Page Text
________________
उद्देसो- १७
[१११५] जे भिक्खू कोउहल्लपडियाए अयलोहाणि वा तंबलोहाणि वा तउयलोहाणि वा सीसगलोहाणि वा रुप्पलोहाणि वा सुवण्णलोहाणि वा धरेति धरेंतं वा सातिज्जति ।
[१११६] जे भिक्खू कोउहल्लपडियाए अयलोहाणि वा तंबलोहाणि वा तउयलोहामि वा सीसगलोहाणि वा रुप्पलोहाणि वा सुवण्णलोहाणि वा परिभुंजति परिभुंजंतं वा सातिज्जति ।
[१११७] जे भिक्खू कोउहल्लपडियाए हाराणि वा अद्धहाराणि वा एगावली वा मुत्तावली वा कनगावली वा रयणावली वा कडगाणि वा तुडियाणि वा केऊराणि वा कुंडलाणि वा पट्टाणि वा मउडाणि वा पलंबसुत्ताणि वा सुवण्णसुत्ताणि वा करेति करेंतं वा सातिज्जति ।
[१११८] जे भिक्खू कोउहल्लपडियाए हाराणि वा अद्धहाराणि वा जाव मउडाणि वा पलंबसुत्ताणि वा सुवण्णसुत्ताणि वा धरेति धरेंतं वा सातिज्जति ।
[१११९] जे भिक्खू कोउहल्लपडियाए हाराणि वा अद्धहाराणि वा जाव मउडाणि वा पलंबसुत्ताणि वा सुवण्णसुत्ताणि वा पिणद्धति पिणद्धतं वा सातिज्जति । [११२०] जे भिक्खू कोउहल्लपडियाए आईणाणि वा [सहिणाणि वा कल्लाणि वा सहिणकल्लाणाणि वा आयाणि वा कायाणि वा खोमाणि वा दुगुल्लाणि वा तिरीडपट्टाणि वा मलयाणि वा पत्तुण्णाणि वा असुयाणि वा चीणंसुयाणि वा देसरागणि वा अमिलाणि वा गज्जलाणि वा फाडियागाणि कोतवाणि वा कंबलाणि वा पावारगाणि वा कनगाणि वा कनगकताणि वा कनगपट्टाणि वा कनगखचियाणि वा कनगफुल्लियाणि वा वग्घाणि वा विवग्घाणि वा आभरणाणि वा आभरणविचित्ताणि वा उद्दाणि वा गोरमिगाईणगाणि वा किण्हमिगाईणगाणि वा नीलमिगाइणगाणि वा पेसाणि वा पेसलेसाणि वा] करेति करेंतं वा सातिज्जति ।
[११२१] जे भिक्खू कोउहल्लपडियाए आईणाणि वा जाव नीलमिगाईणगाणि वा पेसाणि वा पेसलेसाणि वा धरेति धरेंतं वा सातिज्जति ।
[११२२] जे भिक्खू कोउहल्लपडियाए आईणाणि वा जाव नीलमिगाईणगाणि वा पेसाणि वा पेसलेसाणि वा परिभुंजति परिभुंजंत वा सातिज्जति ।
[११२३] जा निग्गंथी निग्गंथस्स पाए अन्नउत्थिएण वा गारत्थिएण वा आमज्जावेज्ज वा मज्जावेज्ज वा आमज्जावेंतं वा पमज्जावेंतं वा सातिज्जति ।
[११२४] जा निग्गंथी निग्गंथस्स पाए अन्नउत्थिएण वा गारत्थिएण वा संवाहावेज्ज वा पलिमद्दावेज्ज वा संवाहवेंतं वा पलिमद्दावेंतं वा सातिज्जति ।
[११२५] जा निग्गंथी निग्गंथस्स पाए अन्नउत्थिएण वा गारत्थिएण वा तेल्लेण वा घएण वा वसा वा नवनीएण वा अब्भंगावेज्ज वा मक्खावेज्ज वा अब्भंगावेंतं वा मक्खावेंतं वा सातिज्जति । [११२६] जा निग्गंथी निग्गंथस्स पाए अन्नउत्थिएण वा गारत्थिएण वा लोद्धेण वा कक्केण वा चुण्णेण वा वण्णेण वा उल्लोलावेज्ज वा उव्वट्टावेज्ज वा उल्लोलावेंतं वा उव्वट्टावेंतं वा सातिज्जति ।
[११२७] जा निग्गंथी निग्गंथस्स पाए अन्नउत्थिएण वा गारत्थिएण वा सीओदग-वियडेण वा उसिणोदग-वियडेण वा उच्छोलावेज्ज वा पधोवावेज्ज वा उच्छोलावेंतं वा पधोवावेंतं वा सातिज्जति । [११२८] जा निग्गंथी निग्गंथस्स पाए अन्नउत्थिएण वा गारत्थिएण वा फुमवेज्ज वा [दीपरत्नसागर संशोधितः]
[65]
[३४- निसीह]
Jain Education International
For Private & Personal Use Only
www.jainelibrary.org
| SR No. | 003767 |
| Book Title | Agam 34 Nisiham Padhamam Cheyasuttam Mulam PDF File |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2012 |
| Total Pages | 85 |
| Language | Prakrit |
| Classification | Book_Devnagari, Agam, Canon, Agam 34, & agam_nishith |
| File Size | 3 MB |