________________ गाहा-५० [50] इहभवियमन्नभविअं मिच्छत्तपवत्तणं जमहिगरणं / जिनपवयणपडिकुठं दुळं गरिहामि तं पावं / / [51] मिच्छत्ततमंधेणं अरिहंताइसु अवन्नवयणं जं / अन्नाणेण विरइयं इण्हिं गरिहामि तं पावं / / [52] सुअधम्मसंघसाहुसु पावं पडिनीययाइ जं रइअं / अन्नेसु य पावेसु इण्हिं गरिहामि तं पावं / / [53] अन्नेसु य जीवेसु मित्ती करूणाइ गोयरेसु कयं / परियावणाइ दुक्खं इण्हिं गरिहामि तं पावं / / [54] जं मनवयकाएहिं कयकारिअ अनुमईहिं आयरियं / धम्मविरूद्धमसुद्धं सव्वं गरिहामि तं पावं / / [55] अह सो दुक्कडगरिहा दलिउक्कडदुक्कडो फुडं भणइ / सुकडाऽनुरायसमुइण्ण पुन्नपुलयंकुरकरालो / / [56] अरिहत्तं अरिहंतेसु जं च सिद्धत्तणं च सिद्धेसु / आयारं आयरिए उवज्झायतं उवज्झाए / / [57] साहूण साहुचरिअं च देसविरदं च सावयजणाणं / अनुमन्ने सव्वेसिं सम्मतं सम्मदिट्ठीणं / / [58] अहवा सव्वं चिय वीयराय वयणानुसारि जं सुकयं / कालतए वि तिविहं अनुमोएमो तयं सव्वं / / [59] सुहपरिणामो निच्चं चउसरण-गमाइ आयरं जीवो | कुसलपयडीओ बंधइ बद्धा3 सुहानुबंधाओ / / मंदनुभावा बद्धा तिव्वनुभावाओ कुणइ ता चेव / असुहाओ निरनुबंधाओ कुणइ तिव्वाउ मंदाओ / / [61] ता एयं कायव्वं बुहेहि निच्चंपि संकिलेसम्मि / होइ तिकालं सम्मं असंकिलेसंमि सुकयफलं / / [62] चउरंगो जिनधम्मो न कओ चउरंगसरणमवि न कयं / चउरंगभवच्छेओ न कओ हा हारिओ जम्मो || [63] इइ जीवपमाय महावीर भदंतमेवमज्झयणं / झाएसु तिसंझम-वंझकारणं निव्वुइसुहाणं / / | मुनि दीपरत्नसागरेण संशोधितः सम्पादितश्च “चउसरणं पइण्णयं सम्मतं" | 24 | "चठसरणं-पढमं पइण्णयं” सम्मत्तं [दीपरत्नसागर-संशोधितः] [5] [२४|चउसरण]
