Agam 36 Vavaharo Taiyam Cheyasuttam Mulam PDF File

SR No.: 003771
Original Sutra Author: N/A
Author: Dipratnasagar, Deepratnasagar
Publisher: Deepratnasagar
Publication Year: 2012
Total Pages: 30
Language: Prakrit
Classification: Book_Devnagari, Agam, Canon, Agam 36, & agam_vyavahara
File Size: 2 MB

Page 19

अनुग्घाइयं जत्थ एए बहवे इत्थीओ य पुरिसा य पण्हावेंति तत्थ से समणे निग्गंथे अन्नयरंसि अचित्तंसि सोयंसि सुक्कपोग्गले निग्घाएमाणे मेहणपडिसेवणपत्ते आवज्जइ चाउम्मासियं परिहारहाणं अनुग्घाइयं ।
[१५६] नो कप्पइ निग्गंथाण वा निग्गंथीण वा निग्गंथिं अन्नगणाओ आगयं खुयायारं सबलायरं भिन्नायारं संकिलिट्ठायारचरित्तं तस्स ठाणस्स अनालोयवेत्ता अपडिक्कमावेत्ता अनिन्दावेत्ता अगरहावेत्ता अविउहावेत्ता अविसोहावेत्ता अकरणाए अणब्भट्ठावेत्ता अहारिहं पायच्छित्तं तवोकम्म अपडिवज्जावेत्ता उवट्ठावेत्तए वा संभुज्जित्तए वा तासिं इत्तरियं दिसं वा अनुदिसं वा उद्दिसित्तए वा धारेत्तए वा ।
[१५७] कप्पइ निग्गंथाण वा निग्गंथीण वा निग्गंथि अन्नगणाओ आगयं जाव तस्स उद्देसो-६
ठाणस्स आलोयावेत्ता पडिक्कमावेत्ता निन्दावेत्ता गरहावेत्ता विउद्रावेत्ता विसोहावेत्ता अकरणाए अब्भुट्ठावेत्ता अहारिहं पायच्छित्तं तवोकम्मं पडिवज्जावेत्ता उवट्ठावेत्तए वा धारेत्तए वा ।
[१५८] नो कप्पइ निग्गंथाण वा निग्गंथीण वा निग्गंथिं खुयायारं जाव अपडिक्कमावेत्ता अहारिहं पायच्छित्तं अपडिवज्जावेत्ता उवट्ठावेत्तए वा संभुंजित्तए वा संवसित्तए वा तीसे इत्तरियं दिसं वा अनुदिसं वा उद्दिसित्तए वा धारेत्तए वा ।
[१५९] कप्पइ निग्गंथाण वा निग्गंथीण वा निग्गंथि खुवायारं जाव तस्स ठाणस्स आलोयावेत्ता पडिक्कमावेत्ता अहारिहं पायच्छित्तं पडिवज्जावेत्ता उवट्ठावेत्तए वा संभुजित्तए वा संवसित्तए वा तीसे इत्तरियं दिसं वा अनुदिसं वा उद्दिसित्तए वा धारेत्तए वा ।
• छटो उद्देसो समत्तो ..
० सत्तमो उद्देसो . [१६०] जे निग्गंथा य निग्गंथीओ य संभोइया सिया, नो कप्पइ निग्गंथीणं निग्गंथे अनापुच्छित्ता निग्गंथिं अन्नगणाओ आगयं ख्यायारं सबलायारं भिन्नायारं संकिलिट्ठायारं चरित्तं तस्स ठाणस्स अनालोयावेत्ता अपडिक्कमावेत्ता अहारिहं पायच्छित्तं अपडिवज्जावेत्ता पच्छित्तए वा वाएत्तए वा उवट्ठावेत्तए वा संभंजित्तए वा संवसत्तिए वा तीसे इत्तरियं दिसं वा अनुदिसं वा उद्दिसित्तए वा धारेत्तए वा ।
[१६१] जे निग्गंथा य निग्गंथीओ य संभोइया सिया, कप्पइ निग्गंथीणं निग्गंथे आपुच्छित्ता निग्गंथिं अन्नगणाओ आगयं खुयायारं जाव संभुजित्तए वा संवसत्तिए वा तीसे इत्तरियं दिसं वा अनुदिसं वा उद्दिसित्तए वा धारेत्तए वा ।
_[१६२] जे निग्गंथा य निग्गंथीओ य संभोइया सिया नो कप्पइ निग्गंथीणं निग्गंथे य आपुच्छित्ता वा अनापुच्छित्ता वा निग्गंथिं अन्नगणाओ आगयं खुयायारं जाव संकिलिट्ठायारं तस्स ठाणस्स आलोयावेत्ता पडिक्कमावेत्ता अहारिहं पायच्छित्तं पडिवज्जावेत्ता पुच्छित्तए वा जाव संवसत्तिए वा तीसे इत्तरियं दिसं वा अनुदिसं वा उद्दिसित्तए वा धारेत्तए वा [तं च निग्गंथीओ नो इच्छेज्जा सेहिमेव नियं ठाणं]
[१६३] जे निग्गंथा य निग्गंथीओ य संभोइया सिया, नो ण्हं कप्पइ पारोक्खं पाडिएक्कं संभोइयं विसंभोइयं करेत्तए, कप्पड़ ण्हं पच्चक्खं पाडिएक्कं संभोइयं विसंभोइयं करेत्तए, जत्थेव
दीपरत्नसागर संशोधितः]
[18]
[३६-ववहारो]