________________
लावणगा य तिगुणिता ससिसूरा घायईसंडे । [१८३] दो चंदा इह दीवे चत्तारि य सायरे लवणतोए । घायइसंडे दीवे बारस चंदा य सूरा य [१८४] घायइसंडप्पभिति उद्दिट्ठा तिगुणिता भवे चंदा आदिल्लचंदसहिता अनंतराणंतरे खेत्ते [१८५] रिक्खग्गहतरग्गं दीवसमुद्दे जतिच्छसी नाउं I तस्स ससीहिं गुणितं रिक्खग्गहतारगग्गं तु । [१८६] बहिता तु माणुसणगस्स चंदसूराणवट्ठिता जोआ । चंदा अभीइजुत्ता सूरा पुण हुंति पुस्सेहिं । [१८७] चंदातो सूरस्स य सूरा चंदस्स अंतरं होई ।
पन्नाससहस्साइं तु जोयणाणं अणूणाइं I [१८८] सूरस्स य सूरस्स य ससिणो ससिणो य अंतरं होई | बाहिं तु माणुसणगस्स जोयणाणं सतसहस्सं । [१८९] सूरतरिया चंदा चंदंतरिया य दिणयरा दित्ता । चित्तंतरलेसागा सुहा मंदसा य
[१९०] अट्ठासीतिं च गहा अट्ठावीसं च हुंति खता । एससीपरिवारो एत्तो ताराणं वोच्छामि
[१९१] छावट्ठिसहस्साइं नव चेव सताइं पंचसतराई । एससी परिवारो तारागणकोडिकोडीणं
[१९२]अंतो मणुस्सखेत्ते जे चंदिम-सूरिय-गह जाव तारारूवा ते णं देवा किं उड्ढोववण्णगा कप्पोववण्मगा विमाणोववण्णगा चारोववण्णगा चारट्ठितिया गतिरतिया गतिसमवण्णगा ता ते णं देवा नो उड्ढोववण्णगा नो कप्पोववण्मगा विमाणोववण्णगा चारोववण्मगा नो चारट्ठितिया गतिरतिया गतिसमावण्णाग उड्ढीमुहकलंबुयापुप्फसंठाणसंठितेहिं जोयणसाहस्सिएहिं तावक्खेत्तेहिं साहस्सियाहिं बाहिराहिं वेउव्वियाहिं परिसाहिं महताहसहस्सिएहिं - वाहय तंती- तल-ताल-तुडिय घण-मुइंग-पडुप्पवाइयरवेणं महता उक्कुट्ठिसीहनाद-बोलकलकलरवेणं अच्छं पव्वतरायं पदाहिणावत्तमंडलचारं मेरुं अनुपरियदृति तासणं देवाणं जाधे इंदे चयति से कधमियाणिं पकरेंति वा चत्तारि पंच सामाणियदेवा तं ठाणं उवसंपज्जित्ताणं पाहुडं-१२
विहरति जावण्णे तत्थ इंदे उववण्णे भवति ता इंदट्ठाणे णं केवतिएणं कालेणं विरहिते पन्नत्ते ता जहण्णेणं इक्कं समयं उक्कोसेणं छम्मासे ता बहिता णं माणुस्सक्खेत्तस्स जे चंदिम- सूरिय-गह गणनक्खत-तारारूवा ते णं देवा किं उड्ढोववण्णगा कप्पो ववण्णगा विमाणोववण्णगा चारट्ठितिया गतिरतिया गतिस-मावण्णगा ता ते णं देवा नो उड्ढोववण्णगा नो जाव गतिरतिया नो गतिसमावण्णगा पक्किट्टगसंठाणसंठितेहिं जोयणसयसहस्सिएहिं तावक्खेतेहिं सयसाहस्सियाहिं बाहिराहिं वेउव्वियाहिं जाव रवेणं दिव्वाइं भोगभोगाई भुंजमाणा विहरंति सुहलेसा मंदलेसा मंदायवलेसा चित्तंतरलेसा अण्णोण्णसमोगाढाहिं लेसाहिं कूडा इव ठाणठिता ते पदेसे सव्वतो समंता ओभासंति उज्जोर्वेंति तवेंति
[दीपरत्नसागर संशोधितः ]
[60]
[१६-सूरपन्नत्ति]
