Page #1
--------------------------------------------------------------------------
________________ namo namo nimmaladasaNassa pU. AnaMda-kSamA-lalita-suzIla-sudharmasAgara gurUbhyo namaH gaNivijjA-aTThamaM paiNNayaM muni dIparatnasAgara Date : // 2012 Jain Aagam Online Series-31
Page #2
--------------------------------------------------------------------------
________________ 31 gaMthANukkamo kamako visaya sutaM gAhA aNukkamo piTThako divasa dAraM tithi dAraM 4-10 nakkhatta dAraM 11-40 11-40 karaNa dAraM 41-46 41-46 gahadivasa dAraM 47-48 47-48 muhuttaM dAraM 49-55 49-55 sakunabala dAraM 56-60 56-60 lagga dAraM 61-68 61-68 nimitabala dAraM 69. 69-82 [dIparatnasAgara-saMzodhitaH] [1] [31|gaNivijjA]
Page #3
--------------------------------------------------------------------------
________________ bAlabrahmacArI zrI neminAthAya namaH namo namo nimmaladaMsaNassa OM hrIM namo pavayaNassa | 31 | gaNivijjA - aTThamaM paiNNayaM| [1] vucchaM balAbalavihiM navabalavihimuttamaM viupasatthaM / jinavayaNabhAsiyamiNa pavayaNasatthammi jaha diLaM / / [2] divasa tihI nakkhattA karaNaM gahadivasayaM muhattaM ca / sauNabalaM laggabalaM nimittabalamuttamaM vA vi / / [3] horAbaliA divasA juNhA puNa dubbalA ubhayapakkhe / vivarIyaM rAIsu ya balA'balavihiM viyANAhi / / [4] pADivae paDivattI natthi vivattI bhaNaMti bIyAe | taiyAe atthasiddhI vijayaggA paMcamI bhaNiyA [5] jA esa sattamI sA u bahuguNA ittha saMsao natthi / dasamIi patthiyANaM bhavaMti nikkaMTayA paMthA / / [6] AroggamavigghaM khemiyaM ca ekkArasiM viyANAhi / je'vi ya haMti amittA te terasi piTThao jiNai [7] cAuddasiM pannarasiM vajjijjA aTThamiM ca navamiM ca / chaTTuiM ca cautthiM bArasiM ca duNhaM pi pakkhANaM [8] paDhamI paMcami dasamI pannarasaekkArasI vi ya taheva / ____eesu ya divasesuM sehe nikkhamaNaM kare / / [9] naMdA bhaddA vijayA tucchA pannA ya paMcamI hor3a / mAseNa ya chavvAre ikkikkA''vattae niyae / / [10] naMde jae ya punne, sehanikkhamaNaM kare / naMde bhadde subhaddAe, punne anasanaM kare [11] pussa'ssiNi migasira revaI ya hattho taheva cittA ya / anurAha jiTTha mUlA nava nakkhattA gamanasiddhA [12] migasira mahA ya mUlo visAhA taheva hoi anurAhA / hatthuttara revai assiNI ya savaNe ya nakkhatte [13] ees ya addhANaM patthANaM ThANayaM ca kAyavvaM / jai ya gaho'tthaM na ciTThai saMjhAmukkaM ca jai hoi / / [14] uppanna bhattapANo addhANammi sayA 3 jo hoi / phala-pupphovagaveo gao vi khemeNa so eD / / [15] saMjhAgayaM ravigayaM viDaDheraM saggahaM vilaMbiM ca / rAhmayaM gahabhinnaM ca vajjae savva nakkhatte / / [dIparatnasAgara-saMzodhitaH] [2] [31|gaNivijjA]
Page #4
--------------------------------------------------------------------------
________________ gAhA 16 [16] atthamaNe saMjhAgaya ravigaya jahiyaM Thio u Aicco | viDDheramavaddAriya saggaha kUraggahaThiyaM tu / / [17] AiccapiTThao se vilaMbi rAhUhayaM jahiM gahaNaM / majjheNa gaho jassa u gacchai taM hoi gahabhinnaM [18] saMjjhAgayammi kalaho hoi vivAo vilaMba nakkhatte / viDDhere paravijao Aicacagae anivvANI || [19] jaM saggahammi kIrai nakkhatte tattha niggaho hoi / rAhumma ya maraNaM gahabhinne soNiuggAle || [20] saMjhAgayaM rAhugayaM AiccagayaM ca dubbalaM rikkhaM / saMjhA''iccavimukkaM gahamukkaM ceva baliyAI / [21] pusso hattho abhII ya, assiNI bharaNI tahA / eesu ya rikkhesu ya pAovagamaNaM kare / / [22] savaNeNa dhaniTThAi punavvasU navi karejja nikkhamaNaM / sayabhisaya pUsa hatthe vijjAraMbhe pavittijjA [23] migasira addA pusso tinni ya puvvAiM mUlamassesA / hattho cittA ya tahA dasa vuDDhakarAI nANassa || [24] hatthAiM paMca rikkhA, vatthassa pasatthagA vinidiTThA / uttarA tinni dhaniTThA punavvasU rohiNI pusso / / [25] punavvasUNA pusseNa, savaNeNa dhaniTThayA / eehiM cauhiM rikkhehiM, loyakammANi kArae || [26] kittiyAhiM visAhAhiM, maghAhiM bharaNIhi ya / eehiM cahiMrikkhehiM, loyakammANi vajjae || [27] tihiM uttarAhiM rohiNIhiM, kujjA u sehanikkhamaNaM / sehovaTThAvaNaM kujjA, aNunnA gaNi vAyae / / [28] gaNasaMgahaNaM kujjA, gaNaharaM ceva ThAvae / uggahaM vasahiM ThANaM, thAvarANi pavattae / / [29] pusso hattho abhiI ya, assiNI ya taheva ya / cattAri khippakArINI, kajjAraMbhesu sohaNA / / [30] vijjANaM dhAraNaM kujjA, baMbhajoge ya sAhae / sajjhAyaM ca aNunnaM ca, uddese ya samuddise || [31] anurAhA revaI ceva, cittA migasiraM tahA / miUniyANi cattAri, miThakammaM tesu kArae || [32] bhikkhAcaraNamattANaM, kujjA gahaNadhAraNaM / saMgahovaggahaM ceva, bAlavuDDhANa kArae / / [dIparatnasAgara-saMzodhitaH] [3] || || [31] gaNivijjA]
Page #5
--------------------------------------------------------------------------
________________ gAhA-33 [33] addA assesa jiTThA ya, mUlo ceva cautthao / guruNo kArae paDimaM, tavokammaM ca kArae [34] divva mANusa tericche, uvasaggA'hiyAsae / guru sucaraNa-karaNo, uggahovaggahaM kare / / [35] mahA bharaNi puvvANi, tinni uggA viyAhiyA / eesu tavaM kujjA , sabbhiMtara bAhiraM ceva / / [36] tinni sayANi saTThANi, tavokammANi AhiyA / ugga-nakkhatta-joesu, tesumannaMtare kare / / [37] kittiyA ya visAhA ya, umhA eyANi dunni u / lipaMNaM sIvaNaM kujjA, saMthAruggaha-dhAraNaM / / [38] uvakaraNa bhaMDamAINaM, vivAyaM cIvarANi ya / uvagaraNaM vibhAgaM ca, AyariyANaM tu kArae || [39] ghaniTThA sayabhisA sAI, savaNo ya punavvasU / ____ eesu guru sussUsaM, ceiyANaM ca pUyaNaM / / [40] sajjhAyakaraNaM kujjA, vijjA viraiM ca kArae | vaovaTThAvaNaM kujjA, aNunnaM gaNi-vAyae / / [41] gaNasaMgahaNaM kujjA, sehanikkhamaNaM kare / saMgahovaggahaM kujjA, gaNAvaccheiyaM tahA / / [42] bava bAlavaM ca taha kolavaM ca thiloyaNaM garAiM ca / vaNiyaM viTThI ya tahA suddhapaDivae nisAIyA / / [43] sauni caThappaya nAgaM kiMthugghaM ca karaNA dhuvA huMti / kiNhacauddasirattiM saunI paDivajjae karaNaM [44] kAUNa tihiM biguNaM juNhage sohae na puna kAle / sattahiM harijja bhAgaM sesaM jaM taM bhave karaNaM / / [45] bave ya bAlave ceva, kolave vaNie tahA / nAge cappae yAvi, sehanikkhamaNaM kare / / [46] bave uvaTThAvaNaM kujjA, aNunnaM gaNi-vAyae / saThaNImmi ya viTThIe, anasanaM tattha kArae || [47] guru sukka soma divase, sehanikkhamaNaM kare / vaovaTThAvaNaM kujjA, aNunnaM gaNi-vAyae / / 48] ravi-bhoma-koNa-divase, caraNa-karaNANi kArae | tavokammANi kArijjA, pAovagamanAni ya / / [49] ruddo u muhuttANaM AI channavai aMgulacchAo / seo u havai saTThI bArasa mitto havai jutto / / [dIparatnasAgara-saMzodhitaH] [4] [31|gaNivijjA]
Page #6
--------------------------------------------------------------------------
________________ gAhA 50 [50] cha cceva ya ArabhaDo somitto paMca aMgulo hoi / cattAri ya vairijjo do cceva ya sAvasU hoi / / [51] parimaMDalo muhutto asIvi majjhatite Thie hoi / do hoi rohaNa puna-balo ya cauraMgulo hoi / / [52] vijao paMcagulio chacceva ya nerio havai jutto / varuNo ya havai bArasa ajjamadIvA havai saTThI / / [ 53 ] channaui aMgulo puna hoi bhago sUra atthamaNa vele / ee divasa muhuttA ratti muhutte ao vucchaM / / [ 54 ] havaI vivarIya dhaNo pamoyaNo ajjamA tahA sINo / rakkhasa pAyAvaccA sAmA baMbhA bahassaI yA / / [55] viNDu tahA puNa ritto rati muhuttA viyAhiyA / divasa muhutta gaIe / chAyAmANaM muNeyavvaM / / [56] mitte naMde taha suTThie ya, abhiI caMde taheva yA / varuNa'ggivesa IsANe, AnaMde vijae i ya / / [57] eesu muhuttajoesu, sehanikkhamaNaM kare / aTThAvaNAIca, aNunnA gaNi- vAyae || [58] baMbhe valae vAummi, usabhe varuNe tahA / anasanapAuvagamaNaM, uttamaTThe ca kArae || [59] punnAmadhejja-sauNesu, sehanikkhamaNaM kare / nAsu sasu samAhiM kArae viU / / [60] napuMsaesu sauNesu, savvakammANi vajjae / vAmissesu nimittesu, savvAraMbhANi vajjae || [61] tiriyaM vAharaMtesu, addhANagamanaM kare / pupphiya-phalie vacche, sajjhAyaM karaNaM kare / / [62] dumakhaMdhe vAhiraMtesu, sehuvaTThAvaNaM kare / gayaNe vAharaMtesu, uttamaTThe tu kArae / / [63] bilamUle vAharaMtesu, ThANaM tu parigiNhae / uppAyammi vayaMtesu, sauNesu maraNaM bhave [64] pakkamaMtesu sauNesu, harisaM tuTThiM ca vAgare / calarAsi vilaggesu, seha - nikkhamaNaM kare / / [65] thirarAsi vilaggesu, vaovaTThAvaNaM kare / suyakkhaMdhANunnAo, uddise ya samuddise / / [66] bisarIra vilaggesu, sajjhAyakaraNaM kare / ravihorAvilaggesu, sehanikkhamaNaM kare / / [dIparatnasAgara-saMzodhitaH] [5] || [31] gaNivijjA]
Page #7
--------------------------------------------------------------------------
________________ gAhA-67 [67] caMdahorA vilaggesu, sehINaM saMgahaM kare / sommadikkoNa laggesu, caraNakaraNaM tu kArae / / [68] kUNadikkoNa laggesu, uttamaLaM tu kArae | evaM laggANi jANijjA, dikkoNesu na saMsao / / [69] somaggaha vilaggesu, sehanikkhamaNaM kare / kUraggaha vilaggesu, uttamaLaM tu kArae || [70] rAhu-keTha vilaggesu, savvakammANi vajjae / vilaggesu pasatthesu, pasatthANi 3 Arabhe / / [71] appasatthesu laggesu, savvakammANi vajjae | vilaggANi jANijjA, gahANa jinabhAsie / / [72] na nimittA vivajjaMti, na micchA risibhAsiyaM / duddiDheNaM nimitteNaM Adezo u vinassai / / [73] sudiTheNa nimitteNaM, Adeso na vinassai / jA ya uppAiyA bhAsA, jaM ca jaMpati bAlayA / / [74] jaM vitthIo pabhAsaMti, natthi tassa vaikammo | tajjAeNa ya tajjAyaM, tannibheNa ya tannibhaM / / [75] tArUveNa ya tAruvaM, sarisaM sariseNa niddise / ___ thI purisa nimittesu, sehanikkhamaNaM kare / / [76] napuMsaka nimittesu, savvakajjANi vajjae | vAmisses nimittesu, savvAraMbhe vivajjae || [77] nimitte kittime natthi, nimitte bhAvi sujjhae / jeNa siddhA viyANaMti, nimittuppAyalakkhaNaM / / [78] nimitesu pasatthesu, daDhesu baliesu ya / sehanikkhamaNaM kujjA, vaThavaTThAvaNANi ya / / [79] gaNasaMgahaNaM kujjA , gaNahara ittha vA vae / suyakkhaMdhANunnAo, aNunnA gaNi-vAyae / / [80] nimittesu'pasatthesu, siDhilesu abalesu ya / savvakajjANi vajjijjA, appasAharaNaM kare / / [81] pasatthesu nimittesu, pasatthANi sayA''rabhe / appasatthanimittesu, savvakajjANi vajjae || [82] divasAo tihI balio tihIu baliyaM tu suvvaI rikkhaM / nakkhatA karaNamAhaMsu karaNAu gahadinA baliNo / / [83] gahadinA u muhuttA muhuttA saNo balI / saNAo balavaM laggaM, tao nimittaM pahANaM ta [dIparatnasAgara-saMzodhitaH] [6] [31 gaNivijjA
Page #8
--------------------------------------------------------------------------
________________ gAhA-84 [84] vilaggAo nimittAo, nimitta bala muttamaM / na taM saMvijjae loe, nimittA jaM balaM bhave / / [85] eso balAbalavihI samAsao kittio suvihiehiM / anuoganANagajjho nAyavvo appamattehiM / / muni dIparatnasAgareNa saMzodhitaH sampAditazca "gaNivijjA paiNNayaM sammattaM" | 31 | "gaNivijjA-aTThamaM paiNNayaM" sammataM | [dIparatnasAgara-saMzodhitaH] [7] [31|gaNivijjA]