________________
बालब्रह्मचारी श्री नेमिनाथाय नमः
नमो नमो निम्मलदंसणस्स ॐ ह्रीं नमो पवयणस्स
४१/१
पिंडनिज्जुत्ति-बीइअं
मूलसूत्तं/१
[१] पिंडे उग्गम उप्पायणेसणा जोयणा पमाणे य ।
इंगाल धूम कारण अट्ठविहा पिंडनिज्जुत्ति ।। [२] पिंड निकाय समूहे संपिंडण पिंडणा य समवाए |
समुसरण निचय उवचय चए य जुम्मे य रासी य ।। [३] पिंडस्स उ निक्खेवो चउक्कओ छक्कओ व कायव्वो । निक्खेवं काऊणं परूवणा तस्स कायव्वा ।। [४] कुलए य चउभागस्स संभवो छक्कए चउण्डं च । नियमेण संभवो अत्थि छक्कगं निक्खिवे तम्हा || [५] नामंठवणापिंडो दव्वे खेत्ते य काल भावे य ।।
एसो खलु पिंडस्स उ निक्खेवो छव्विहो होइ ।। [६] गोण्णं समयकयं वा जं वावि हवेज्ज तद्भएण कयं ।
तं बिंति नामपिंडं ठवणापिंडं अओ वोच्छं ।। [७] गुणनिप्फन्नं गोण्णं तं चेव जहत्थम सत्थवी बेंति ।
तं पुण खवणो जलणो तवणो पवणो पईवो य ।। [८] पिंडण बहुदव्वाणं पडिवक्खेणावि जत्थ पिंडक्खा ।
सो समयकओ पिंडो जह सत्तं पिंडपडियाई ।। [९] जस्स पुण पिंडवायट्ठयं पविद्वस्स होइ संपत्ती ।
गुडओयणपिंडेहिं तं तदुभयपिंडमाइंसु ।। [१०] उभयाइरित्तमहवा अन्नपि हु अत्थि लोइयं नाम |
अत्ताभिप्पायकयं जह सीहगदेवदत्ताई ।। [११] गोण्णसमयारित्तं इणमन्नं वाऽवि सूइयं नाम |
जह पिंडउत्ति कीरइ कस्सइ नामं मनूसस्स ।। [१२] तल्लेऽवि अभिप्पाए समयपसिद्धं न गिण्हए लोओ ।
जं पुण लोयपसिद्धं तं सामइया उवचरंति ।। [१३] अक्खे वराडए वा कढे पुत्थे व चित्तकम्मे वा ।
सब्भावमसब्भावे ठवणापिंड वियाणाहि ।। [१४] इक्को 3 असब्भावे तिण्हं ठवणा 3 होइ सब्भावे |
दीपरत्नसागर संशोधितः]
[2]
[४१-पिंडनिज्जुत्ति]
