Page Text
________________
पन्नरसमं भागं चरिमसमए चंदे रत्ते भवति अवसेसे समए चंदे रत्ते य विरत्ते य भवति इयण्णंअमावासाएत्थ णंपढमे पव्वे अमावासा ता अंधकारपक्खो तो णं दोसिणापक्खं अयमाणे चंदे चत्तारे बाताले मुहुतेत्तस छतालीसं च बावट्ठिभागा मुहुत्तस्स जाई चंदे विरज्जति पढमाए पढमं भागं बितियाए बितियं भागं जाव पन्नरसीए पन्नरसमं भागं चरिमे समए चंदे विरत्ते भवति अवसेसमए चंदे रत्ते य विरते य भवति इयण्णं पुन्निमासिणी एत्थ णं दोच्चे पव्वे पुन्निमासिणी ।
[११२]तत्थ खलु इमाओ बावट्ठि पुन्निमासिणीओ बावट्ठि अमावासाओ पन्नत्ताओ बावट्ठि एते कसिणा रागा बावट्ठि एते कसिणा विरागा एते चउव्वीसे पव्वसते एते चउव्वीसे कसिणरागविरागसते जावतिया णं पंचण्हं संवच्छराणं समया एगेणं चउव्वीसेणं समयसतेणूणका एवतिया परित्ता असंखेज्जा देसरागविरागसता भवंतीति मक्खाता, ता अमावासाओ णं पुन्निमासिणी चत्तारि बाताले मुहुत्तसते छत्तलीसं च बावट्ठिभागे मुहुत्तस्स आहितेति वदेज्जा ता पुन्निमासिणीओ अमावासा चत्तारि बाताले मुहुत्तसते छत्तालीसं च बावद्विभागे मुहुत्तस्स आहितेति वदेज्जा ता अमावासाओ णं अमावासा अट्ठपंचासीते मुहुत्तपाहुडं-१३
सते तीसं च बावट्ठिभागे मुहुत्तस्स आहितेति वदेज्जा ता पुन्निमासिणीओ णं पुन्निमासिणी अट्ठपंचासी मुहुत्तसते तीसं च बावद्विभागे मुहुत्तस्स आहितेति वदेज्जा एस णं एवतिए चंदे मासे एस णं एवति सगले जुगे ।
[११३]ता चंदेणं अद्धमासेणं चंदे कति मंडलाई चरति ताचोद्दस चउब्भागमंडलाई चरति गं च चउव्वीससयभागं मंडलस्स ता आदिच्चेणं अद्धमासेणं चंदे कति मंडलाई चरति ता सोलस मंडलाई चरति सोलसमंडलचारी तदा अवराइं खलु दुवे अट्ठाई जाई चंदे केणइ असामण्णकाइं सयमेव पविट्ठित्तापविट्ठित्ता चारं चरति कतराई खलु ताइं दुवे अट्ठाई जाई चंदे केणइ असामण्णकाई सयमेव पविट्ठित्तापविट्ठित्ता चारं चरति ता इमाइं खलु ते बे अट्ठाई जाई चंदे केणइ असामण्मकाई सयमेव पविट्ठित्तापविट्ठित्ता चारं चरति तं जहा- निक्खममाणे चेव अमावासंतेणं पविसमाणे चेव पुन्निमासिंतेणं एताइं खलु दुवे अट्ठकाइं जाई चंदे केणइ असामण्णकाई सयमेव पविट्ठित्ता-पविट्ठित्ता चारं चरति ता पढमायणगते चंदे दाहिणाते भागाते पविसमाणे सत्त अद्धमंडलाई जाई चंदे दाहिणाते भागाते पविसमाणे चारं चरति ता पढमायणगते चंदे दाहिणाते भागाते पविसमाणे सत्त अद्धमंडलाई जाई चंदे दाहिणाते भागाते पविसमा चारं चरति कतराइं खलु ताइं सत्त अद्धमंडलाई जाई चंदे दाहिणते भागाते पविसमाणे चारं चरति इमा खलु ताइं सत्त अद्धमंडलाई जाई चंदे दाहिणाते भागाते पविसमाणे चारं चरति तं जहा- बितिए अद्धमंडले चउत्थे अद्धमंडले छट्ठे अद्धमंडले अट्ठमे अद्धमंडले दसमे अद्धमंडले बारसमे अद्धमंडले चउदसमे अद्धमंडले एताइं खलु ताइं सत्त अद्धमंडलाई जाई चंदे दाहिणाते भागाते पविसमाणे चारं चरति ता पढमायणगते चंदे उत्तराते भागाते पविसमाणे छ अद्धमंडलाई तेरस य सत्तट्ठिभागाइं अद्धमंडलस्स जाई चंदे उत्तराते भागा पविसमाणे चारं चरति कतराइं खलु ताइं छ अद्धमंडलाई तेरस य सत्तट्ठिभागाइं अद्धमंडलस्स जाई चंदे उत्तराते भागाते पविसमाणे चारं चरति इमाइं खलु ताई छ अद्धमंडलाई तेरस य सत्तट्ठिभागाई अद्धमंडलस्स जाई चंदे उत्तराते भागाते पविसमाणे चारं चरति इमाई खलु ताई छ अद्धमंडलाई तेरसयसत्तट्ठिभागाइं अद्धमंडलस्स जाई चंदे उत्तराते भागाते पविसमाणे चारं चरति तं जहा- ततिए अद्धमंडले पंचमे अद्धमंडले सत्तमे अद्धमंडले नवमे अद्धमंडले एक्कारसमे अद्धमंडले तेरसमे अद्धमंडले [दीपरत्नसागर संशोधितः ]
[47]
[१७-चंदपन्नत्ति]
| SR No. | 003733 |
| Book Title | Agam 17 Chandpannatti Chattam Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2012 |
| Total Pages | 66 |
| Language | Prakrit |
| Classification | Book_Devnagari, Agam, Canon, Agam 17, & agam_chandrapragnapti |
| File Size | 2 MB |