Page Text
________________
य णं कारवणिज्जे, से य णं धुवे सासए अक्खए अव्वए सयल - सोक्ख - निहीधम्मे, से य णं अलज्जणिज्जे, से य णं अउल-बल-वीरिए सरिय - सत्त - परक्कम - संजुए पवरे वरे इट्ठे पिये कंते दइए सयल - दुक्ख-दारिद्दसंतावुव्वेग अयस अब्भक्खाण जम्म- जरा - मरणाइ असेस -भय- निन्नासगे, अनन्न - सरिसे सहाए तेलोक्केक्कसामिसाले ।
ता अलं सुही-सयण-जन- मित्त- बंधुगण - धण-धन्न - सुवण्ण- हिरण्ण-रयणोह-निही-कोससंचयाइ-सक्क-चाव-विज्जुलयाडोवचंचलाए, सुमिणिंदजाल - सरिसाए खण दिट्ठ-नट्ठ-भंगुराए, अधुवाए असासयाए संसार-वुड्ढि - कारिगाए, निरयावयारहेउभ्याए सोग्गइ-मग्ग- विग्ध-दायगाए अनंत - दुक्ख-पदायगा रिद्धीए, सुदुल्लहा खलु भो धम्मस्स साहणी सम्म - दंसण-नाण-चारित्ताराहणी निरुत्ताइ - सामग्गी-अनवरयमहन्निसानुसमएहिं णं खंड-खंडेहिं तु परिसडइ आउं, दढ-घोर निडुरासज्झं चंडा जरासणिसन्निवाया संचुण्णिए सयजज्जरभंडगे इव अकिंचिकरे भवइ उ दियगानुदियगेणं इमे तनू किसल-दलग्ग परिसंठियजल-बिंदुमिवाकंडे, निमिसद्धब्भतरेणेव लहुं ढलइ जीविए, अविढत्त-परलोगपत्थयणाणं तु निप्फले चेव मनुयजम्मे, ता भो न खमे तनुतनुयतरे वि ईसिंपि पमाए ।
जओ णं एत्थं खलु सव्वकालमेव समसत्तु - मित्त-भावेहिं भवेयव्वं- अप्पमत्तेहिं च पंच महव्वए धारियव्वे । तं जहा - कसिणपाणाइवायविरती, अणलिय-भासित्तं दंत-सोहणमेत्तस्सवि अदिन्नस्स वज्जणं मनो वइ-काय-जोगेहिं तु अखंडिय - अविराहिय- नव-गुत्ती- परिवेढियस्स णं पर-पवित्तस्स सव्वकालमेव दुद्धर बंभचेरस्स धारणं, वत्थ-पत्तं संजमोवगरणेसुं पि निम्मत्तया असन-पाणाईणं तु चउव्विहेणेव राईभोयणच्चाओ, उग्गमुप्पायणे ऽसणाईसु णं सुविसुद्धपिंडग्गहणं संजोयणाइ- पंच-दोसविरहितएणं परिमिएणं काले भिन्ने पंच-समिति - विसोहणं ति-गुत्ती-गुत्तया इरिया - समिईमाइओ भावनाओ अनसनाइतवोवहाणाणुट्ठाणं मासाइभिक्खु-पडिमाओ, विचित्ते दव्वाई अभिग्गह,
अहो णं भूमी सयणे केसलोए निप्पडिकम्म- सरीरया सव्व-कालमेव गुरुनिओगकरणं, खुहापिवासाइ परिसहहियासणं दिव्वाइउवसग्गविजओ लद्धावलद्धवित्तिया, किं हु ? अच्चंत-दुव्वहे भो वहियव्वे अवीसामंतेहिं चेव सिरिमहापुरिसत्तवूढे अट्ठारस- सीलंग-सहस्सभारे, तरियव्वे य भो बाहाहिं महासमुद्दे, अविसाईहिं च णं भो भक्खियव्वे, निरासाए वालुयाकवले परिसक्केयव्वं च भो निसियसुतिक्खदारुण करवालधाराए पायव्वा य णं भो सुहुय हुयवह जालावली भरीयव्वे णं भो सुहुमपवण-कोत्थलगे, गमियव्वं च णं भो गंगा - पवाह-पडिसोएणं, तोलेयव्वं भो साहस - तुलाए मंदर - गिरं, जेयव्वे य णं भो एगागिएहिं चेव धीरत्ताए सुदुज्जए चाउरंग-बले, विधेयव्वा णं भो परोप्पर -विवरीय-भमंत-अट्ठचक्कोवरिं वामच्छिम्मि उ धीउल्लिया, गहेयव्वा णं भो सयल- तिहुयण-विजया निम्मला जस-कित्ति-जय
पडागा ।
ता भो भो! जना एयाओ धम्माणुट्ठाणाओ सुदुक्करं नत्थि किंचि मन्नं ति । [१४८५] बुज्झति नाम भारा ते च्चिय उज्झति वीसमंतेहिं । सील-भरो अइगरुओ जावज्जीवं अविस्सामो ||
[१४८६] ता उज्झिऊण पेम्मं घरसारं पुत्त-दविणमाईयं । संगा अविसाई पयरह सव्वुत्तमं धम्मं ।। [१४८७] नो धम्मस्स भडक्का उक्कंचण - वंचणा च ववहारो । निच्छम्मो भो धम्मो मायादी - सल्ल - रहिओ
[दीपरत्नसागर संशोधितः ]
[138]
हु
||
[३९-महानिसीहं]
| SR No. | 003777 |
| Book Title | Agam 39 Mahanisiham Chattham Cheyasuttam Mulam PDF File |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2012 |
| Total Pages | 153 |
| Language | Prakrit |
| Classification | Book_Devnagari, Agam, Canon, Agam 39, & agam_mahanishith |
| File Size | 3 MB |