Page Text
________________
बावट्ठि-भागा मुहुत्तस्स बावट्ठिभागा च सत्तद्विधा छेत्ता चउप्पन्नं चुण्णिया भागा सेसा तंसमयं च णं सूरे केणं नक्खत्तेणं जोएति ता पुणव्वसुणा पुणव्वसुस्स सोलसमुहुत्ता अट्ठ य बावद्विभागा मुहुत्तस्स बावट्ठिभागं च सत्तट्टिहा छेत्ता वीसं चुण्णिया भागा सेसा ता एतेसि णं पंचण्हं संवच्छराणं दोच्चस्सचंदसंवच्छरस्स पाहुडं-११
आदी आहितेति वदेज्जा ता जे णं पढमस्स चंदसंवच्छरस्स पज्जवसाणे से णंदोच्चस्स चंदसंवच्छरस्सआदी अनंतरपुक्खडे समए ता से णं किं पज्जवसिते आहितेति वदेज्जा ता जे णं तच्चस्स अभिवडढितसंवच्छरस्स आदी से णं दोच्चस्स चंदसंवच्छरस्सपज्जवसाणे अनंतरपच्छाकडे समएतं समयं च णं चंदे केणं नक्खत्तेणं जोएति ता पुव्वाहिं आसाढाहिंपुव्वाणं आसाढाणं सत्त मुहुत्ता तेवण्णंच बावद्विभागा मुहुत्तस्स बावद्विभागं च सत्तद्विधा छेत्ता इगतालीसं चुण्णिया भागा सेसा तं समयं च णं सूरे केणं नक्खत्तेणं जोएति ता पुणव्वसुणा पुणव्वसुस्स णं बायालीसं मुहुत्ता पणतीसंचबावद्विभागा मुहत्तस्स बावट्ठिभागं च सत्तद्विधा छेत्ता सत्त चुण्णिया भागा सेसा, ता एतेसि णं पंचण्हं संवच्छराणं तच्चस्स अभिवढितसंवच्छरस्स के आदि आहितेति वदेज्जा ताजे णं दोच्चस्स चंदसंवच्छरस्स पज्जवसाणे से णं तच्चस्स अभिवढितसंवच्छरस्स आदी अनंतरपुरक्खडे समए ता से णं किं पज्जवसिते आहितेति वदेज्जा ता जे णं चउत्थस्स चंदसंवच्छरस्स आदी से णं तच्चस्स अभिवढितसंवच्छरस्स पज्जवसाणे अनंतरपच्छाकडे समए तं समयं णं चंदे केणं नक्खत्तेणं जोएति ता उत्तराहिं आसाढाहिं उत्तराणं आसाढाणं तेरस मुहुत्ता तेरस य बावट्ठिभागा मुहुत्तस्स बावट्ठिभागं च सत्तद्विधा छेत्ता सत्तावीसं चुण्णिया भागा सेसा तं समयं च णं सूरे केणं नक्खत्तेणं जोएति ता पुणव्वसुणा पुणव्वसुस्स दोमुहुत्ता छप्पन्नं च बावट्ठिभागा मुहत्तस्स बावद्विभागं च सत्तद्विधा छेत्ता सट्ठी चुण्णिया भागा सेसा ता एतेसि णं पंचण्हं संवच्छराणं चउत्थस्स चंदसंवच्छरस्स के आदी आहितेति वदेज्जा ता जे णं तच्चस्स अभिवडढितसंवच्छरस्स पज्जवसाणे से णं चउत्थस्स चंदसंवच्छरस्स आदी अनंतरपुरक्खडे समए ता से णं किं पज्जवसिते आहितेति वदेज्जा ता जे णं चरिमस्स अभिवढितसंवच्छरस्स आदी से णं चउत्थस्स चंदसंवच्छरस्स पज्जवसाणे अनंतरपच्छकाडे समए तं समयं च णं चंदे केणं नक्खत्तेणं जोइते ता उत्तराहिं आसाढाहिं उत्तराणं आसाढाणं ऊतालीसं मुहुत्ता चत्तालीसं च बावट्ठिभागा मुहत्तस्स बावट्ठिभागं च सत्तद्विधा छेत्ता चउदस चुणिया भागा सेसा तं समयं च णं सूरे केणं नक्खत्तेणं जोएति ता पुणव्वसुण पुणव्वसुस्स अउणतीसं मुहुत्ता एक्कवीसं बावट्ठिभागां मुहत्तस्स बावट्ठिभागं च सत्तद्विधा छेत्ता सीतालीसं चुण्णिया भागा सेसा ता एतेसि णं पंचण्हं संवच्छराणं पंचमस्स अभिवढितसंवच्छरस्स के आदी आहितेति वदेज्जा ता जे णं चउत्थस्स चंदसंवच्छरस्स पज्जवसाणे से णं पंचमस्स अभिवढितसंवच्छरस्स आदी अनंतरपुरक्खडे समए ता से णं किं पज्जवसिते आहितेति वदेज्जा ता जे णं पढमस्स चंदसंवच्छरस्सआदी से णं पंचमस्स अभिवड्ढितसंवच्छरस्स पज्जवसाणे अनंतरपच्छाकडे समए तं समयंच ण चंदे केणं नक्खत्तेणं जोएति ता उत्तराहिं आसाढाहिं उत्तराणं आसाढाणं चरिमसमए तं समयं च णं सूरे केणं नक्खत्तेणं जोएति ता पुस्सेणं पुस्सस्स णं एक्कवीसं मुहुत्ता तेतालीसं च बावट्ठिभागा मुहुत्तस्स बावद्विभागं च सत्तद्विधा छेत्ता तेत्तीसं चुण्णिया भागा सेसा |
___ • मुनि दीपरत्नसागरेण संशोधितः सम्पादित्तश्च एक्कारसमं पाहुडं समत्तं .
[दीपरत्नसागर संशोधितः]
[42]
[१७-चंदपन्नत्ति
| SR No. | 003733 |
| Book Title | Agam 17 Chandpannatti Chattam Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2012 |
| Total Pages | 66 |
| Language | Prakrit |
| Classification | Book_Devnagari, Agam, Canon, Agam 17, & agam_chandrapragnapti |
| File Size | 2 MB |