________________
छावत्तरं गहसयं होइ एक्केक्कए पिडए । [१६६] चत्तारि य पंतीओ चंदादिच्चाण मण्यलोयम्मि ।
छावहिँ छावहिँ च होंति एक्किक्किया पंती । [१६७] छप्पन्नं पंतीओ नक्खत्ताणं तु मणुयलोयम्मि ।
छावहिँ छावढि हवंति एक्केक्किया पंती । [१६८] छावत्तरं गहाणं पंतिसयं हवइ मणुयलोयंमि ।
छावढि छावहिँ हवंति य एक्केक्किया पंती । [१६९] ते मेरुमणुचरंता पदाहिणावत्तमंडला सव्वे ।
अणवद्वितैहिं जोगेहिं चंदा सूरा गहगणा य । [१७०] नक्खत्ततारगाणं अवहिता मंडला मुणेयव्वा ।
तेवि य पदाहिणावत्तमेव मेरुं अनुचरंति । [१७१] रयणिकरदिणकराणं उडढं च अहे य संकमो नत्थि ।
मंडलसंकमणं पुणं सब्भंतरबाहिरं तिरिए । [१७२] रयणिकरदिणकराणं नक्खत्ताणं महग्गहाणं च ।
चारविसेसेणं भवे सुहदुक्खविही मणुस्साणं । [१७३] तेसिं पविसंताणं तावक्खेत्तं तु वड्ढते निययं ।
तेणेव कमेणं पुणो परिहायति निक्खमंताणं । [१७४] तेसिं कलंबुयापुप्फसंठिता हुंति तावखेत्तपहा ।
अंतो य संकुडा बाहिं वित्थडा चंदसूराणं । [१७५] केणं वड्ढति चंदो परिहाणी केण होति चंदस्स ।
कालो वा जोण्हो वा केणणभावेणं चंदस्स । [१७६] किण्हं राहुविमाणं निच्चं चंदेण होइ अविरहियं ।
पत्तं हिट्ठा चंदस्स तं चरति । [१७७] बावडिं-बावहिं दिवसे-दिवसे त् सक्कपक्खस्स ।
जं परिवड्ढति चंदो खवेइ तं चेव कालेणं । [१७८] पन्नरसइभागेण य चंदं पन्नरसमेव तं वरति ।
पाहडं-१९
पन्नरसइभागेण य पुणोवि तं चेव वक्कमति । [१७९] एवं वड्ढति चंदो परिहाणी एव होइ चंदस्स ।
कालो वा जोण्हो वा एयणुभावेणं चंदस्स । [१८०] अंतो मणुस्सखेत्ते हवंति चारोवगा तु उववण्णा ।
पंचविहा जोतिसिया चंदा सूरा गहगणा य । [१८१] तेण परं जे सेसा चंदादिच्चगहतारनक्खत्ता ।
नत्थि गई नवि चारो उवद्वित्ता ते मुणेयव्वा । [१८२] एवं जंबुद्दीवे दुगुणा लवणे चउग्गुणा हुंति ।
दीपरत्नसागर संशोधितः]
[59]
[१६-सूरपन्नत्ति]
