Page Text
________________
[७९६] जे भिक्ख कोलावासंसि वा दारुए जीवपइट्ठिए सअंडे सपाणे सबीए सहरिए सओस्से सउदए सउत्तिंग-पणग-दग-मट्टिय-मक्कडा-संताणगंसि ठाणं वा सेज्जं वा निसेज्जं वा निसीहियं वा चेएति चेएंतं वा सातिज्जति ।
[७९७] जे भिक्खू थूणंसि वा गिहेलुयंसि वा उसुकालंसि वा कामजलंसि वा अन्नयरंसि वा तहप्पगारंसि अंतरिक्खजायंसि दुब्बद्धे दुन्निक्खित्ते अनिकंपे चलाचले ठाणं वा सेज्जं वा निसेज्जं वा निसीहियं वा चेएति चेदंतं वा सातिज्जति ।।
[७९८] जे भिक्खू कुलियंसि वा भित्तिंसि वा सिलंसि वा लेलुंसि वा अन्नयरंसि वा तहप्पगारंसि अंतरिक्खजायंसि दुब्बद्धे दुन्निक्खित्ते अनिकंपे चलाचले ठाणं वा सेज्जं वा निसेज्जं वा निसीहियं वा चेएति चेएतं वा सातिज्जति ।
[७९९] जे भिक्खू खंधंसि व फलिहंसि वा मंचंसि वा मडंबंसि वा मालंसि वा पासायंसि वा हम्मतलंसि वा अन्नयरंसि वा तहप्पगारंसि अंतरिक्खजायंसि दुब्बद्धे दुन्निक्खित्ते अनिकंपे चलाचले ठाणं वा सेज्जं वा निसेज्जं वा निसीहियं वा चेएति चेएंतं वा सातिज्जति |
[८००] जे भिक्ख अन्नउत्थियं वा सिप्पं वा सिलोगं वा अट्ठापदं वा कक्कड सलाहं वा सलाहकहत्थयं वा सिक्खावेति सिक्खावेंतं वा सातिज्जति ।।
[८०१] जे भिक्खू अन्नउत्थियं वा गारत्थियं वा आगाढं वदति वदंतं वा सातिज्जति । [८०२] जे भिक्खू अन्नउत्थियं वा गारत्थियं वा फरुसं वदति वदंतं वा सातिज्जति | [८०३] जे भिक्खू अन्नउत्थियं वा गारत्थियं वा आगाढं फरुसं वदति वदंतं वा सा० |
[८०४] जे भिक्ख अन्नउत्थियं वा गारत्थियं वा अन्नयरीए अच्चासायणाए अच्चासाएति अच्चासाएंतं वा सातिज्जति |
८०५] जे भिक्ख अन्नउत्थियं वा गारत्थियं वा कोउगकम्मं करेति करेंतं वा सा० ।। [८०६] जे भिक्खू अन्नउत्थियं वा गारत्थियं वा भूतिकम्मं करेति करेंतं वा सातिज्जति | [८०७] जे भिक्खू अन्नउत्थियं वा गारत्थियं वा पसिणं वागरेइ वागरेंतं वा सातिज्जति |
[८०८] जे भिक्खू अन्नउत्थियं वा गारत्थियं वा पसिणापसिणं वागरेइ वागरेंतं वा सातिज्जति ।
[८०९] जे भिक्खू अन्नउत्थियं वा गारत्थियं वा तीतं निमित्तं वागरेइ वागरेंतं वा सातिज्जति ।
[८१०] जे भिक्खू अन्नउत्थियं वा गारत्थियं वा लक्खणं वागरेइ वागरेंतं वा सातिज्जति । [८११] जे भिक्खू अन्नउत्थियं वा गारत्थियं वा सुमिणं वागरेइ वागरेंतं वा सातिज्जति । [८१२] जे भिक्खू अन्नउत्थियाण वा गारत्थियाण वा विज्जं पउंजति पउंजंतं वा सा० । [८१३] जे भिक्खू अन्नउत्थियाण वा गारत्थियाण वा मंतं पउंजति पउंजंतं वा सा० । [८१४] जे भिक्खू अन्नउत्थियाण वा गारत्थियाण वा जोगं पउंजति पउंजंतं वा सा.. |
[८१५] जे भिक्खू अन्नउत्थियाण वा गारत्थियाण वा नट्ठाणं मूढाणं विप्परियासियाणं उद्देसो-१३
मग्गं वा पवेदेति संधि वा पवेदेति मग्गाओ वा संधिं पवेदेति संधीओ वा मग्गं पवेदेति पवेदेंतं वा सातिज्जति । [दीपरत्नसागर संशोधितः]
[49] [49]
[३४-निसीह
Jain Education International
For Private & Personal Use Only
www.jainelibrary.org
| SR No. | 003767 |
| Book Title | Agam 34 Nisiham Padhamam Cheyasuttam Mulam PDF File |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2012 |
| Total Pages | 85 |
| Language | Prakrit |
| Classification | Book_Devnagari, Agam, Canon, Agam 34, & agam_nishith |
| File Size | 3 MB |