________________
एगंत-सह-तल्लिच्छे न लभे सम्मग्गवत्तणिं ।। [४२५] जीवे संमग्ग-मोइण्णे घोर-वीरतवं चरे
अचयंतो इमे पंच कुज्जा सव्वं निरत्थयं ।। [४२६] कुसीलोसण्ण-पासत्थे सच्छंदे सबले तहा
दिट्ठीए वि इमे पंच गोयमा ! न निरिक्खए || अज्झयणं-२, उद्देसो-३
-
-
-
-
[४२७] सव्वन्नु-देसियं मग्गं सव्व-दुक्ख-पणासगं
साया गारव-गरुए वि अन्नहा भणिउमुज्झए || [४२८] पयमक्खरं पि जो एगं सव्वन्नूहिं पवेदियं
न रोएज्ज अन्नहा भासे मिच्छ-दिती स निच्छियं ।। [४२९] एयं नाऊण संसग्गिं दरिसणालाव संथवं
सवासं च हियाकंखी सव्वोवाएहिं वज्जए || [४३०] भयवं! निब्भट्ठ-सीलाणं दरिसणं तं पि नेच्छसि
पच्छित्तं वागरेसी य इति उभयं न जुज्जए ।। [४३१] गोयमा! भट्ठ-सीलाणं दत्तरे संसार-सागरे
धुवं तमनुकंपित्ता पायच्छित्ते पदरिसिए ।। [४३२] भयवं! किं पायच्छित्तेणं छिंदिज्जा नारगाउयं
अनुचरिऊण पच्छित्तं बहवे दुग्गइं गए ।। [४३३] गोयमा! जे समज्जेज्जा अनंत-संसारियत्तणं
पच्छित्तेणं धुवं तं पि छिंदे किं पुणो नरयाउयं ? || [४३४] पायच्छित्तस्स भुवणेत्थ नासज्झं किंचि विज्जए
बोहिलाभं पमोत्तूणं हारियं तं न लब्भए || [४३५] तं चाउकाय-परिभोगे तेउकायस्स निच्छियं
अबोहिलाभियं कम्मं बज्झए मेहणेण य ।। [४३६] मेहणं आउ-कायं च तेउ-कायं तहेव य
तम्हा तओ वि जत्तेणं वज्जेज्जा संजइंदिए ।। [४३७] से भयवं गारत्थीणं सव्वमेवं पवत्तई, ता जइ अबोही
भवेज्ज एसु तओ सिक्खा-गुणा ऽणुव्वयधरणं तु निप्फलं ॥ [४३८] गोयमा! दुविहे पहे अक्खाए सुस्समणे य सुसावए महव्वय-धरे पढमे बीए
ऽणुव्वय-धारए [४३९] तिविहं तिविहेणं समणेहिं सव्व-सावज्जमुज्झियं
जावज्जीवं वयं घोरं पडिवज्जियं मोक्ख-साहणं [४४०] दुविहेग-विहं तिविहं वा थूलं सावज्जमुज्झियं
उद्दिट्ठ-कालियं तु वयं देसेणं न संवसे गारत्थीहिं [४४१] तहेव तिविहं तिविहेणं इच्छारंभ-परिग्गहं ।
= -
=
=
दीपरत्नसागर संशोधितः]
[34]
[३९-महानिसीह
