Page Text
________________
तओ चुओ उववन्नो मनुएसुं, पुणो वि सूणाहिवइत्ताए, तओ वि तक्कम्मदोसेणं सत्तमाए, तओ वि उव्वट्टेऊणं उववन्नो तिरिएसुं चक्कियघरंसि गोणत्ताए ।
तत्थ य चक्क-सगड-लंगलायट्टणेणं अहन्निसं जूवारोवणेणं पच्चिऊणं कुहियाउव्वियं खंधं सम्मुच्छिय किमी, ताहे अक्खमीहूयं खंध-जूव-धरणस्स विण्णाय पट्ठीए वाहिउमारद्धो तेणं चक्किएणं । अहन्नया कालक्कमेणं जहा खंधं तहा पच्चिऊण कुहिया पट्ठी, तत्था वि समुच्छिए किमी, सडिऊण वि च पट्ठि-चम्मं, ता अकिंचियरं निप्पओयणं ति नाऊणं मोक्कलियं, तेणं चक्किएणं, तं सलसलिंत किमि जालेहिं णं खज्जमाणं बइल्लं सावज्जायरिय-जीवं, तओ मोक्कल्लिओ समाणो परिसडिय पट्ठि-चम्मो बहु काय-साण-किमि-कुलेहिं सबज्झब्भंतरे विलुप्पमाणो एकूणतीसं संवच्छराइं जावाहाउगं परिवालेऊण मओ समाणो उववन्नो अनेग-वाहि वेयणा - परिगय- सरीरो मनुएसुं महाधनस्स णं इब्भ-गेहे ।
तत्थ वमन-विरेयण-खार- कडु - तित्त-कसाय-तिहला - मुग्गुल काढगे आवीयमाणस्स निच्चविसोसणाहिं च असज्झाणुवसम्म घोर-दारुण-दुक्खेहिं पज्जालियस्सेव गोयमा ! गओ निप्फलो तस्स मनुजम् । एवं च गोमा ! सो सावज्जायरिय-जीवो चोद्दस-रज्जुयलोगं जम्मण-मरणेहिं णं निरंतरं पडिजरिऊणं सुदीहनंतकालाओ समुप्पन्नो मनुयत्ताए अवरविदेहे तत्थ य भाग- वसेणं लोगानुवत्तीए गओ तित्थयरस्स वंदण-वत्तियाए, पडिबुद्धो य, पव्वइओ, सिद्धो य । इहतेवीसइम - तित्थयरस्स पास-नामस् काले । एयं तं गोयमा ! सावज्जायरिएणं पावियं ति ।
से भयवं ! किं पच्चइयं तेनानुभूयं एरिसं दूसहं घोर - दारुणं महादुक्ख - सन्निवायसंघट्टमेत्तियकालं ति ? गोयमा ! जं भणियं तक्काल समयम्मि जहा णं उस्सग्गाववाएहिं आगमो ठिओ, एगंतो मिच्छत्तं जिणाण आणा अनेगंतो त्ति एय-वयणपच्चइयं ।
से भयवं ! किं उस्सग्गाववाएहिं णं नो ठियं आगमं एगंतं च पन्नविज्जइ ? गोयमा ! उस्सगाववाएहिं चेव पवयणं ठियं अनेगंतं च पन्नविज्जइ नो णं एगंत नवरं आउक्काय-परिभोगं तेउकायसमारंभं मेहुणासेवणं च एते तओ थाणंतरे एगंतेणं निच्छ्यओ बाढं सव्वहा सव्व-पयारेहिं णं आयहियट्ठीणं निसिद्धं ति । एत्थं च सुत्ताइक्कमे संमग्ग- विप्पनासणं उम्मग्ग- पयरिसणं, तओ य आणा-भंगं आणा-भंगाओ अनंत संसारी ।
से भयवं ! किं ते णं सावज्जायरिएणं मेहुणमासेवियं ? गोयमा ! सेवियासेवियं नो सेवियं नो असेवियं । से भयवं ! केणं अट्ठेणं एवं वच्चइ ? गोयमा ! जं तीए अज्जाए तक्कालं उत्तिमंगेणं पाए फरिसिए फरिसिज्जमाणे य नो तेण आउंटिउं संवरिए, एएणं अट्ठेणं गोयमा ! वुच्चइ । अज्झयणं-५, उद्देसो
से भयवं एद्दए-मेत्तस्स वि णं एरिसे घोरे दुव्विमोक्खे बद्ध - पुट्ठ-निकाइए कम्म-बधे गोमा ! एवमेयं न अन्नह त्ति ।
से भयवं तेण तित्थयरनाम - कम्मगोयं आसंकलियं एग-भवावसेसीकओ आसी भवोयहि, ता किमेयमनंत-संसाराहिडंणं ति? गोयमा ! नियय- पमाय-दोसेणं तम्हा एयं वियाणित्ता भवविरहमिच्छ-माणेणं गोयमा! सुद्दिट्ठ-समय-सारेणं गच्छाहिवइणा सव्वहा सव्व-पयारेहिं णं सव्वत्थामेसु अच्चत्तं अप्पमत्तेणं भवियव्वं, ति बेमि ।
• दुवालसंग सुय-नाणस्स नवनीयसारं नामं पंचमं अज्झयणं समत्तं •
[दीपरत्नसागर संशोधितः ]
?
[89]
[३९-महानिसीहं]
| SR No. | 003777 |
| Book Title | Agam 39 Mahanisiham Chattham Cheyasuttam Mulam PDF File |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2012 |
| Total Pages | 153 |
| Language | Prakrit |
| Classification | Book_Devnagari, Agam, Canon, Agam 39, & agam_mahanishith |
| File Size | 3 MB |