________________
[१०००] वाणमंतर-देवत्ता चइऊणं गोयमासडो ।
रासहत्ताए तेरिच्छेसुं नरिंद-घरमागओ ।। [१००१] निच्चं तत्थ वडवाणं संघट्टण-दोसा तहिं ।
वसने वाही समुप्पन्ना किमी एत्थ समुच्छिए ।। [१००२] तओ किमिएहिं खज्जतो वसन-देसम्मि गोयमा । मुक्काहारो खिइं लेढे वियणत्तो ताव साहणो ।। [१००३] अदूरेण पवोलिते दह्नणं जाइं सरेत्तु य ।
निदिउं गरहिउं आया अनसनं पडिवज्जिया ।। [१००४] काग-साणेहि खज्जंतो सुद्ध-भावेण गोयमा ।
अरहंताण ति सरमाणो सम्मं उज्झियं तनूं ।। [१००५] कालं काऊण देविंद महाघोस-समाणिओ |
जाओ तं दिव्वं इढिं समणुभोत्तुं तओ चुओ || [१००६] उववन्नो वेसत्ताए जा सा नियडी न पयडिया | तओ वि मरिऊणं बहू अंत-पंत-कुलेऽडिओ ।। [१००७] कालक्कमेण महराए सिवइंदस्स दियाइणो | सुओ होऊण पडिबुद्धो सामन्नं काउं निव्वुडो ।। [१००८] एयं तं गोयमा ! सिटुं नियडी-पुंजं तु आसडं ।
जे य सव्वन्नु-मुह-भणिए वयणे मनसा विडंबिए ।। [१००९] कोऊहलेण विसयाणं न उणं विसएहिं पीडिओ |
सच्छंद पायच्छित्तेण भमियं भव-परंपरं || [१०१०] एयं नाऊणमेक्कं पि सिद्धतिगमालावगं ।
जाणमाणे हु उम्मग्गं कुज्जा जे से वियाणिही ।। [१०११] जो पुण सव्व-सुयन्नाणं अटुं वा थेवयं पि वा । नच्चा वएज्जा मग्गेणं तस्स अही न वज्झती । एवं नाऊण मनसा वि उम्मग्गं नो पवत्तए-त्तिबेमी ।। [१०१२] भयवं! अकिच्चं काऊणं पच्छित्तं जो करेज्ज वा । तस्स लट्ठयरं पुरओ जं अकिच्चं न कुव्वए ।।
अज्झयणं-६, उद्देसो
[१०१३] ताऽजुत्तं गोयममिणमो वयणं मनसा वि धारिउं ।
जहा काउमकत्तव्वं पच्छित्तेणं तु सुज्झिहं ।। [१०१४] जो एयं वयणं सोच्चा सद्दहे अनुचरेइ वा ।
भट्ठसीलाण सव्वेसिं सत्थवाहो स गोयमा [१०१५] एसो काउं पि पच्छित्तं पाण-संदेह कारयं ।
आणा-अवराह पदीव-सिहं पविसे सलभो जहा ।। [१०१६] भगवं! जो बलविरियं परिसयार-परक्कम ।
दीपरत्नसागर संशोधितः]
[94]
[३९-महानिसीह
