Page Text
________________
[४३८] जे भिक्खू माउग्गामस्स मेहण-वडियाए अप्पणो कायंसि गंडं वा पिडयं वा अरइयं वा असियं वा भगंदलं वा अन्नयरेणं तिक्खेणं सत्थजाएणं अच्छिंदित्ता वा विच्छिंदित्ता सोणियं वा नीहरित्ता वा विसोहेत्ता वा सीओदग-वियडेण वा उसिणोदग-वियडेण वा उच्छोलेत्ता वा पधोएत्ता वा अन्नयरेणं आलेवणजाएणं आलिंपेत्ता वा विलिंपेत्ता वा तेल्लेणं वा घएण वा वसाए वा नवनीएण वा अब्भंगेज्ज वा मक्खेज्ज वा अभंगेंतं वा मक्खेंतं वा सातिज्जति ।
[४३९] जे भिक्खू माउग्गाम बडियाए अप्पणो कायंसि गंडं वा पिडयं वा अरइयं वा असियं वा भगंदलं वा अन्नयरेणं तिक्खेणं सत्थजाएणं अच्छिंदित्ता वा विच्छिंदित्ता वा पुयं वा
सोणियं उद्देसो-६
वा नीहरित्ता वा विसोहेत्ता वा सीओदग-वियडेण वा उसिणोदग-वियडेण वा उच्छोलेत्ता वा पधोएत्ता वा अन्नयरेणं आलेवणजाएणं आलिंपेत्ता वा विलिंपेत्ता वा तेल्लेणं वा घएण वा वसाए वा नवनीएण वा अब्भंगेज्ज वा मक्खेज्ज वा अब्भंगेत्ता वा मक्खेत्ता वा अन्नयरेणं धूवण-जाएणं धूवेज्ज वा पधूवेज्ज वा धूतं वा पधूतं वा सातिज्जति ।
[४४०] जे भिक्खू माउग्गामस्स मेहुण-वडियाए अप्पणो पालुकिमियं वा कुच्छिकिमियं वा अंगुलीए निवेसिय-निवेसिय नीहरेंत वा सातिज्जति ।
[४४१] जे भिक्खू माउग्गामस्स मेहण-वडियाए अप्पणो दीहाओ नह-सिहाओ कप्पेज्ज वा संठवेज्ज वा कप्पेतं वा संठवेंतं वा सातिज्जति ।
[४४२] जे भिक्खू माउग्गामस्स मेहुण-वडियाए अप्पणो दीहाइं जंघ-रोमाइं कप्पेज्ज वा संठवेज्ज वा कप्तं वा संठवेंतं वा सातिज्जति ।
[४४३] जे भिक्खू माउग्गामस्स मेहण-वडियाए अप्पणो दीहाइं वत्थि-रोमाई कप्पेज्ज वा संठवेज्ज वा कप्तं वा संठवेंतं वा सातिज्जति ।
[४४४] जे भिक्खू माउग्गामस्स मेहण-वडियाए अप्पणो दीहाइं चक्खु-रोमाइं कप्पेज्ज वा संठवेज्ज वा कप्तं वा संठवेंतं वा सातिज्जति ।
[४४५] जे भिक्खू माउग्गामस्स मेहण-वडियाए अप्पणो दीहाइं कक्खाण-रोमाइं कप्पेज्ज वा संठवेज्ज वा कप्तं वा संठवेंतं वा सातिज्जति ।
[४४६] जे भिक्खू माउग्गामस्स मेहण-वडियाए अप्पणो दीहाइं मंसु-रोमाई कप्पेज्ज वा संठवेज्ज वा कप्तं वा संठवेंतं वा सातिज्जति ।
[४४७] जे भिक्खू माउग्गामस्स मेहुण-वडियाए अप्पणो दंते आघंसेज्ज वा पघंसेज्ज वा आघंसंतं वा पघंसंतं वा सातिज्जति ।
[४४८] जे भिक्खू माउग्गामस्स मेहण-वडियाए अप्पणो दंते उच्छोलेज्ज वा पधोएज्ज वा उच्छोलेंतं वा पधोएंतं वा सातिज्जति ।
[४४९] जे भिक्खू माउग्गामस्स मेहुण-वडियाए अप्पणो दंते फुमेज्ज वा रएज्ज वा फुमेंतं वा रएंतं वा सातिज्जति ।
[४५०] जे भिक्खू माउग्गामस्स मेहुण-वडियाए अप्पणो उढे आमज्जेज्ज वा पमज्जेज्ज वा आमज्जंतं वा पमज्जंतं वा सातिज्जति |
[दीपरत्नसागर संशोधितः]
[25]
[३४-निसीह
Jain Education International
For Private & Personal Use Only
www.jainelibrary.org
| SR No. | 003767 |
| Book Title | Agam 34 Nisiham Padhamam Cheyasuttam Mulam PDF File |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2012 |
| Total Pages | 85 |
| Language | Prakrit |
| Classification | Book_Devnagari, Agam, Canon, Agam 34, & agam_nishith |
| File Size | 3 MB |