Page Text
________________
अणग्गियं चड्डुलिं अभोयणं विसूइयं अनामियं वाहिं अवेयणं मुच्छं अनोवसग्गं मारिं अनियलिं गुत्तिं अरज्जुए पासे अहेउए मच्चू, तहा य णं गोयमा इत्थि संभोगे पुरिसाणं मनसा वि णं अचिंतणिज्जे अणज्झवसणिज्जे अपत्थणिज्जे अनीहणिज्जे अवियप्पणिज्जे असंकप्पणिज्जे अनभिलसणिज्जे असंभरणिज्जे तिविहं तिविहेणं ति ।
जओ णं इत्थियं नाम पुरिसस्स णं गोयमा ! सव्वप्पगारेसुं पि दुस्साहिय-विज्जं पिव अज्झयणं-२, उद्देसो-३
दोसुप्पायणिं सारंभ-संजणगं पि व पुणो असंजमायरणं अपुट्ठधम्म खलियचारित्तं पिव अनालोइयं अनिंदियं अगरहियं अकय-पायच्छित्तज्झवसायं पडुच्च अनंत-संसार परियट्टण - दुक्खसंदोहं, कय-पायच्छित-विसोहिं पि व पुणो असंजमायरणं महंत - पाव - कम्म-संचयं हिंसं व सयल तेलोक्क-निंदियं, अदिट्ठ-परलोग-पच्चवायघोरंधयार-नरय-वासो इव - निरंतरागेण - दुक्ख - निहिं त्ति ।
[४०७] अंग-पच्चंग-संठाणं चारुल्ल विय- पेहियं
|
इत्थीणं तं न निज्झाए काम-राग- विवड्ढणं ।।
[ ४०८] तहा य इत्थीओ नाम गोयमा ! पलय कगाल रयणी - मिव सव्व - कालं तमोवलित्ताओ भवंति, विज्जु इव खणदिट्ठ-नट्ठ-पेम्माओ भवंति, सरणागय घायगो इव एक्क जम्मियाओ तक्खण-पसूयजीवंत-मुद्ध-निय-सिसु-भक्खीओ इव महा-पाव-कम्माओ भवंति, खर-पवणुच्चालिय-लवणोवहि-वेलाइव बहुविह-विकप्प-कल्लोलमालाहिं णं खणं पि एगत्थ हि असंठिय-मानसाओ भवंति सयंभुरमणोवहिममिव दुरवगाह-कइतवाओ भवंति, पवणो इव चडुल- सहावाओ भवंति ।
अग्गी इव सव्व-भक्खाओ वाऊ इव सव्व-फरिसाओ तक्करो इव परत्थलोलाओ साणो इव दानमेत्तमेत्तीओ मच्छो इव हव्व-परिचत्त-नेहाओ, एवमाइ- अनेग-दोस- लक्ख-पडिपुन्न- सव्वंगोवंग-सब्भिंतरबाहिराणं महापाव-कम्माणं अविनय - विस-मंजरीणं तत्थुप्पन्न-अनत्थ- गंथ-पसूईणं इत्थीणं, अनवरयनिज्झरंतदुग्गंधाऽसुइ-चिलीण-कुच्छणिज्ज-निंदणिज्ज-खिंसणिज्ज- सव्वंगोवंगाणं सब्भंतर वाहिराणं, परमत्थओ महासत्ताणं निव्विण्णकाम - भोगाणं गोयमा ! सव्वुत्तमुत्तमपुरिसाणं के नाम सयण्णे सुविण्णायधम्माहम्मे खणमवि अभिलासं गच्छिज्जा ।
[४०९] जासिं च णं अभिलसिउकामो पुरिसे तज्जोणिं समुच्छिम पंचिंदियाणं एक्क पसंगेणं चेव नवण्हं सय-सहस्साणं नियमाओ उद्दवगे भवेज्जा ते य अच्चंत - सुहुमत्ताओ मंस - चक्खुणो न पासिया । [४१०] एए णं अट्ठेणं एवं वुच्चइ जहा णं गोयमा ! नो इत्थीयं आलवेज्जा नो संलवेज्जा नो उल्लवेज्जानो इत्थीणं अंगोवंगाई संनिरिक्खेज्जा जाव णं नो इत्थीए सद्धिं एगे भयारी अद्धा पडिवज्जेज्जा |
[४११] से भयवं ! किमित्थिए संलावुल्लावंगोघंग - निरिक्खणं वज्जेज्जा से मेहुणं ? गोयमा! उभयमवि से भयवं किमित्थि-संजोग - समायरणे मेहुणे परिवज्जिया उयाहु णं बहुविहेसुं सचित्ताचित्तवत्थु-विसएसुं मेहुण - परिणामे तिविहं तिविहेणं मनो- वइ-काय-जोगेणं सव्वहा सव्व-कालं जावज्जीवाए त्ति गोयमा ! सव्वहा विवज्जेज्जा ।
?
[४१२] से भयवं ! जे णं केई साहू वा साहुणी वा मेहुणमासेवेज्जा से णं वंदेज्जा गोयमा! जे णं केई साहू वा साहूणी वा मेहुणं सयमेव अप्पणा सेवेज्ज वा परेहि उवइसेत्तुं सेवावेज्जा वा सेविज्जमाणं समणुजाणेज्जा वा दिव्वं वा माणुसं वा तिरिक्ख जोणियं वा जाव णं करकम्माइं [दीपरत्नसागर संशोधितः]
[32]
[३९-महानिसीहं]
| SR No. | 003777 |
| Book Title | Agam 39 Mahanisiham Chattham Cheyasuttam Mulam PDF File |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2012 |
| Total Pages | 153 |
| Language | Prakrit |
| Classification | Book_Devnagari, Agam, Canon, Agam 39, & agam_mahanishith |
| File Size | 3 MB |