Page Text
________________
उद्देसो- १६
[१०९९] जे भिक्खू ससिणिद्धाए पुढवीए उच्चार पासवणं० वा सातिज्जति । [११००] जे भिक्खू ससरक्खाए पुढवीए उच्चार- पासवणं० वा सातिज्जति । [११०१] जे भिक्खू मट्टियमकडाए पुढवीए उच्चार- पासवणं० वा सातिज्जति । [११०२] जे भिक्खू चित्तमंताए पुढवीए उच्चार- पासवणं परिद्ववेति परिट्ठतं वा सा० । [११०३] जे भिक्खू चित्तमंताए सिलाए उच्चार पासवणं परिट्ठवेति परिट्ठवेंतं वा सा॰ । [११०४] जे भिक्खू चित्तमंताए लेलूए उच्चार- पासवणं परिट्ठवेति परिट्ठवेंतं वा सा० ।
[११०५] जे भिक्खू कोलावासंसि वा दारुए जीवपइट्ठिए सअंडे सपाणे सबीए सहरिए सओस्से सउत्तिंग-पणग-दग-मट्टिय-मक्कडा-संताणए उच्चार पासवणं० सातिज्जति ।
[११०६] जे भिक्खू थूणंसि वा गिहेलुयंसि वा उसुयालंसि वा कामजलंसि वा अन्नरस वा तहप्पगारंसि अंतरिक्खजायंसि दुब्बद्धे दुन्निक्खित्ते अनिकंपे चलाचले उच्चारपासवणं परिट्ठवेति परिट्ठवैतं वा सातिज्जति ।
[११०७] जे भिक्खू कुलियंसि वा भित्तिंसि वा सिलंसि वा लेलुंसि वा अन्नयरंसि वा तहप्पगारंसि जाव उच्चारपासवणं परिद्ववेति परिद्ववेतं वा सातिज्जति ।
[११०८] जे भिक्खू खंधंसि वा फलिहंसि वा मंचंसि वा मंडवंसि वा मालंसि वा पासायंसि वा हम्मतलंसि वा अन्नयरंसि वा तहप्पगारंसि जाव उच्चार पासवणं परिद्ववेति परिद्ववेंतं वा सातिज्जतितं सेवमाणे आवज्जइ चाउम्मासियं परिहारट्ठाणं उग्घातियं । • सोलसमो उद्देसो समत्तो •
सत्तरसमो-उद्दे
[११०९] जे भिक्खू कोउहल्लपडियाए अन्नयरं तसपाणजातिं तणपासएण वा मुंजपासएण वा कट्ठपासएण वा चम्मपासएण वा वेत्तपासएण वा रज्जुपासएण वा सुत्तपासएण वा बंधति बंधतं वा सातिज्जति ।
सातिज्जति ।
०
[१११०] जे भिक्खू कोउहल्लपडियाए अन्नयरं तसपाणजातिं तणपासएण वा जाव रज्जुपासएण वा सुत्तपासएण वा बद्धेल्लयं मुयति मुयंतं वा सातिज्जति ।
[११११] जे भिक्खू कोउहल्लपडियाए तणमालियं वा [मुंजमालियं वा वेत्तमालियं वा
भिंडमालियं वा मयणमालियं वा पिच्छमालियं वा दंतमालियं वा सिंगमालियं वा संखमालियं वा हड्डमालियं वा कट्ठमालियं वा पत्तमालियं वा पुप्फमालियं वा फलमालियं वा बीजमालियं वा हरियमालियं वा करेति करेंतं वा सातिज्जति ।
[१११२] जे भिक्खू कोउहल्लपडियाए तणमालियं वा जाव हरियमालियं वा धरेति धरेंतं वा
सातिज्जति ।
Jain Education International
O
[१११३] जे भिक्खू कोउहल्लपडियाए तणमालियं वा जाव हरियमालियं वा धरेति धरेंतं वा
[१११४] जे भिक्खू कोउहल्लपडियाए अयलोहाणि वा तंबलोहाणि वा तउयलोहाणि वा सीसगलोहाणि वा रुप्पलोहाणि वा सुवण्णलोहाणि वा करेति करेंतं वा सातिज्जति ।
[दीपरत्नसागर संशोधितः]
[64]
For Private & Personal Use Only
]
[३४- निसीह]
www.jainelibrary.org
| SR No. | 003767 |
| Book Title | Agam 34 Nisiham Padhamam Cheyasuttam Mulam PDF File |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2012 |
| Total Pages | 85 |
| Language | Prakrit |
| Classification | Book_Devnagari, Agam, Canon, Agam 34, & agam_nishith |
| File Size | 3 MB |