Agam 36 Vavaharo Taiyam Cheyasuttam Mulam PDF File

SR No.: 003771
Original Sutra Author: N/A
Author: Dipratnasagar, Deepratnasagar
Publisher: Deepratnasagar
Publication Year: 2012
Total Pages: 30
Language: Prakrit
Classification: Book_Devnagari, Agam, Canon, Agam 36, & agam_vyavahara
File Size: 2 MB

Page 29

[२६२] चत्तारि अंतेवासी पन्नत्ता तं जहा-पव्वावणंतेवासी नाममेगे नो उवट्ठावणंतेवासी, उवद्वावणंतेवासी नाममेगे नो पव्वावणंतेवासी, एगे पव्वावणंतेवासी वि उवद्वावणंतेवासी वि, एगे नो पव्वावणंतेवासी नो उवट्ठावणंतेवासी- धम्मंतेवासी ।
[२६३] चत्तारि अंतेवासी पन्नत्ता तं जहा-उद्देसणंतेवासी नाममेगे नो वायणंतेवासी, वायणंतेवासी नाममेगे नो उद्देसणंतेवासी, एगे उद्देसणंतेवासी वि वायणंतेवासी वि, एगे नो उद्देसणंतेवासी नो वायणंतेवासी- धम्मंतेवासी ।
[२६४] तओ थेरभूमीओ तं जहा-जातिथेरे सुयथेरे परियायथेरे, सद्विवासजाए समणे निग्गंथे जातिथेरे, ठाणसमवायधरे समणे निग्गंथे सुयथेरे, वीसवासपरियाए समणे निग्गंथे परियायथेरे ।
[२६५] तओ सेहभूमीओ पन्नत्ताओ तं जहा- जहन्ना मज्झिमा उक्कोसा, सत्तराइंदिया जहन्ना, चाउम्मासिया मज्झिमा, छम्मासिया उक्कोसा |
[२६६] नो कप्पड़ निग्गंथाण वा निग्गंथीण वा खुड्डगं वा खुडियं वा ऊणट्ठवासजायं उवद्ववेत्तए वा संभंजित्तए वा |
[२६७] कप्पइ निग्गंथाणं वा निग्गंथीणं वा खुड्डगं वा खुड्डियं वा साइरेगट्ठवासजायं उवट्ठावेत्तए वा संभुजित्तए वा |
[२६८] नो कप्पइ निग्गंथाण वा निग्गंथीणं वा खुड्डगस्स वा खुड्डियाए वा अवंजणजायस्स आयारपकप्पं नामं अज्झयणं उद्दिसित्तए |
[२६९] कप्पड़ निग्गंथाण वा निग्गंथीण वा खुड्डगस्स वा खुड्डियाए वा वंजणजायस्स आयारपकप्पं नामं अज्झयणं उद्दिसित्तए ।
[२७०] तिवासपरियायस्स समणस्स० कप्पइ आयारपकप्पं नामं अज्झयणं उद्दिसित्तए | [२७१] चउवासपरियायस्स समणस्स० कप्पइ सूयगडे नामं अंगे उद्दिसित्तए । [२७२] पंचवासपरियायस्स समणस्स० कप्पइ दसाकप्पववहारे उद्दिसित्तए |
[२७३] अट्ठवासपरियायस्स समणस्स० कप्पइ ठाण-समवाए नामं अंगे उद्दिसित्तए | उद्देसो-१०
[२७४] दसवासपरियायस्स समणस्स० कप्पड़ वियाहे नामं अंगे उद्दिसित्तए ।
[२७५] एक्कारसवासपरियायस्स समणस्स० कप्पइ खुडिया विमाणपविभत्ती, महल्लिया विमाणपविभत्ती, अंगचूलिया, वग्गचूलिया, वियाहचूलिया नामं अज्झयणे उद्दिसित्तए |
[२७६] बारसवासपरियायस्स समणस्स निग्गंथस्स कप्पइ अरुणोववाए, वरुणोववाए, गरुलोववाए, धरणोववाए, वेसमणोववाए, वेलंधरोववाए नामं अज्झयणे उद्दिसित्तए ।
__ [२७७] तेरसवासपरियायस्स समणस्स निग्गंथस्स कप्पड़ उट्ठाणसुए, समुट्ठाणसुए, देविंदोववाए नागपरियावणिए नाम अज्झयणे उद्दिसित्तए ।
[२७८] चोद्दसवासपरियायस्स समणस्स० कप्पइ सुविणभावणा अज्झयणं उद्दिसित्तए | [२७९] पन्नरसवासपरियायस्स समणस्स० कप्पड़ चारणभावणा अज्झयणं उद्दिसित्तए | [२८०] सोलससवासपरियायस्स समणस्स० कप्पड़ तेयनिसग्गं अज्झयणं उद्दिसित्तए | [२८१] सत्तरसवासपरियायस्स समणस्स० कप्पड़ आसीविसभावणा अज्झयणं उद्दिसित्तए। [२८२] अट्ठारसवासपरियायस्स समणस्स० कप्पइ दिट्ठीविसभावणा अज्झयणं उद्दिसित्तए।
[दीपरत्नसागर संशोधितः]
[28]
[३६-ववहारो]