Page Text
________________
[] बावीसइमं पाहुडपाहुडं । [९१] ता कहं ते नक्खत्तविजए आहितेति वदेज्जा ता अयण्णं जंबुद्दीवे दीवे सव्वदीवसमुद्दाणं सव्वब्भंतराए जाव परिक्खेवेणं ता जंबुद्दीवे णं दीवे दो चंदा पभासेंसु वा पभासेंति वा पभासिस्संति वा दो सूरिया तविंस वा तवेंति वा तविस्संति वा छप्पन्नं नक्खत्ता जोयं जोएंस् वा जोएंति वा जोइस्संति वा तं जहा- दो अभीई दो सवणा दो धणिट्ठा दो सतभिसया दो पव्वापोट्ठवया दो उत्तरापोढवया दो रेवती दो अस्सिणी दो भरणी दो कत्तिया दो रोहिणी दो संठाणा दो अद्दा दो पुनव्वसू दो पुस्सा दो अस्सेसाओ दो महा दो पुव्वाफग्गुणी दो उत्तराफग्गुणी दो हत्था दो चित्ता दो साती दो विसाहा दो अनुराधा दो जेट्ठा दो मूला दो पुव्वासाढा दो उत्तरासाढा ता एतेसि णं छप्पण्णाए नक्खत्ताणंअत्थि नक्खत्ता जे णं नव मुहुत्ते सत्तावीसं च सत्तद्विभागे मुहुत्तस्स चंदेण सद्धिं जोयं जोएंति अत्थि नक्खत्ता जे णं पन्नरस मुहत्ते चंदेणं सद्धिं जोयं जोएंति अत्थि नक्खत्ता जे णं तीसं मुहत्ते चंदेणं सद्धिं जोयं जोएंति अत्थि नक्खत्ता जे णं पणयालीसं मुहुत्ते चंदेणं सद्धिं जोयं जोएंति ता एतेसि णं छप्पण्णाए नक्खत्ताणं कयरे नक्खत्ताओ जे णं नव मुत्ते सत्तावीसंच सत्तट्ठिभागे मुहत्तस्स चंदेण सद्धिंजोयं जोएंति कयरे नक्खत्ताजे णं पन्नरस मुहुत्ते चंदेणं सद्धिं जोयं जोएंति कयरे नक्खत्ता जे णं तीसं मुहुत्तेचंदेणं सद्धिं जोयं जोएंति कयरे नक्खत्ता जे णं पणयालीसं मुहुत्ते चंदेणं सद्धिं जोयं जोएंति ता एतेसि णं छप्पण्णाए नक्खत्ताणं तत्थ जेते नक्खत्ताजे णं नव मुहत्ते सत्तावीसं च सत्तट्ठिभागे महत्तस्स चंदेणं सद्धिं जोयं जोएंति ते णं दो अभीई तत्थ जेते नक्खत्ता जे णं पन्नरस महत्त चंदेण सद्धिं जोयं जोएंति ते णं बारस तं जहा- दो सतभिसया दो भरणी दो अद्दा दो अस्सेसा दो साती दो जेट्ठा तत्थ जेते नक्खत्ता जे णं तीसं मुहत्ते चंदेणं सद्धिं जोयं जोएंति तेणंतीसं तं जहा- दो सवणा दो धणिट्ठा दो पुव्वाभद्दवया दो रेवती दो अस्सिणी दो कत्तिया दो संठाणा दो पुस्सा दो महा दो पुव्वाफग्गुणी दो हत्था दो चित्ता दो अनुराहा दो मूला दो पुव्वासाढा तत्थ जेते नक्खत्ता जे णं पणयालीसं मुहुत्ते चंदेणं सद्धिं जोयं जोएंति ते णं बारस तं जहा- दो उत्तरापोट्ठवया दो रोहिणी दो पुनव्वसू दो उत्तराफग्गुणी दो विसाहा दो उत्तरासाढा ता एतेसि णं छप्पण्णाए नक्खत्ताणं-अत्थि नक्खत्ता जे णं चत्तारि अहोरत्ते छच्च मुहुत्ते सूरिएणं सद्धिं जोयं जोएंति अत्थि नक्खत्ता जे णं छ अहोरत्ते एक्कवीसं च मुहुत्ते सूरेण सद्धिं जोयं जोएंति अत्थि नक्खत्ता जे णं तेरस अहोरत्ते बारस मुहुत्ते सूरेणं सद्धिं जोयं जोएंति अत्थि नक्खत्ता जे णं वीसं अहोरत्ते तिण्णि य मुहुत्ते सूरेण सद्धिं जोयं जोएंति ता एतेसि णं छप्पण्णाए नक्खत्ताणं कयरे नक्खत्ता जे णं तं चेव उच्चारेयव्वं ता एतेसि णं छप्पण्णाए नक्खत्ताणं तत्थ जेते नक्खत्ता जे णं चत्तारि अहोरत्ते छच्च मुहुत्ते सूरेण सद्धिं जोयं जोएंति ते णं दो अभीई तत्थ जेते नक्खत्ता जे णं छ अहोरत्ते एक्कवीसं च मुहत्ते सूरेण सद्धिं जोयं जोएंति ते णं बारस तं जहा- दो सतभिसया दो भरणी दो अद्दा दो अस्सेसा दो साती दो जेट्ठा तत्थ जेते नक्खत्ता जे णं तेरस अहोरत्ते बारस समुहुत्ते सूरेण सद्धिं जोयं जोएंति ते णं तीसं तं जहा- दो सवणा जाव दो पुव्वासाढा तत्थ जेते नक्खत्ताजे णं वसं अहोरत्ते तिण्णि य मुहुत्ते सूरेण सद्धिं जोयं जोएंति ते णं बारस तं जहा- दो उत्तरापोट्ठवया जाव दो उत्तरासाढा |
[९२] ता कहं ते सीमाविक्खंभे आहितेति वदेज्जा ता एतेसि णं छप्पण्णाए नक्खत्ताणंपाहुडं-१०, पाहुडपाहुडं-२२
दीपरत्नसागर संशोधितः]
[37]
[१७-चंदपन्नत्ति
| SR No. | 003733 |
| Book Title | Agam 17 Chandpannatti Chattam Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2012 |
| Total Pages | 66 |
| Language | Prakrit |
| Classification | Book_Devnagari, Agam, Canon, Agam 17, & agam_chandrapragnapti |
| File Size | 2 MB |