Page Text
________________
पवरकुंदुरुक्क-तुरुक्क-धूव-मघ-मघेंत गंधुद्धयाभिरामे सुगंधवरगंथि गंधभूतंसि तारिसगंसि सयणिज्जंसि दुहओ उण्णए मज्झे नत-गंभीरे सालिंगणवट्टिए उभओ विब्बोयणे सुरम्मे गंगापुलिणवालुयाउद्दालसालिसए सुविरइयरयत्ताणे ओयवियखोमियखोमदुगूलपट्टपडिच्छयाणे रत्तंसुयसंवुडे सुरम्मे आईणगरूतबूरणवणीततूलफासे सुगंधवरकुसुमचुण्णसयणोवयारकलिए ताए तारिसाए भारियाए सद्धिं सिंगारागारचारुवेसाए संगतगतहसितभणितचिट्ठतसंलावविलासणउणजुत्तोवयारकुसलाए अनुरत्ताए अविरत्ताए मणोमुकूलाए एगंतरतिपसत्ते अन्नत्थ कत्थइ मणं अकुव्वमाणे इट्ठे सद्दफरिसरसरूवगंधे पंचविधे माणुस्सए कामभोगे पच्चणुभवमाणे विहरेज्जा ता से णं पुरिसे विउसमणकालसमयंसि केरिसयं साता-सोक्खं पच्चणुभवमाणे विहरति ओरालं समणाउसो ता तस्स णं पुरिसस्स कामभोगेहिंतो एते अनंतगुणविसिट्ठतरा चेव वाणमंतराणं देवाणं कामभोगा वाणमंतराणं देवाणं कामभोगेहिंतो अनंतगुण - विसिट्ठतरा चेव असुरिंदवज्जियाणं भवणवासीणं देवाणं कामभोगा असुरिंदवज्जियाणं भवणवासीणं देवाणं कामभोगेहिंतो अनंतगुणविसिट्ठतरा चेव असुरकुमाराणं इंदभूयाणं देवाणं कामभोगा असुरकुमाराणं इंदभूयाणं देवाणं कामभोगेहिंतो अनंतुगुणविसिट्ठतरा चेव गहगणनक्खत्ततारारूवाणं कामभोगा गहगणणक्खत्त-तारारूवाणं कामभोगेहिंतो अनंतगुणविसिट्ठतरा चेव चंदिमसूरियाणं देवाणं कामभोगा ता एरिस णं चंदिमसूरिया जोतिसिंदा जोतिसरायाणो कामभोगे पच्चणुभवमाणा विहरंति ।
[१९८]तत्थ खलु इमे अट्ठासीतिं महग्गहा पन्नत्ता तं जहा - इंगालए वियालए लोहितक्खे सणिच्छरे आहुणिए पाहुणइए कणे कणए कणकणए कणविताए कणसंताणए सोमे सहिते आससणे कज्जोवए कब्बडए अयकरए दुंदुभए संखे संखणाभे संखवण्णाभे कंसे कंसणाभे कंसवण्णाभे नीले नीलोभासे रुप्पे रुप्पोभासे भासे भासरासी तिले तिलुप्फवण्णे दगे दगवण्णे काए काकंधे इंदग्गी धुमकेतु हरी पिंगल बुधे सुक्के बहस्सई राहू अगत्थी माणवगे कासे फासे धुरे पमुहे वियडे विसंधीकप्पे नियल्ले पयल्ले जडियायलए अरुणे अग्गिल्लए काले महाकाले सोत्थिए सोवत्थिए वद्धमाणगे पलंबे निच्चालोए निच्चुज्जोते सयंपभे ओभासे सेयंकरे खेमंकरे आभंकरे पभंकरे अरए विरए असोगे वीतसोगे विमले वितत्ते विवत्थे विसाले साले सुव्ते अणियट्टी एगजडी दुजडी करकरिए रायग्गले पुप्फकेतू भावकेतू ।
[१९९९ ] इंगालए वियालए लोहितंके सणिच्छरे चेव I
आहुणिए पाहुणिए कणाकसणामावि णं चेव । [२००] सोमे सहिते अस्सासणे य कज्जोवए य कब्बरए । अयकरए दुंदुभए संखसणामावि तिण्णेव [२०१] तिण्णेव कंसणामा नीले रुप्पी य हुंति चत्ता । भास तिल पुप्फवणे दगवण्णे काय बंधे य । [२०२] इंदग्गि धूमकेतू य हरि पिंगलए बुधे य सुक्के य ।
पाहुडं-२०
बहसति राहु अगत्थी माणवए कामफासे य I [२०३] धुरए पमुहे वियडे विसंधिकप्पे पयल्ले
जडियाइल्लए अरुणे अग्गिल काले महाकाले । [२०४] सोत्थिय सोवत्थिय वद्धमाणग तथा पलंबे य । निच्चालोए निच्चुज्जोए सयंपभे चेव ओभासे ।
[दीपरत्नसागर संशोधितः ]
[64]
[१६-सूरपन्नत्ति]
| SR No. | 003731 |
| Book Title | Agam 16 Surpannatti Pancham Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2012 |
| Total Pages | 66 |
| Language | Prakrit |
| Classification | Book_Devnagari, Agam, Canon, Agam 16, & agam_suryapragnapti |
| File Size | 2 MB |