________________
कडग कंकण-मुद्दियाइ सुकंत-दित्ता-भरण दुग्गुल्ल-वसन-नेवच्छा कामग्गि-संधुक्कणी निरय-तिरिय-गतीसुं अनंत-दुक्ख-दायगा एसा साहिलास-सराग-दिट्ठी त्ति | एस चक्खु-कुसीले ।
[६२३] तहा घाण-कुसीले जे केइ सुरहि-गंधेसु संगं गच्छइ दुरहिगंधे दुगुंछे से णं घाणकुसीले तहा सवण-कुसीले दुविहे नेए-पसत्थे अपसत्थे य तत्थ जे भिक्खू अपसत्थाई काम-रागसंधुक्खणुद्दिवण-उज्जालण-पज्जालण-संदिवणाई गंधव्व-नट्ट-धनुव्वेद-हत्थिसिक्खा काम-रती -सत्थाईणि गंथाणि सोऊणं नालोएज्जा जाव णं नो पायच्छित्तमनुचरेज्जा से णं अपसत्थ-सवण-कुसीले नेए | तहा जे भिक्खू पसत्थाई सिद्धंताचरिय-पुराण-धम्म-कहाओ य अन्नाइं च गंथसत्थाई सुणेत्ता णं न किंचि आयहियं अनुढे नाण-मयं वा करेइ, से णं पसत्थ-सवणकुसीले नेए ।
___ तहा जिब्भा-कुसीले से णं अनेगहा तं जहा-तित्त-कडुय-कसाय-महुरंबिल-लवणाइं-रसाई आसायंते अदिहाऽसुयाइं इह-परलोगो-भय- विरुद्धाइं सदोसाइं मयार-जयारुच्चारणाइं अयसऽब्भ-क्खाणा अज्झयणं-३, उद्देसो
असंताभिओगाइं वा भणंते, असमयण्णू धम्मदेसना पवत्तणेण य जिब्भा-कुसीले नेए,
से भयवं किं भासाए विभासियाए कुसीलत्तं भवति? गोयमा! भवइ । से भयवं जइ एवं ता धम्म-देसणं-कायव्वं? गोयमा!
[६२४] सावज्जऽणवज्जाणं वयणाणं जो न जाणइ विसेसं ।
वोत्तुं पि तस्स न खमं किमंग पूणदेसणं काउं ।। [६२५] तहा सरीर-कुसीले दुविहे चेट्ठा-कुसीले विभूसा-कुसीले य, तत्थ जे भिक्खू एयं किमिकुल-निलयं सउण-साणाइ-भत्तं सडण-पडण-विद्धंसण-धम्म असुइं असासयं असारं सरीरगं आहरादीहिं निच्चं चेडेज्जा, नो णं इणमो भव-सय-सुलद्ध-नाण-दंसणाइ-समण्णिएणं सरीरेणं अच्चंत-घोर-वीरुग्ग-कट्ठघोर-तव-संजम-मणद्वेज्जा से णं चेट्ठा कसीले ।
तहा जे णं विभूसा कुसीले से वि अनेगहा तं जहा- तेलाब्भंगण-विमद्दण संबाहणसिणाणुव्वट्टण-परिहसण-तंबोल-धूवण-वासण - दसणुग्घसण - समालहण - पुप्फोमालण-केस-समारणसोवाहण-दुवियड्ढगइ-भणिर-हसिरउवविद्दुट्ठिय सण्णिवण्णेक्खिय-विभूसावत्ति-सविगार-नियंसणुत्तरीयपाउरण-दंडग-गहणमाई सरीर-विभूसा-कुसीले नेए एते य पवयण-उड्डाह-परे दुरंत-पंत-लक्खणे अदहव्वे महा पावकम्मकारी विभूसा कुसीले भवंति । गए दंसण कुसीले ।
[६२६] तहा चारित्तकुसीले अनेगहा-मूलगुण उत्तरगुणेसुं । तत्थ मूलगुणा पंच-महव्वयाणी राई-भोयण-छट्ठाणि, तेसुं जे पमत्ते भवेज्जा | तत्थ पाणाइवायं पुढवि-दगागनिमारुय-वणप्फती-बिति-चउपंचेंदियाईणं संघटण-परियावण-किलामणोद्दवणे । म्सावायं सहमं बायरं च, तत्थ सुहम पयला-उल्ला मरुए एवमादि, बादरो कन्नालीगादि । अदिन्नादानं सुहुमं बादरं च, तत्त सुहुमं तण-डगल-च्छार-मल्लगादिणं गहणे, बादरं हिरण्ण-सुवण्णादिणं | मेहुणं दिव्वोरालियं मनोवइ-काय-करण-कारावणानुमइभेदेणं अट्ठरसहा, तहा करकम्मादी सचित्ताचित्त-भेदेणं नवगुत्ति-विराहणेण वा विभूसावत्तिएण वा । परिग्गहं सुहमं बादरं च तत्थ सुहमं कप्पट्टगरक्खणममत्तो, बादरं हिरण्णमादीणं गहणे धारणे वा । राईभोयणं दिया गहियं दिया भुत्तं दिया गहियं राई भुत्तं राओ गहियं दिया भुत्तं, एवमादि, [उत्तर-गुणा] |
[६२७] पिंडस्स जा विसोहि समितीओ भावना तवो दुविहो
पडिमा अभिग्गहा वि य उत्तरग्ण मो विययाहि ||
दीपरत्नसागर संशोधितः]
[55]
[३९-महानिसीह