Page Text
________________
सावए सावगत्तमइयरेज्जा, निरइयारं वयं पसंसे तमेव य समणुढे ! नवरं जे समणधम्मे से णं अच्चंतघोर-दुच्चरे तेणं असेस-कम्मक्खयं जहन्नेणं पि अट्ठ भवब्भंतरे मोक्खो, इयरेणं तु सुद्धणं देव-गइं सुमाणुसत्तं वा साय-परंपरेणं मोक्खो, नवरं पुणो वि तं संजमाओ । ता जे से समण-धम्मे से अवियारे सुवियारे पन्न वियार तह त्ति मनुपालिया उवासगाणं पुण सहस्साणि विधाने, जो जं परिवाले तस्साइयारं च न भवे, तमेव गिण्हे ।
[६८३] से भयवं ! सो उण नाइल-सड्ढगो कहिं समुप्पन्नो ? गोयमा! सिद्धीए, से भयवं ! कहं ? गोयमा ! ते णं महानुभागेणं तेसिं कुसीलाणं संसग्गिं नितुढेऊणं तीए चेव बहु सावय-तरु-संड
घोर-कंताराडवीए सव्व-पाव-कलिमल-कलंक-विप्पमक्क तित्थयर-वयणं परमहियं सदुल्लह भवसएसुं पि त्ति कलिऊणं अच्चंत-विसुद्धासएणं फासुद्देसम्मि निप्पडिकम्म निरइयारं पडिवण्णं पडिवण्णं पायवोगमणमनसनं ति । अहण्णया तेणेव पएसेणं विहरमाणो समागओ तित्थयरो अरिहनेमी । तस्स य अनुग्गहट्ठाए तेणे य अचलिय-सत्तो भव्वसत्तो त्ति काऊणं उत्तिमट्ठ-पसाहणी कया साइसया देसणा तमायण्णमाणो सजल-जलहर-निनाय-देव-दुंदुही-निग्घोसं तित्थयर-भारइं सुहज्झवसायपरो आरूढो-खवगसेढीए अउव्वकरणेणं अंतगड-केवली-जाओ ।
एते णं अटेणं एवं वच्चइ जहा णं गोयमा सिद्धीए ता गोयमा ! कुसील संसग्गीए विप्पहियाए एवइयं अंतरं भवइ त्ति ।
. चउत्थं अज्झयणं समत्तं . अज्झयणं-४, उद्देसो
[अत्र चतुर्थाध्ययने बहवः सैद्धान्तिकाः केचिदालापकान् न सम्यक् श्रद्दधत्येव, तैरश्रद्धानैरस्माकमपि न सम्यक् श्रद्धानं । इत्याह हरिभद्रसूरिः न पुनः सर्वमेवेमेदं चतुर्थाध्ययनं । अन्यानि वा अध्ययनानि, अस्यैव कतिपयैः परिमितेः आलापकैरश्रद्धानमित्यर्थः यत् स्थान समवाय जीवाभिगम प्रज्ञापनादिष न कथंचिदिदमाचख्ये यथा प्रतिसंतापक स्थलमस्ति, तद् गुहावासिनस्तु मनुजास्तेषु च परमा धार्मिकाणां पुनः पुनः सप्ताऽष्टवारान् यावदुपपातस्तेषां च तैः तैदारुणैर्वज्रशिला घरट्ट संपुटैर्गिलितानां परिपीड्य मानानामपि संवत्सरं यावत् प्राणव्याप्ति नै भवति । वृद्धवादस्तु पुनर्यथा तावद् इदम् आर्षसूत्रं विकृति न तावदत्र प्रविष्टा, प्रभूताश्चात्र श्रुतस्कंधे अर्थाः सुष्ठवतिशयेन गणधरोक्तानि चेह वचनानिर्गतदेवं स्थिते न किंचिद आशंकनीयम् इति ।]
----------------------------------
० पंचम अज्झयणं-नवनीयसारं . [६८४] एवं कुसील-संसग्गिं सव्वोवाएहिं पयहिउँ ।
उम्मग्ग-पट्ठियं गच्छं जे वासे लिंग-जीविणं ।। [६८५] से णं निव्विग्घमकिलिटुं सामन्नं संजमं तवं ।
न लभेज्जा तेसिं याभावे मोक्खे दूरयरं ठिए || [६८६] अत्थेगे गोयमा पाणी जे ते उम्मग्ग-पट्ठियं ।
गच्छं संवासइत्ताणं भमती भव-परंपरं ।। [६८७] जामद्ध-जाम-दिन-पक्खं मासं संवच्छरं पि वा । सम्मग्ग-पट्ठिए गच्छे संवसमाणस्स गोयमा ।।
दीपरत्नसागर संशोधितः]
[65]
[३९-महानिसीह
| SR No. | 003777 |
| Book Title | Agam 39 Mahanisiham Chattham Cheyasuttam Mulam PDF File |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2012 |
| Total Pages | 153 |
| Language | Prakrit |
| Classification | Book_Devnagari, Agam, Canon, Agam 39, & agam_mahanishith |
| File Size | 3 MB |