________________
हत्थेण वि फरिसणयं वज्जेज्जा जावजीवं पि ।। [१३४२] सी-उण्ह-खारखित्ते अग्गी लोणूस अंबिले हे । पुढवादीण-परोप्पर खयंकरे बज्झ सत्थे ।।
[१४४३] ण्हाणुम्मद्दणखोभण- हत्थं-गुलि - अक्खि- सोय करणेणं । आवीयंते अनंते आऊ जीवे खयं जंति ॥
[१४४४] संधुक्कण-जलगुणज्जालणेण उज्जोय करण-मादीहिं । वीयण-फूमण-उब्भावणेहिं सिहि जीव-संघायं ।।
[१४४५] जाइ - खयं अन्ने वि य छज्जीव- निकायमइगए जीवे । जो सुइओ विहु संभक्खड़ दस - दिसाणं च ।। [१४४६] वीयणग-तालियंटय चामर - उक्खेव - हत्थ-तालेहिं । धोवण-डेवण-लंघण ऊसासाईहिं वाऊणं ।।
[१४४७] अंकूर-कुहर-किसलय पवाल- पुप्फ-फल-कंदलाईणं । हत्थ-फरिसेण बहवे जंति खयं वणप्फती - जीवे ।। [१४४८] गमनागमन-निसीयण सुयणुट्ठण अनुवउत्तय-पमत्तो । वियलिंदि - बि-ति-च-पंचेंदियाण गोयम ! खयं नियमा || [१४४९] पाणाइवाय-विरई सिव-फलया गेण्हिऊण ता धीमं । मरणावयम्मि पत्ते मरेज्ज विरइ न खंडेज्जा ।।
[१४५०] अलिय-वयणस्स विरई सावज्जं सच्चमवि न भासेज्जा । पर- दव्व-हरण-विरइं करेज्ज दिन्ने वि मा लोभं ||
[१४५१] धरणं दुद्धर-बंभवयस्स काउं परिग्गहच्चायं । राती - भोयण-विरती पंचेदिय निग्गहं विहिणा ||
[ १४५२] अन्ने य कोह- माणा राग-द्दोसे य आलोयणं दाऊं । ममकार-अहंकाए पयहियव्वे पयत्तेणं ||
[१४५३] जह तव-संजम- सज्झाय- ज्झाणमाईसु सुद्ध-भावेहिं । उज्जयिव्वं गोयम ! विज्जुलया-चंचले जीए || [१४५४ ] किं हु ? गोयमा ! एत्थं दाऊणं आलोयणं । पुढवीकायं विराहिज्जा कत्थ गंतुं स सुज्झिही [१४५५] किं बहुना ? गोयमा ! एत्थं दाऊणं आलोयणं । बाहिर-पाणं तहिं जम्मे जो पिए कत्थ सुज्झिही [१४५६] किं बहुना ? गोयमा ! एत्थं दाऊणं आलोयणं । उण्हवइ जालाइ जाओ फुसिओ वा कत्थ सुज्झिही [१४५७]किं बहुना ? गोयमा ! एत्थं दाऊणं आलोयणं । वाउकायं उदीरेज्जा कत्थं गंतुं स सुज्झिही
अज्झयणं-७ / चूलिका-१
[१४५८] किं बहुना ? गोयमा ! एत्थं दाउणं आलोयणं ।
[133]
[ दीपरत्नसागर संशोधितः ]
? ।।
? ।।
? ।।
? ।।
[३९-महानिसीहं]
