Agam 39 Mahanisiham Chattham Cheyasuttam Mulam PDF File

SR No.: 003777
Original Sutra Author: N/A
Author: Dipratnasagar, Deepratnasagar
Publisher: Deepratnasagar
Publication Year: 2012
Total Pages: 153
Language: Prakrit
Classification: Book_Devnagari, Agam, Canon, Agam 39, & agam_mahanishith
File Size: 3 MB

Page 148

च-जइ-तुमं मज्झं विनीया हवेज्जा, ता अहयं तुज्जं जहिच्छाए ते कालियं बहु-गुल - घएणं अनुदियहं पायसं पयच्छिहामि ।
जाव णं एयं भणिया ताव णं गया सा सुज्जसिरि तीए मयहरीए सद्धिं ति । हिं परलोगानुट्ठाणेक्क सुहज्झवसायाखित्तमानसेहिं न संभरिया ता गोविंद माहणाईहिं । एवं तु जहा भणियं मयहरीए तहा चेव तस्स घय-गुल-पायसं पयच्छे |
अज्झयणं-८ / चूलिका-२
अहन्नया कालक्कमेणं गोयमा ! वोच्छिन्ने णं दुवालस-संवच्छरिए महारोरवे दारुणे दुभिक्खे जाए णं रिद्धित्थिमिय- समिद्धे सव्वे वि जनवए ।
अहन्नया पणुवीसं अणग्घेयाणं पवर-ससि-सूरकंताईणं मणि-रयणाणं घेत्तूण सदेस-गमननिमित्तेणं दीहद्धाण-परिखिन्न - अंगयट्ठी - पह-पडिवण्णेणं तत्थेव गोउले, भवियव्वयानियोगेणं आगए अनुच्चरीय-नामधेज्जे पावमती सुज्जसिवे । दिट्ठा य तेणं सा कन्नगा जाव णं परितुलिय-सलय-तिहुयणनर-नारी-रूव-कंति-लावण्णा तं सुज्जसिरिं पासिय चवलत्ताए इंदियाणं, रम्मयाए किंपागफलोवमाणं, अनंतदुक्ख-दायगाणं विसयाणं विनिज्जियासेसतिहुयणस्स णं गोयर गएणं मयर - केउणो भणियाणं गोयमा ! सा सुज्जसिरी ते णं महापावकम्मेणं सुज्जसिवेणं जहा णं हे हे कन्नगे ! जइ णं इमे तुज्झ संतिए जननीजनगे समणुमण्णंति । ता णं तु अहयं ते परिणेमि ।
अन्नं च करेमि सव्वं पि ते बंधुवग्गमदरिद्दं ति । तुज्झमवि घडावेमि पलसयमनूनगं सुवण्णस्स, ता गच्छ, अइरेणेव साहेसु माया-पित्तागं तओ य गोयमा ! जाव णं पहट्ठ-तुट्ठा सा सुज्जसि तीए मयहरीए एयं वइयरं पकहेइ ताव णं तक्खणमागंतूणं भणिओ सो मयहरीए - जहा भो भो पयंसेहिणं जं मज्झ धूया सुवण्ण- पलसए सुंकिए । ताहे गोमा ! पयंसिए तेन पवरमणी । तओ भणियं मयहरीए जहा-तं सुवण्णसयं दाएहिं किमेएहिं डिंभ - रमणगेहिं पंचिट्ठगेहिं ? ताहे भणियं सुज्जसिवेणं जहा णं - एहि वच्चामो नगरं दंसेमि णं अहं तुज्झमिमाणं पंचिट्ठगाणं माहप्पं ।
तओ पभाए गंतूणं नगरं पयंसियं ससि-सूर-कंत-पवर-मणि-जुवलगं तेणं नरवइणो, नरवणा वि सद्दाविऊणं भणिए पारिक्खी जहा - इमाणं परममणीणं करेह मुल्लं, तोल्लंतेहिं तु न सक्किरं तेसिं मुल्लं काऊणं । ताहे भणियं नरवइणा जहा णं भो भो माणिक्कखंडिया नत्थि केइ एत्थ जेणं एएसिं मुल्लं करेज्जा, तो गिण्हसु णं दसकोडिओ दविणजायस्स । सुज्जसिवेणं भणियं - जं महाराओ पसायं करेति, नवरं इणमो आसण्ण- पव्वय सन्निहिए अम्हाणं गोउले । तत्थ एगं च जोयणं जाव गोमीणं गोयर-भूमी, तं अकरभरं विमुंचसु त्ति । तओ नरवइणा भणियं जहा एवं भवउ त्ति ।
एवं च गोयम ! सव्वं अदरिद्दमकरभरे गोउले काऊं तेणं अनुच्चरिय-नामधिज्जेणं परिणीया सा निययधूया सुज्जसिरि-सुज्जसिवेणं ।
जाया परोप्परं तेसिं पीई जाव णं नेहाणुराग-रंजिय-मानसे गर्मेति कालं किंचि ताव णं णं गिहागए साहूणो पडिनियत्ते हा-हा-कंदं करेमाणी पुट्ठा सुज्जसिवेणं सुज्जसिरी जहा-पिए ! एयं अदिट्ठपुव्वं भिक्खायर-जुयलयं दद्रूणं किमेयावत्थं गयासि ? तओ तीए भणियं ननु मज्झं सामिणी एएसि महा भक्खन्न-पाणेणं पत्त-भरणं किरियं । तओ पहट्ठ- तुट्ठ - मानसा उत्तमंगेणं चलणग्गे पणमयंती ताम अज्ज एएसिं परिदंसणेणं सा संभारिय त्ति, ताहे पुणो वि पुट्ठा सा पावा तेणं, जहा णं पिए । काउ तुज्झं सामिणी अहेसि? तओ गोयमा ! णं दढं ऊसुसरुसुंभंतीए समण्णुगग्घरविसंठुल्लंसुगगिराए साहियं सव्वं पि [दीपरत्नसागर संशोधितः]
[३९-महानिसह]
[147]