________________
मीसा उ सभंडाणं दुपयाइकया 3 उप्पत्ती ।। [४४०] भावे पसत्थ इयरो कोहाउप्पायणा उ अपसत्थो । कोहाइजुया धायाइणं च नाणाइ उ पसत्था ।।
गाहा-४४१
[४४१] धाई दूइ निमित्ते आजीव वणीमगे तिगिच्छा य ।
कोहे माने माया लोभे य हवंति दस एए ।। [४४२] पुव्विंपच्छासंथव विज्जा भंते य चुण्ण जोगे य ।
उप्पायणाइ दोसा सोलसमे मूलकम्मे य ।। [४४३] खीरे य मज्जणे मंडणे य कीलावणंकधाई य ।
एक्केक्काविय दुविहा करणे कारावणे चेव ।। [४४४] धारेइ धीयए वा धयंति वा तमिति तेण धाई उ ।
जहविहवं आसि पुरा खीराई पंच धाईओ ।। [४४५] खीराहारो रोवइ मज्झ कयासाय देहि णं पिज्जे ।
पच्छा व मज्झ दाहिसि अलं व भुज्जो व एहामि ।। [४४६] मइमं अरोगि दीहाउओ य होइ अविमाणिओ बालो |
दुल्लभयं खु सुयमुहं पिज्जाहि अहं व से देमि ।। [४४७] अहिगरण भद्दपंता कम्मुदय गिलाणए य उड्डाहो ।
चडुकारी य अवण्णो नियगो अन्नं च जं संके ।। [४४८] अयमवरो उ विकप्पो भिक्खायरि सड्ढि अद्धिई पच्छा ।
दुक्खसहाय विभासा हियं च धाइत्तणं अज्जो ।। [४४९] वयगंडतणुयथूलत्तणेहिं तं पुच्छिउं अयाणंतो ।
तत्थ गओ तस्समक्खं भणाइ तं पासिउं बालं ।। [४५०] अहणुट्ठियं व अणविक्खियं व इणमं कुलं तु मन्नामि ।
पुन्नेहिं जहिताए जदिच्छाए व तरई बालेण सूएमो ।। [४५१] थेरी दुब्बलक्खीरा चिमिढो पेल्लियमहो अइथणीए ।
तणुई उ मंदखीरा कुप्परथणियाए सूइमुहो ।। [४५२] जा जेण होइ वण्णेण उक्कडा गरहए य तं तेणं ।
गरहइ समाण तिव्वं पसत्थमियरं च दुव्वन्नं ।। [४५३] उव्वट्टिया पओसं छोभग उब्भामओ य से जं तु । होज्जा मज्झवि विग्घो विसाइ इयरी व एमेव ।। [४५४] एमेव सेसियासुवि सुयमाइस् करणकारणं सगिहे ।
इड्ढीसु य धाईसु य तहेव उव्वट्टियाण गमो ।। [४५५] लोलइ महीए धूलीए गुंडिओ पहाणि अहवणं मज्जे ।
जलभीरु अबलनयनो अइउप्पिलणे अ रत्तच्छो ।। [४५६] अब्भंगिय संवाहिय उव्वट्टिय मज्जियं च तो बालं ।
दीपरत्नसागर संशोधितः]
[28]
[४१-पिंडनिज्जुत्ति]
