Agam 34 Nisiham Padhamam Cheyasuttam Mulam PDF File

SR No.: 003767
Original Sutra Author: N/A
Author: Dipratnasagar, Deepratnasagar
Publisher: Deepratnasagar
Publication Year: 2012
Total Pages: 85
Language: Prakrit
Classification: Book_Devnagari, Agam, Canon, Agam 34, & agam_nishith
File Size: 3 MB

Page 37

[५८०] जे भिक्खू रायपिंडं गेण्हति गेण्हतं वा सातिज्जति । [५८१] जे भिक्खू रायपिंड भुजति भुजंतं वा सातिज्जति । [५८२] जे भिक्खू रायंतेपुरं पविसति पविसंतं वा सातिज्जति ।
[५८३] जे भिक्खू रायंतेपुरियं वदेज्जा-आउसो ! रायंतेपुरिए, नो खलु अम्हं कप्पइ रायंतेपुरं निक्खमित्तए वा पविसित्तए वा, इमण्हं तुमं पडिग्गहगं गहाय रायंतेपुराओ असनं वा पानं वा खाइमं वा साइमं वा नीहरियं आहटु दलयाहि, जो तं एवं वदति वदंतं वा सातिज्जति |
[५८४] जे भिक्खू य णं रायंतेरिया वएज्जा-आउसंतो ! समणा, नो खल तुज्झं कप्पइ रायंतेपरं निक्खमित्तए वा पविसित्तए वा आहरेयं पडिग्गहगं जा ते अहं रायंतेपुराओ असनं वा जाव साइमं वा नीहरियं आहट्ट दलयामि जे तं एवं वदतिं पडिसुणेति पडिसुणेतं वा सातिज्जति ।
[५८५] जे भिक्खू रण्णो खत्तियाणं मुदियाणं मुद्धाभिसित्ताणं दोवारियभत्तं वा पसुभत्तं वा भयगभत्तं वा बलभत्तं वा कयगभत्तं वा हयभत्तं वा गयभत्तं वा कंतारभत्तं व भिक्खभत्तं वा दुकाल भत्तं वा दमगभत्तं वा गिलाणभत्तं वा वद्धलियाभत्तं वा पाहुणभत्तं वा पडिग्गाहेति पडिग्गाहेंतं वा सातिज्जति ।
[५८६] जे भिक्खू रण्णो खत्तियाणं मुदियाणं मुद्धाभिसित्ताणं इमाइं छद्दोसाययणाई अजाणित्ता अपुच्छिय अगवेसिय परं चउराय-पंचरायाओ गाहावइकुलं पिंडवाय-पडियाए निक्खमति वा पविसति वा निक्खमंतं वा पविसंतं वा सातिज्जति तं जहा कोट्ठागारसालाणि वा भंडागारसालाणि वा पानसालाणि वा खीरसालाणि वा गंजसालाणि वा महानससालाणि वा ।
[५८७] जे भिक्खू रण्णो खत्तियाणं मुदियाणं मुद्धाभिसित्ताणं अइगच्छमाणाण वा निग्गच्छमाणाण वा पदमवि चक्खुदंसण-पडियाए अभिसंधारेति अभिसंधारेतं वा सातिज्जति ।
[५८८] जे भिक्खू रण्णो खत्तियाणं मुदियाणं मुद्धाभिसित्ताणं इत्थीओ सव्वालंकारविभूसियाओ पदमवि चक्खुदंसण-पडियाए अभिसंधारेति अभिसंधारेतं वा सातिज्जति । उद्देसो-९
[५८९] जे भिक्खू रण्णो जाव मंसखायाण वा मच्छखायाण वा छविखायाण वा बहिया निग्गयाणं असनं वा पानं वा खाइमं वा साइमं वा पडिग्गाहेति पडिग्गाहेंतं वा सातिज्जति ।
[५९०] जे भिक्खू रण्णो० अन्नयरं उववूहणियं समीहियं पेहाए ताए परिसाए अनुट्ठियाए अभिन्नाए अव्वोच्छिन्नाए जो तं अन्नं पडिग्गाहेति पडिग्गाहेंतं वा सातिज्जति, अह पुण एवं जाणेज्जा - इहऽज्ज राया खत्तिए परिसिए, जे भिक्खू ताए गिहाए ताए पएसाए ताए वा उवासंतराए [विहारं वा करेति सज्झायं वा करेति असनं वा पानं वा खाइमं वा साइमं वा आहारेति, उच्चारं वा पासवणं वा परिद्ववेतु, अन्नयरं वा अनारियं निदुरं असमणपाओग्गं कहं कहेति कहेंतं वा सातिज्जति ।
_[५९१] जे भिक्खू रण्णो खत्तियाणं मुदियाणं मुद्धाभिसित्ताणं बहिया जत्तासंठियाणं असनं
वा
पानं वा खाइमं वा साइमं वा पडिग्गाहेति पडिग्गाहेंतं वा सातिज्जति ।
[५९२] जे भिक्खू रण्णो खत्तियाणं मुदियाणं मुद्धाभिसित्ताणं बहिया जत्तापडिनियत्ताणं असनं वा पानं वा खाइमं वा साइमं वा पडिग्गाहेति पडिग्गाहेंतं वा सातिज्जति |
[दीपरत्नसागर संशोधितः]
[36]
[३४-निसीह