________________
दहूणं कोह-लोहाही-मयरे निंदे संघडे ।।
अज्झयणं-१, उद्देसो
[२०१] कोहो य मानो य अनिग्गहीया माया य लोभो य पवड्ढमाणा |
चत्तारि एए कसिणा कसाया पायंति सल्ले सुदुरुद्धरे बहूं ।। २०२] उवसमेण हणे कोहं मानं मद्दवया जिने ।
मायं च ऽज्जव-भावेणं लोहं संहिए जिने ।। [२०३] एवं निज्जिय-कसाए जे सत्त-भयद्वाण-विरहिए |
अट्ठमय-विप्पमुक्के य देज्जा सुद्धालोयणं ।। [२०४] सु-परिफुडं जहावत्तं सव्वं निय-दुक्खियं कहे ।
नीसंके य असंखद्धे निब्भीए गुरु-संतियं ।। [२०५] भूणे मुद्धडगे बाले जह पलवे उज्जु-पद्धरं ।
अवि उप्पन्नं तहा सव्वं आलोयव्वं जहट्ठियं ।। २०६] जं पायाले पविसित्ता अंतरजलमंतरे इ वा ।
कय मह रातोंधकारे वा जननीए वि समं भवे ।। [२०७] तं जहवत्तं कहेयव्वं सव्वमन्नं पि निक्खिलं ।
निय-दुक्खिय-सुक्खियमादी आलोयंतेहिं गुरुयणे ।। [२०८] गुरु वि तित्थयर-भणियं जं पच्छित्तं तहिं कहे ।
नीसल्ली भवति तं काउं जइ परिहरइ असंजमं ।। [२०९] असंजमं भण्णती पावं तं पावमनेगहा मणे ।
हिंसा असच्चं चोरिक्कं मेहणं तह परिग्गहं ।। [२१०] सद्दा इंदिय-कसाए य मन-वइ-तनु-दंडे तहा ।
एते पावे अछड्डतो नीसल्लो नो य णं भवे ।। [२११] हिंसा पुढवादि-छब्भेया अहवा नव-दस-चोद्दसहाउ ।
अहवा अनेगहा नेया काय-भेदंतरेहि णं ।। [२१२] हिओवदेसं पमोत्तूण सव्वुत्तम-पारमत्थियं ।
तत्त-धम्मस्स सव्वसल्लं मुसावायं अनेगहा ।। [२१३] उग्गम-उप्पायणेसणया-बायालिसाए तह य पंचेहिं ।
दोसेहिं दूसियं जं भंडोवगरण-पाणमाहरं । नव कोडीहिं असुद्धं परिभुजतो भवे तेणो ।। [२१४] दिव्वं काम-रई-सुहं तिविहं तिविहेण अहव ओरालं ।
मनसा अज्झवसंतो अबंभयारी मुणेयव्वो ।। [२१५] नव-बंभचेर-गुत्ती-विराहए जो य साहु समणी वा ।
दिद्विमहवा सरागं पउंजमाणो अइयरे बंभं ।।। [२१६] गणणा-पमाण-अइरित्तं धम्मोवगरणं तहा--- |
[परिग्गहं वियाणेज्जा तह य मुच्छा जहिं च वत्थु हिं
दीपरत्नसागर संशोधितः]
[15]
[३९-महानिसीह
