Page Text
________________
[११६] चरियानियट्टे भिक्खू जाव चउरायाओ पंचरायाओ थेरे पासेज्जा सच्चेव आलोयणा सच्चेव पडिक्कमणा सच्चेव ओग्गहस्स पुव्वाणुण्णवणा चिट्ठइ अहालंदमवि ओग्गहे ।
[११७] चरियानियट्टे भिक्खू परं चउरायाओ पंचरायाओ थेरे पासेज्जा पुणो आलोएज्जा पुणो पडिक्कमेज्जा पुणो छेय- परिहारस्स उवट्ठाएज्जा भिक्खुभावस्स अट्ठाए दोच्चं पि ओग्गहे अणुण्णवेयव्वे सिया कप्पड़ से एवं वदित्तए - अणुजाणह भंते ! मिओग्गहं अहालंदं धुवं नितियं वेउट्टियं उद्देसो-४
तओ पच्छा कायसंफासं ।
[११८] दो साहम्मिया एगयओ विहरंति तं जहा- सेहे य राइणिए य, तत्थ सेहतराए पलिच्छिन्ने राइणिए अपलिच्छिन्ने, सेहतराएणं राइणिए उवसंपज्जियव्वे, भिक्खोववायं च दलयइ कप्पागं ।
[११९] दो साहम्मिया एगयओ विहरंति तं जहा- सेहे य राइणिए य, तत्थ राइणिए पलिच्छिन्ने सेहतराए अपलिच्छिन्ने इच्छा राइणिए सेहतरागं उवसंपज्जइ इच्छा नो उवसंपज्जइ इच्छा भिक्खोववायं दलयइ कप्पागं, इच्छा नो दलयइ कप्पागं ।
[१२०] दो भिक्खुणो एगयओ विहरंति नो ण्हं कप्पइ अन्नमन्नं अनुवसंपज्जित विहरित्तए, कप्पड़ ण्हं अहाराइणियाए अन्नमन्नं उवसंपज्जित्ताणं विहरित्तए ।
[१२१] दो गणावच्छेइया एगयओ विहरंति नो ण्हं कप्पइ अन्नमन्नं अनुवसंपज्जित्ताणं विहरित्तए, कप्पइ ण्हं आहाराइणियाए अन्नमन्नं उवसंपज्जित्ताणं विहरित्तए ।
[१२२] दो आयरिय-उवज्झाया एगयओ विहरंति नो ण्हं कप्पइ अन्नमन्नं अनुवसंपज्जित्ताणं विहरित्तए, कप्पड़ ण्हं अहाराइणियाए अन्नमन्नं उवसंपज्जित्ताणं विहरित्तए ।
[१२३] बहवे भिक्खुणो एगयओ विहरंति नो ण्हं कप्पड़ अन्नमन्नं अनुवसंपज्जित्ताणं विहरित्तए, कप्पड़ ण्हं अहाराइणियाए अन्नमन्नं उवसंपज्जित्ताणं विहरित्तए ।
[१२४] बहवे गणावच्छेइया एगयओ विहरंति नो ण्हं कप्पइ अन्नमन्नं अनु वसपज्जित्ताणं विहरित्तए, कप्पइ ण्हं अहाराइणियाए अन्नमन्नं उवसंपज्जित्ताणं विहरित्तए ।
[१२५] बहवे आयरिय-उवज्झाया एगयओ विहरंति नो ण्हं कप्पड़ अन्नमन्नं अनुव संपज्जित्ताणं विहरित्तए, कप्पड़ ण्हं अहाराइणियाए अन्नमन्नं उवसंपज्जित्ताणं विहरित्तए ।
[१२६] बहवे भिक्खुणो बहवे गणावच्छेइया बहवे आयरिय उवज्झाया एगयओ विहरंति नो ण्हं कप्पइ अन्नमन्नं अनु वसंपज्जित्ताणं विहरित्तए, कप्पइ ण्हं अहाराइणिया अन्न उवसंपज्जित्ताणं विहरित्तए ।
• चउत्थो उद्देसो समत्तो • • पंचमो - उद्देसो •
[१२७] नो कप्पइ पवत्तिणीए अप्पबिइयाए हेमंतगिम्हासु चारए । [१२८] कप्पइ पवत्तिणीए अप्पतइयाए हेमंतगिम्हासु चारए । [१२९] नो कप्पइ गणावच्छेइणीए अप्पतइयाए हेमंतगिम्हासु चारए । [१३०] कप्पइ गणावच्छेइणीए अप्पचउत्थाए हेमंतगिम्हासु चारए ।
[दीपरत्नसागर संशोधितः]
Jain Education International
[14]
For Private & Personal Use Only
[३६-ववहारो]
www.jainelibrary.org
| SR No. | 003771 |
| Book Title | Agam 36 Vavaharo Taiyam Cheyasuttam Mulam PDF File |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2012 |
| Total Pages | 30 |
| Language | Prakrit |
| Classification | Book_Devnagari, Agam, Canon, Agam 36, & agam_vyavahara |
| File Size | 2 MB |