Page Text
________________
[४२५] जे भिक्खू माउग्गामस्स मेहण-वडियाए अप्पणो कायं लोद्धेण वा कक्केण वा चुण्णेण वा वण्णेण वा उल्लोलेज्ज वा उव्वदे॒ज्ज वा उल्लोलेंतं वा उव्वटेंतं वा सातिज्जति |
[४२६] जे भिक्खू माउग्गामस्स मेहण-वडियाए अप्पणो कायं सीओदग-वियडेण वा उसिणोदग-वियडेण वा उच्छोलेज्ज वा पधोएज्ज वा उच्छोलेंतं वा पधोएंतं वा सातिज्जति ।
[४२७] जे भिक्खू माउग्गामस्स मेहुण-वडियाए अप्पणो कायं फुमेज्ज वा रएज्ज वा फुतं उद्देसो-६
वा रएंतं वा सातिज्जति ।
[४२८] जे भिक्खू माउग्गामस्स मेहण-वडियाए अप्पणो कार्यसि वणं आमज्जेज्ज वा पमज्जेज्ज वा आमज्जंतं वा पमज्जंतं वा सातिज्जति ।
[४२९] जे भिक्खू माउग्गामस्स मेहण-वडियाए अप्पणो कार्यसि वणं संवाहेज्ज वा पलिमद्देज्ज वा संवाहेंतं वा पलिमदे॒तं वा सातिज्जति ।।
[४३०] जे भिक्खू माउग्गामस्स मेहण-वडियाए अप्पणो कार्यसि वणं तेल्लेण वा घएण वा वसाए वा नवनीएण वा अब्भंगेज्ज वा मक्खेज्ज वा अब्भंगेंतं वा मक्खेंतं वा सातिज्जति ।
[४३१] जे भिक्खू माउग्गामस्स मेहण-वडियाए अप्पणो कार्यसि वणं लोद्धेण वा कक्केण वा चुण्णेण वा वण्णेण वा उल्लोलेज्ज वा उव्वट्टेज्ज वा उल्लोलेंतं वा उव्वटेंतं वा सातिज्जति ।
[४३२] जे भिक्खू माउग्गामस्स मेहण-वडियाए अप्पणो कार्यसि वणं सीओदग-वियडेण वा उसिणोदग-वियडेण वा उच्छोलेज्ज वा पधोएज्ज वा उच्छोलेंतं वा पधोएतं वा सातिज्जति ।
___[४३३] जे भिक्खू माउग्गामस्स मेहुण-वडियाए अप्पणो कार्यसि वणं फुमेज्ज वा रएज्ज वा फुतं वा रएंतं वा सातिज्जति ।
[४३४] जे भिक्खू माउग्गामस्स मेहण-वडियाए अप्पणो कायंसि गंडं वा पिडयं वा अरइयं वा असियं वा भगंदलं वा अन्नयरेणं तिक्खेणं सत्थजाएणं अच्छिंदेज्ज वा विच्छिंदेज्ज वा अच्छिंदेंतं वा विच्छिंदेंतं वा सातिज्जति |
[४३५] जे भिक्खू माउग्गामस्स मेहण-वडियाए अप्पणो कायंसि गंडं वा पिडयं वा अरइयं वा असियं वा भगंदलं वा अन्नयरेणं तिक्खेणं सत्थजाएणं अच्छिंदित्ता वा विच्छिंदित्ता वा पूयं वा सोणियं वा नीहरेज्ज वा विसोहेज्ज वा नीहरेंतं वा विसोहेंतं वा सातिज्जति |
[४३६] जे भिक्खू माउग्गामस्स मेहण-वडियाए अप्पणो कायंसि गंडं वा पिडयं वा अरइयं वा असियं वा भगंदलं वा अन्नयरेणं तिक्खेणं सत्थजाएणं अच्छिंदित्ता वा विच्छिंदित्ता वा पुयं वा सोणियं वा नीहरित्ता वा विसोहेत्ता वा सीओदग-वियडेण वा उसिणोदग-वियडेण वा उच्छोलेज्ज वा पधोएज्ज वा उच्छोलेंतं वा पधोएंतं वा सातिज्जति ।
[४३७] जे भिक्खू माउग्गामस्स मेहण-वडियाए अप्पणो कार्यसि गंडं वा पिडयं वा अरइयं वा असियं वा भगंदलं वा अन्नयरेणं तिक्खेणं सत्थजाएणं अच्छिंदित्ता वा विच्छिंदित्ता वा पूयं वा सोणियं वा नीहरित्ता वा विसोहेत्ता वा सीओदग-वियडेण वा उसिणोदग-वियडेण वा उच्छोलेत्ता वा पधोएत्ता वा अन्नयरेणं आलेवणजाएणं आलिंपेज्ज वा विलिंपेज्ज वा आलिंपेंतं वा विलिंपेंतं वा सातिज्जति ।
दीपरत्नसागर संशोधितः]
[24]
[३४-निसीह
Jain Education International
For Private & Personal Use Only
www.jainelibrary.org
| SR No. | 003767 |
| Book Title | Agam 34 Nisiham Padhamam Cheyasuttam Mulam PDF File |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2012 |
| Total Pages | 85 |
| Language | Prakrit |
| Classification | Book_Devnagari, Agam, Canon, Agam 34, & agam_nishith |
| File Size | 3 MB |