Page Text
________________
सयलागम-मज्झ-वत्तगस्स मिच्छत्त-दोसावहय विसिट्ठ बुद्धी-परिकप्पिय-कुभणिय-अघडमान असेस-हेउ दिद्वंत-जुत्ती-विद्धंस निक्क-पच्चल पोढस्स पंच-मंगल-महासुयक्खंधस्स पंचज्झयणेग-चूलापरिक्खित्तस्स पवर-पवयण-देवयाहि-ट्ठियस्स, तिपद-परिच्छिन्नेगालावग सत्तक्खर-परिमाणं अनंतगमपज्जवत्थ-पसाहगं, सव्व-महामंत-पयर-विज्जाणं परम-बीय-भूयं, नमो अरहंताणं ति, पढमज्झयणं अहिज्जेयव्वं, तद्दियहे य आयंबिलेणं पारेयव्वं ।
तहेव बीय-दीने अनेगाइ-सय-गुण-संपओववेयं अनंतर-भणियत्थ-पसाहगं अनंतरुत्तेणेव अज्झयणं-३, उद्देसो
कमेणं दुपय परिच्छिन्नेगालावग पंचक्खर-परिमाणं नमो सिद्धाणं ति बीयमज्झयणं अहिज्जेयव्वं ति, तद्दियहे य आयंबिलेण पारेयव्वं,
एवं अनंतर-भणिएणेव कमेणं अनंतरुत्तत्थ पसाहगंति पय-परिच्छिन्नेगालावगं सत्तक्खरपरिमाणं नमो आयरियाणं ति तइयं अज्झयणं आयंबिलेणं अहिज्जेयव्वं, तहा य अनंतरुत्थ पसाहगं ति पय परिच्छिन्नेगालावगं सत्तक्खर परिमाणं नमो उवज्झायाणं ति चउत्थं अज्झयणं चउत्थ-दिने आयंबिलेण एव, तहेव अनंतर भणियत्थ पसाहगं पंचपय-परिच्छिन्नेगालवग-नवक्खरपरिमाणं नमो लोए सव्वसाहूणं ति पंचमज्झयणं पंचम दिने आयंबिलेण ।
तहेव तं अत्थानुगामियं एक्कारस-पय-परिच्छिन्न-तियालावगा-तेत्तीस अक्खर-परिमाणं एसो पंचनमोक्कारो, सव्व-पाव-प्पणासणो, मंगलाणं च सव्वेसिं, पढम हवइ मंगलं | इति चूलं ति छट्ठ-सत्तमदुम-दिने तेणेव कम-विभागेण आयंबिलेहिं अहिज्जेयव्वं एवमेयं पंचमंगल-महा-सुयक्खधं सर-वत्तय-रहियं पयक्खर-बिंदु मत्ता-विसुद्धं गुरु-गुणोववेय-गुरुवइटुं कसिणमहिज्जित्ता णं तहा कायव्वं जहा पुव्वाणुपुव्वीए पच्छाणुपुव्वीए अनानुपुव्वीए जीहग्गे तरेज्जा, ।
तओ तेनेवानंतरभणिय-तिहि करण-मुहत्त-नक्खत्त जोग लग्ग ससी-बल जंतु-विरहिओगासे चेइयालगाइकमेणं अट्ठम-भत्तेणं समणुजाणाविऊणं गोयमा ! महया पबंधेण सुपरिफुडं निउणं असंदिद्धं सुत्तत्थं अनेगहा सोऊण अवधारेयव्वं । एयाए विहीए पंचमंगलस्स णं गोयमा ! विनओवहाणे कायव्वे |
[४९४] से भयवं ! किमेयस्स अचिंत-चिंतामणि-कप्प-भूयस्स णं पंचमंगलमहासुयक्खंधस्स सुत्तत्थं पन्नत्तं ? गोयमा ! इयं एयस्स अचिंत-चिंतामणी-कप्प-भूयस्स णं पंचमंगलमहासुयक्खंधस्स णं सुत्तत्थं-पन्नत्तं तं जहा-जे णं एस पंचमंगल-महासुयक्खंधे से णं सयलागमंतरो ववत्ती तिल-तेल-कमल-मयरंद-व्व-सव्वलोए पंचत्थिकायमिव, जहत्थ किरियानुगय-सब्भूय-गुणुक्कित्तणे, जहिच्छिय-फल-पसाहगे चेव परम थुइवाए, से य परमथुई केसिं कायव्वा
? सव्व-जगुत्तमाणं सव्वजगत्तमत्तमे य जे केई भए जे केई भविंस जे केई भविस्संति ते सव्वे चेव अरहंतादओ चेव नो नमण्णे त्ति । ते य पंचहा-अरहते सिद्धे आयरिए उवज्झाए साहवो य ।।
तत्थ एएसिं चेव गब्भत्थ-सब्भावो इमो, तं जहा-स-नरामरासुरस्स णं सव्वस्सेव जगस्स अट्ठ-महा-पाडिहेराइ-पूयाइसओवलक्खियं अनन्न-सरिसमचिंतपमप्पमेयं केवलाहिट्ठियं पवरुत्तमत्तं अरहंति त्ति । अरहंता असेस-कम्म-क्खएणं निद्दड्ढ-भवंकुरत्ताओ न पुणेह भवंति जम्मं ति उव्वज्जंति वा अरुहंता वा । निम्महिय निहय-निद्दलिय-विलूय-निद्वविय-अभिभूय-सुदुज्जयासेस-अट्ठ-पयारकम्मरिउत्ताओ वा अरि-हंते इ वा |
दीपरत्नसागर संशोधितः]
[40]
[40]
[३९-महानिसीह
| SR No. | 003777 |
| Book Title | Agam 39 Mahanisiham Chattham Cheyasuttam Mulam PDF File |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2012 |
| Total Pages | 153 |
| Language | Prakrit |
| Classification | Book_Devnagari, Agam, Canon, Agam 39, & agam_mahanishith |
| File Size | 3 MB |