Agam 34 Nisiham Padhamam Cheyasuttam Mulam PDF File

SR No.: 003767
Original Sutra Author: N/A
Author: Dipratnasagar, Deepratnasagar
Publisher: Deepratnasagar
Publication Year: 2012
Total Pages: 85
Language: Prakrit
Classification: Book_Devnagari, Agam, Canon, Agam 34, & agam_nishith
File Size: 3 MB

Page 51

[८१६] जे भिक्खू अन्नउत्थियाण वा गारत्थियाण वा धाउं पवेदेति पवेदेंतं वा सा० । [८१७] जे भिक्खू अन्नउत्थियाण वा गारत्थियाण वा निहिं पवेदेति पवेदेंतं वा सा० । [८१८] जे भिक्खू मत्तए अप्पाणं देहति देहंतं वा सातिज्जति । [८१९] जे भिक्खू अदाए अप्पाणं देहति देहतं वा सातिज्जति । [८२०] जे भिक्खू असीए अप्पाणं देहति देहंतं वा सातिज्जति । [८२१] जे भिक्खू मणीए अप्पाणं देहति देहतं वा सातिज्जति । [८२२] जे भिक्खू उड्डपाणे अप्पाणं देहति देहतं वा सातिज्जति । [८२३] जे भिक्खू तेल्ले अप्पाणं देहति देहतं वा सातिज्जति । [८२४] जे भिक्खू फाणिए अप्पाणं देहति देहतं वा सातिज्जति । [८२५] जे भिक्खू वसाए अप्पाणं देहति देहतं वा सातिज्जति । [८२६] जे भिक्खू वमनं पडिकम्मं करेति करेंतं वा सातिज्जति । [८२७] जे भिक्खू विरेयणं पडिकम्मं करेति करेंतं वा सातिज्जति । [८२८] जे भिक्खू वमनं-विरेयणं पडिकम्मं करेति करेंतं वा सातिज्जति । [८२९] जे भिक्ख अरोगे य पडिकम्मं करेति करेंतं वा सातिज्जति । [८३०] जे भिक्खू पासत्थं वंदति वंदंतं वा सातिज्जति । [८३१] जे भिक्खू पासत्थं पसंसति पसंसंतं वा सातिज्जति । [८३२] जे भिक्खू ओसन्नं वंदति वंदंतं वा सातिज्जति । [८३३] जे भिक्खू ओसन्नं पसंसति पसंसंतं वा सातिज्जति । [८३४] जे भिक्खू कुसीलं वंदति वंदंतं वा सातिज्जति । [८३५] जे भिक्खू कुसीलं पसंसति पसंसंतं वा सातिज्जति । [८३६] जे भिक्खू नितियं वंदति वंदंतं वा सातिज्जति । [८३७] जे भिक्खू नितियं पसंसति पसंसंतं वा सातिज्जति । [८३८] जे भिक्खू संसत्तं वंदति वंदंतं वा सातिज्जति | [८३९] जे भिक्खू संसत्तं पसंसति पसंसंतं वा सातिज्जति । [८४०] जे भिक्खू काहियं वंदति वंदंतं वा सातिज्जति । [८४१] जे भिक्खू काहियं पसंसति पसंसंतं वा सातिज्जति । [८४२] जे भिक्खू पासणियं वंदति वंदंतं वा सातिज्जति । [८४३] जे भिक्खू पासणियं पसंसति पसंसंतं वा सातिज्जति । [८४४] जे भिक्ख मामगं वंदति वंदंतं वा सातिज्जति । [८४५] जे भिक्खू मामगं पसंसति पसंसंतं वा सातिज्जति । [८४६] जे भिक्खू संपसारयं वंदति वंदंतं वा सातिज्जति । [८४७] जे भिक्खू संपसारयं पसंसति पसंसंतं वा सातिज्जति ।
उद्देसो-१३
[८४८] जे भिक्खू धाइपिंडं भुंजति भुजंतं वा सातिज्जति ।
[८४९] जे भिक्खू दूतिपिंडं भुंजति भुंजतं वा सातिज्जति । दीपरत्नसागर संशोधितः]
[50]
[३४-निसीह