________________
अणुक्कमो-११५
? ||
[११५] काग-सुणगाण भक्खे किमिकुलभत्ते य वाहिभत्ते य ।
देहम्मि मच्चु-भते सुसाणभतम्मि को रागो [११६] असुई अमिज्झपुन्नं कुणिम-कलेवरकुडिं परिसवंति ।
आगंतुय संठवियं नवच्छिड्डमसासयं जाण [११७] पेच्छसि मुहं सतिलयं सविसेसं रायएण अहरेणं |
सकडक्खं सवियारं तरलच्छिं जोव्वणत्थीए || [११८] पेच्छसि बाहिरमठं न पेच्छसी उज्झरं कलिमलस्स ।
मोहेण नच्चयंतो सीसघडीकंजियं पियसि [११९] सीसघडीनिग्गालं जं निळूहसि दुगुंछसी जं च ।
तं चेव रागरत्तो मूढो अइमच्छिओ पियसि ।। [१२०] पूइय-सीसकवालं पूइय-नासं च पूइ-देहं च ।।
पूइय-छिड्डविछिड्डं पूइय-चम्मेण य पिणद्धं ।। [१२१] अंजणगुणसुविसुद्धं पहाणुव्वट्टणगुणेहिं सुकुमालं ।
पुप्फुम्मीसियकेसं जणेइ बालस्स तं रागं ।। [१२२] जं सीसपूरओत्ति अ पुप्फाई भणंति मंदविन्नाणा |
पुप्फाई चिय ताइं सीसस्स य पूरयं सुणह ।। [१२३] मेदो वसा य रसिया खेले सिंघाणए य छुभ एयं ।
अह सीसपूरओ भे नियगसरीरम्मि साहीणो || [१२४] सा किर दुप्पाडिपूरा वच्चकुडी दुप्पया नवच्छिड्डा |
उक्कडगंधविलिता बालजनो मुच्छिउँ गिद्धो ।। [१२५] जं पेम्मरागरत्तो अवयासेऊणं गूढ-मुत्तोलिं ।
दंतमलचिक्कणंगं सीसघडीकंजियं पियसि ।। [१२६] दंतमुसलेसु गहणं गयाण मंसे य ससयमीयाणं ।
वालेसु य चमरीणं चम्मनहे दीवियाणं च [१२७] पूइयकाए य इहं चवणमुहे निच्चकाल वीसत्थो ।।
आइक्खसु सब्भावं किम्मिऽसि गिद्धो तुमं मूढ [१२८] दंता वि अकज्जकरा वाला वि विवड्ढमाण बीभच्छा ।
चम्म पि य बीभच्छं भण किं तसि तं गओ रागं [१२९] सिंभे पिते मुत्ते गृहम्मि वसाई दंतकुडीसु ।
भणसु किमत्थं तुज्झं असुइम्मि वि वढिओ रागो [१३०] जंघठ्ठियासु ऊरू पइठिया तठ्ठिया कडीपिट्ठी ।
कडियट्ठिवेढियाइं अट्ठारस पिट्ठिअट्ठीणि ।। [१३१] दो अच्छिअट्ठियाई सोलस गीवट्ठिया मुणेयव्वा ।
पिट्ठीपइट्ठियाओ बारस किल पंसुली हुंति ।।
? ||
[दीपरत्नसागर-संशोधितः]
[13]
[२८|तंदुलवेयालियं]
