Page Text
________________
सतसहस्साइं अठणाणउतिं च सहस्साइं अट्ठचउणउते जोयणसते परिक्खेवेणं आहितेति वदेज्जा ता पुक्खरवरे णं दीवे केवतिया चंदा पभासेंसु वा पुच्छा तहेव ता चोतालं चंदसतं पभासेंसु वा पभासेंति वा पभासिस्संति वा चोतालं सूरियाणं सतं तवइंसु वा तवइंति वा तवइस्संति वाचत्तारि सहस्साइं बत्तीसं च नक्खत्ता जोयं जोएंसु वा जोएंति वा जोइस्संति वा बारस सहस्साइं छच्च बावत्तरा महग्गहसया चारं चरिंसु वा चरेंति वा चरिस्संति वा छण्णउतिं सयसहस्साइं चोयालीसं सहस्साइं चत्तारि य सयाई तारागणकोडिकोडीणं सोभं सोभिंसु वा सोभेति वा सोभिस्संति वा ।
[१५१] कोडी बाणउती खलु अठणाणउतिं भवे सहस्साइं ।
अट्ठसता चउणउता य परिरओ पोक्खरवरस्स । [१५२] चोतालं चंदसतं चोतालं चेव सूरियाण सतं ।
पोक्करवरदीवम्मि चरंति एते पभासंता । [१५३] चत्तारि सहस्साई बत्तीसं चेव इंति नक्खत्ता ।
छच्च सता बावत्तर महग्गहा बारह सहस्सा । [१५४] छण्णउति सयसहस्सा चोत्तालीसं खलु भवे सहस्साई
चत्तारि य सता खलु तारागणकोडिकोडीणं । [१५५]ता पुक्खरवरस्स णं दीवस्स बहुमज्झदेसभाए माणुसुत्तरे नामं पव्वते पन्नत्ते-वट्टे वलयागारसंठाणसंठिते जे णं पुक्खरवरं दीवं दुधा विभयमाणे-विभयमाणे चिट्ठति तं जहा- अभिंतरपुक्खरद्धं च बाहिरपुक्खरद्धं च ता अभिंतरपुक्खरद्धे णं किं समचक्कवालसंठिते विसमचक्कवालसंठिते ता समचक्कवालसंठिते नो विसमचक्कवालसंठिते ता अभिंतरपुक्खरद्धे णं केवतियं चक्कवालविक्खंभेणं पाहुडं-१९
केवतियं परिक्खेवेणं आहितेति वदेज्जा ता अट्ट जोयणसयसहस्साइं चक्कवालविक्खंभेणं एक्का जोयणकोडी बायालीसं च सयसहस्साइं तीसं च सहस्साइं दो अउणापन्ने जोयणसते परिक्खेवेणं आहितेति वदेज्जा ता अभिंतरपुक्खरद्धे णं केवतिया चंदा पभासेंसु वा पभासेंति वा पभासिस्संति वा केवतिया सूरा तविंसु वा पुच्छा ता बावत्तरिं चंदा पभासिंसु वा पभाति वा पभासिस्संति वा बावत्तरिं सूरिया तवइंस वा तवइंति वा तवइस्संति वा दोण्णि सोला नक्खत्तसहस्सा जोयं जोएंसु वा जोएंति वा जोइस्संति वा छ महग्गहसहस्सा तिण्णि य सया छत्तीसा चारं चरेसुं वा चरेंति वा चरिस्संति वा अडतालीससतसहस्सा बावीसं च सहस्सा दोण्णि य सता तारागणकोडीकोडीणं सोभं सो वा सोभेति वा सोभिस्संति वा ता समयक्खेत्ते णं केवतियं आयाम-विक्खंभेणं केवतियं परिक्खेवेणं आहितेति वदेज्जा ता पणतालीसं जोयणसयसहस्साइं आयाम-विक्खंभेणं एगा जोयणकोडी बायालीसं च सतसहस्साइं तीसं च सहस्साइंदोण्णि यअउणापन्ने जोयणसते परिक्खेवेणं आहितेति वदेज्जा ता समयक्खेत्ते णं केवतिया चंदा पभासेंस वा पच्छा तहेव ता बत्तीसं चंदसतं पभासेंस वा पभाति वा पभासिस्संति वा बत्तीसं सरियाणं सतं तवइंसुवा तवइंति वातवइस्सति वातिण्णि सहस्सा छच्च छण्णउत्ता नक्खत्तसता जोयं जोएंसु वा जोएंति वा जोइस्संति वा एक्कारस सहस्सा छच्च सोलस महग्गहसता चारं चरिंसु वा चरेंति वा चरिस्संति वा अट्ठासीतिं सतसहस्साइं चत्तालीसं च सहस्सा सत्त य सया तारागणकोडिकोडीणं सोभं सोभिंसु वा सोभेति वा सोभिस्संति वा ।
दीपरत्नसागर संशोधितः]
[57]
[१७-चंदपन्नत्ति
| SR No. | 003733 |
| Book Title | Agam 17 Chandpannatti Chattam Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2012 |
| Total Pages | 66 |
| Language | Prakrit |
| Classification | Book_Devnagari, Agam, Canon, Agam 17, & agam_chandrapragnapti |
| File Size | 2 MB |