________________
गाहा-३३
[३३] अद्दा अस्सेस जिट्ठा य, मूलो चेव चउत्थओ ।
गुरुणो कारए पडिमं, तवोकम्मं च कारए [३४] दिव्व माणुस तेरिच्छे, उवसग्गाऽहियासए ।
गुरु सुचरण-करणो, उग्गहोवग्गहं करे ।। [३५] महा भरणि पुव्वाणि, तिन्नि उग्गा वियाहिया ।
एएसु तवं कुज्जा , सब्भिंतर बाहिरं चेव ।। [३६] तिन्नि सयाणि सट्ठाणि, तवोकम्माणि आहिया ।
उग्ग-नक्खत्त-जोएसु, तेसुमन्नंतरे करे ।। [३७] कित्तिया य विसाहा य, उम्हा एयाणि दुन्नि उ ।
लिपंणं सीवणं कुज्जा, संथारुग्गह-धारणं ।। [३८] उवकरण भंडमाईणं, विवायं चीवराणि य ।
उवगरणं विभागं च, आयरियाणं तु कारए || [३९] घनिट्ठा सयभिसा साई, सवणो य पुनव्वसू । ____ एएसु गुरु सुस्सूसं, चेइयाणं च पूयणं ।। [४०] सज्झायकरणं कुज्जा, विज्जा विरइं च कारए |
वओवट्ठावणं कुज्जा, अणुन्नं गणि-वायए ।। [४१] गणसंगहणं कुज्जा, सेहनिक्खमणं करे ।
संगहोवग्गहं कुज्जा, गणावच्छेइयं तहा ।। [४२] बव बालवं च तह कोलवं च थिलोयणं गराइं च ।
वणियं विट्ठी य तहा सुद्धपडिवए निसाईया ।। [४३] सउनि चठप्पय नागं किंथुग्घं च करणा धुवा हुंति ।
किण्हचउद्दसिरत्तिं सउनी पडिवज्जए करणं [४४] काऊण तिहिं बिगुणं जुण्हगे सोहए न पुन काले ।
सत्तहिं हरिज्ज भागं सेसं जं तं भवे करणं ।। [४५] बवे य बालवे चेव, कोलवे वणिए तहा ।
नागे चप्पए यावि, सेहनिक्खमणं करे ।। [४६] बवे उवट्ठावणं कुज्जा, अणुन्नं गणि-वायए ।
सठणीम्मि य विट्ठीए, अनसनं तत्थ कारए || [४७] गुरु सुक्क सोम दिवसे, सेहनिक्खमणं करे ।
वओवट्ठावणं कुज्जा, अणुन्नं गणि-वायए ।। ४८] रवि-भोम-कोण-दिवसे, चरण-करणाणि कारए |
तवोकम्माणि कारिज्जा, पाओवगमनानि य ।। [४९] रुद्दो उ मुहुत्ताणं आई छन्नवइ अंगुलच्छाओ ।
सेओ उ हवइ सट्ठी बारस मित्तो हवइ जुत्तो ।।
[दीपरत्नसागर-संशोधितः]
[4]
[३१|गणिविज्जा]