Page Text
________________
उच्चारं वा पासवणं वा परिहवेइ अन्नयरं वा अनारियं निद्रं असमणपाओग्गं कहं कहेति ] कहेंतं वा सातिज्जति ।
[५७०] जे भिक्खू राओ वा वियाले वा इत्थीमज्झगते इत्थीसंसत्ते इत्थीपरिवुडे अपरिमाणाए कहं कहेति कहेंतं वा सातिज्जति ।
[१७१] जे भिक्खू सगणिच्चियाए वा परगणिच्चियाए वा निग्गंथीए सद्धिं गामानुगामं दूइज्जमाणे पुरओ गच्छमाणे पिट्ठओ रीयमाणे ओहयमणसंकप्पे चिंतासोयसागरसंपविढे करतल पल्हत्थमुहे अदृज्झाणोवगए [विहारं वा करेड़ जाव असमणपाओग्गं कहं कहेति कहेंतं वा सातिज्जति ।
[५७२] जे भिक्खू नायगं वा अनायगं वा उवासयं वा अनवासयं वा अंतो उवस्सयस्स अद्धं वा राति कसिणं वा राति संवसावेति संवसावेंतं वा सातिज्जति ।
[५७३] जे भिक्खू तं न पडियाइक्खड़ न पडियाइक्खंतं वा सातिज्जति ।
[५७४] जे भिक्खू नायगं वा अनायगं वा उवासयं वा अनुवासयं वा अंतो उवस्सयस्स अद्धं वा राति कसिणं वा रातिं संवसावेति तं पडुच्च निक्खमति वा पविसति वा निक्खमंतं वा पविसंतं वा सातिज्जति ।
[५७५] जे भिक्खू रण्णो खत्तियाणं मुद्दियाणं मुद्धाभिसित्ताणं समवाएसु वा पिंडनियरेसु वा [ इंदमहेसु वा खंदमहेसु वा रुद्दमहेसु वा मुगुंदमहेसु वा भूतमहेसु वा जक्खमहेसु वा नागमहेसु वा धूममहेसु वा चेतियमहेसु वा रुक्खमहेसु वा गिरिमहेसु वा दरिमहेसु वा अगडमहेसु वा तडागमहेसु वा दहमहेसु वा नदिमहेसु वा सरमहेसु वा सागरमहेसु वा आगरमहेसु वा अन्नयरेसु वा तहप्पगारेसु विरूवरूवेसु महामहेसु ] असनं वा पानं वा खाइमं वा साइमं वा पडिग्गाहेति पडिग्गाहेंतं वा सातिज्जति । उद्देसो-८
[१७६] जे भिक्खू रण्णो खत्तियाणं [मुद्दियाणं] मुद्धाभिसित्ताणं उत्तरसालंसि वा उत्तरगिहंसि वा रीयमाणाणं असनं वा पानं वा खाइमं वा साइमं वा पडिग्गाहेति पडिग्गाहेंतं वा सातिज्जति ।
[५७७] जे भिक्खू रण्णो खत्तियाणं मुद्धाभिसित्ताणं हयसालगयाण वा गयसालगयाण वा मंतसालगयाण वा गुज्झसालगयाण वा मेहुणसालगयाण वा असनं वा पानं वा खाइमं वा साइमं वा पडिग्गाहेति पडिग्गाहेंतं वा सातिज्जति ।
[५७८] जे भिक्खू रण्णो खत्तियाणं मुदियाणं मुद्धाभिसित्ताणं सन्निहि-संनिचयाओ खीरं वा वा नवनीयं वा सप्पिं वा गलं वा खंडं वा सक्करं वा मच्छंडियं वा अन्नयरं वा भोयणजायं पडिग्गाहेति पडिग्गाहेंतं वा सातिज्जति ।
[५७९] जे भिक्खू रण्णो खत्तियाणं मुदियाणं मुद्धाभिसित्ताणं उस्सट्ठपिंडं वा संसट्ठपिंडं वा अनाहपिंडं वा किविणपिंडं वा वणीमगपिडं वा पडिग्गाहेति पडिग्गाहेंतं वा सातिज्जति -तं सेवमाणे आवज्जइ चाउम्मासियं परिहारहाणं अनुग्घातियं ।
० अदमो उद्देसो समत्तो . ० नवमो-उद्देसो .
दीपरत्नसागर संशोधितः]
[35]
[३४-निसीह
Jain Education International
For Private & Personal Use Only
www.jainelibrary.org
| SR No. | 003767 |
| Book Title | Agam 34 Nisiham Padhamam Cheyasuttam Mulam PDF File |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2012 |
| Total Pages | 85 |
| Language | Prakrit |
| Classification | Book_Devnagari, Agam, Canon, Agam 34, & agam_nishith |
| File Size | 3 MB |