Page Text
________________
निक्खिवाहि तीसे णं निक्खिवमाणीए नत्थि केइ छेए वा परिहारे वा जाओ तं साहम्मिणीओ अहाकप्पे णं नो उट्ठाए विहरंति सव्वासि तासिं तप्पत्तियं छेए वा परिहारे वा ।
[१४१] निग्गंथस्स नवडहरतरुणस्स आयारपकप्पे नामं अज्झयणे परिब्भट्ठे सिया, से य पुच्छियव्वे केण ते कारणेणं अज्जो ! आयारपकप्पे नामं अज्झयणे परिब्भट्ठे, किं आबाहेणं उदाहुं पमाएणं ?, से य वएज्जा नो आबाहेणं, पमाएणं ; जावज्जीवं तस्स तप्पत्तियं नो कप्पड़ आयरियत्तं वा जाव गणावच्छेयत्तं वा उद्दिसित्तए वा धारेत्तए वा से य वएज्जा- आबाहेणं नो पमाएणं, से य संठवेस्सामी ति संठवेज्जा, एवं से कप्पड़ आयरियत्तं वा जाव गणावच्छेइयत्तं वा उद्दिसित्तए वा धारेत्तए वा, से य उद्देसो-५
संवेस्सामी ति नो संठवेज्जा एवं से नो कप्पड़ आयरियत्तं वा जाव गणावच्छेइयत्तं वा उद्दिसित्तए वा धारेत्त वा ।
[ १४२] निग्गंथीए णं नवडहरतरुणियाए आयारपकप्पे नामं अज्झयणे परिब्भट्ठे सिया, सा य पुच्छियव्वा केण ते कारणेणं अज्जे आयारपकप्पे नामं अज्झयणे परिब्भट्ठे, किं आबाहेणं उदाहुं पमाएणं ? साय वएज्जा नो आबाहेणं, पमाएणं जावज्जीवं तीसे तप्पत्तियं नो कप्पड़ पवत्तिणित्तं वा गणावच्छेइणित्तं वा उद्दिसित्तए वा धारेत्तए वा, सा य वएज्जा- आबाहेणं, नो पमाणं ; सा य संठवेस्सामी ति संठवेज्जा एवं से कप्पड़ पवत्तिणीत्तं वा गणावच्छेइणियत्तं वा उद्दिसित्तए वा धारेत्तए वा, साय संठवेस्सामीत्ति नो संठवेज्जा एवं से नो कप्पड़ पवत्तिणित्तं वा गणावच्छेइणित्तं वा उद्दिसित्तए वा धारेत्तए वा ।
[१४३] थेराणं थेरभूमिपत्ताणं आयारपकप्पे नामं अज्झयणे परिब्भट्ठे सिया , कप्पड़ तेसिं संठवेमाणाण वा असंठवेमाणाण वा आयरियत्तं वा जाव गणावच्छेइयत्तं वा उद्दिसित्तए वा धारेत्तए वा । [१४४] थेराणं थेरभूमिपत्ताणं आयारपकप्पे नामं अज्झयणे परिब्भट्ठे सिया कप्पड़ तेसिं सन्निसण्णाण वा संतुयट्टाण वा उत्ताणयाण वा पासिल्लयाण वा आयारपकप्पं नामं अज्झयणं दोच्चं पि तच्चं पि पडिच्छित्तए वा पडिसारेत्तए वा ।
[१४५] जे निग्गंथा य निग्गंथीओ य संभोइया सिया, नो ण्हं कप्पड़ [[तासिं] अन्नमन्नस्स अंतिए आलोएत्तए, अत्थि या इत्थ केइ आलोयणारिहे कप्पड़ ण्हं तस्स अंतिए आलोएत्तए नत्थि या इत्थ केइ आलोयणारिहे एवं हं कप्पड़ अन्नमन्नस्स अंतिए आलोएत्तए ।
[१४६] जे निग्गंथा य निग्गंथीओ य संभोइया सिया नो हं [तासिं] कप्पड़ अन्नमन्नस्स अंतिए वेयावच्चं कारवेत्तए, अत्थि या इत्थ केइ वेयावच्चकरे, कप्पदं ण्हं वेयावच्चं कारवेत्तए, नत्थि या इत्थ केइ वेयावच्चकरे एवं हं कप्पइ अन्नमन्नस्स वेयावच्चं कारवेत्तए ।
[१४७] निग्गंथं च णं राओ वा वियाले वा दीहपट्टे लूसेज्जा, इत्थी वा पुरिसं ओमज्जेज्जा पुरिसो वा इत्थिं ओमेज्जेज्जा, एवं से कप्पड़, एवं से चिट्ठइ, परिहारं च नो पाउणइ एस कप्पे थेरकप्पियाणं, एवं से नो कप्पड़, एवं से नो चिट्ठइ, परिहारं च पाउणाइ, एस कप्पे जिनकप्पियाणं, त्तिबेमि ।
[दीपरत्नसागर संशोधितः]
Jain Education International
• पंचमो उद्देसो समत्तो •
• छट्ठो-उद्देसो •
[16]
For Private & Personal Use Only
[३६-ववहारो]
www.jainelibrary.org
| SR No. | 003771 |
| Book Title | Agam 36 Vavaharo Taiyam Cheyasuttam Mulam PDF File |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2012 |
| Total Pages | 30 |
| Language | Prakrit |
| Classification | Book_Devnagari, Agam, Canon, Agam 36, & agam_vyavahara |
| File Size | 2 MB |