Page Text
________________
दुवालसमी एवं खलु एतेणुवाएणं ताओ अमावासद्वाणाओ मंडलं चउव्वीसेणं सएणं छेत्ता चउणउतिंचउणउतिं भागे उवाइणावेत्ता तंसि तंसि देसंसि तं तं अमावासं सूरे जोएति ता एतेसि णं पंचहं संवच्छराणं चरिमं बावट्ठि अमावासं पुच्छा ता जंसि णं देसंसि सूरे चरिमं बावट्ठि पुन्निमासिणि जोएति ताओ पुन्निमासिणिट्ठाणाओ मंडलं चउव्वीसेणं सएणं छेत्ता सत्तालीसं भागे ओसक्कइत्ता एत्थ णं से सूरे चरिमं बावट्ठि अमावासं जोएति ।
पाहुडं-१०, पाहुडपाहुडं-२२
[९४] ता एतेसि णं पंचण्हं संवच्छराणं पढमं पुन्निमासिणिं चंदे केणं नक्खत्तेणं जोएति ता धणिट्ठाहिं धणिट्ठाहिं तिण्णि मुहुत्ता एगूणवीसं च बावट्ठिभागा मुहुत्तस्स बावट्ठिभागं च सत्तट्ठिधा छेत्ता पन्नट्ठि चुण्णिया भागा सेसा तं समयं च णं सूरे केणं नक्खत्तेणं जोएति ता पुव्वाफग्गुणीहिं पुव्वाफग्गुणीणं अट्ठावीसं मुहुत्ता अट्ठत्तीसं च बावट्ठिभागा मुहुत्तस्स बावट्ठिभागं च सत्तट्ठिधा छेत्ता दुबत्तीसं चुण्णिया भागा सेसा ता एतेसि णं पंचण्हं संवच्छराणं दोच्चं पुन्निमासिणिं चंदे केणं नक्खत्तेणं जोएति ता उत्तराहिं पोट्ठवयाहिं उत्तराणं पोट्ठवयाणं सत्तावीसं मुहुत्ता चोद्दस य बावद्विभागे मुहुत्तस्स बावट्ठि-भागं च सत्तट्ठिधा छेत्ता बावट्ठि चुण्णिया भागा सेसा तं समयं च णं सूरे केणं नक्खत्तेणं जोएति ता चित्ताहिं चित्ताणं एक्को मुहुत्तो अट्ठावीसं च बावट्ठिभागा मुहुत्तस्स बावट्ठिभागं च सत्तट्ठिधा छेत्ता तीसं चुण्णिया भागा सेसा ता एतेसि णं पंचण्हं संवच्छराणं दुवालसमं पुन्निमासिणिं चंदे केणं नक्खणं जोएति ता उत्तराहिं आसाढाहिंउत्तराणं आसाढाणं छव्वीसं मुहुत्ता छव्वीसं च बावट्ठि-भागा मुहुत्तस्स बावट्ठिभागं च सत्तट्ठिधा छेत्ता चउप्पन्नं चुण्णियाभागा सेसा तं समयं च णं सूरे केणं नक्खत्तेणं जोति ता पुणव्वसुणा पुणव्वसुस्स सोलस मुहुत्ता अट्ठ य बावट्ठिभागा मुहुत्तस्स बावट्ठिभागं च सत्तट्ठिधा छेत्ता वीसं चुण्णिया भागा सेसा ता एतेसि णं पंचण्हं संवच्छराणं चरिमं बावट्ठि पुन्निमासिणिं चंदे केणं नक्खणं जोएति ता उत्तराहिं आसाढहिं उत्तराणं आसाढाणं चरमसमए तं समयं च णं सरे केणं नक्खत्तेणं जोएति ता पुस्सेणं पुस्सस्स एगूणवीसं मुहतात तेयालीसं च बावट्ठिभागा मुहुत्तस्स बावट्ठभागं च सत्तट्ठिया छेत्ता तेत्तीसं चुण्णिया भागा सेसा ।
[९५] ता एतेसि णं पंचण्हं संवच्छराणं पढमं अमावासं चंदे केणं नक्खत्तेणं जोएति ता अस्ससाहिं अस्सेसाणं एक्के मुहुत्ते चत्तालीसं च बावट्ठिभागा मुहुत्तस्स बावट्ठिभागं च सत्तट्ठिधा छेत्ता बावट्ठि चुण्णिया भागा सेसा तं समयं च णं सूरे केणं नक्खत्तेणं जोएति ता अस्सेसाहिं चेव अस्सेसाण एक्को मुहुत्तो चत्तालीसं चबावट्ठिभागा मुहुत्तस्स बावट्ठिभागं च सत्तट्ठिधा छेत्ता बावट्ठि चुण्णिया भागा सेसा ता एतेसि णं पंचण्हं संवच्छराणं दोच्चं अमावासं चंदे केणं नक्खत्तेणं जोएति ता उत्तराहिं फग्गुणीहिं उत्तराणं फग्गुणीणं चत्तलीसं मुहुत्ता पणतीसं बावट्ठिभागा मुहुत्तस्स बावट्ठिभागं च सत्तट्ठिधा छेत्ता पन्नट्ठि चुण्णिया भागा सेसा तं समयं च णं सूरे केणं नक्खत्तेणं जोएति ता उत्तराहिं चेव फग्गुणीहिं उत्तराणं फगुगुणीणंजहेव चंदस्स ता एतेसि णं पंचण्हं संवच्छराणं तच्चं अमावासं चंदे के नक्खत्तेणं जोएति ता हत्थेणं चेव हत्थस्स जहा चंदस्स ता एतेसि णं पंचण्हं संवच्छराणं दुवालसमं अमावासं चंदे केणं नक्खत्तेणं जोएति ता अद्याहिं अद्दाणं चत्तारि मुहुत्ता दस यबावट्ठिभागा मुहुत्तस्स बावट्ठिभागं च सत्तट्ठिधा छेत्ता चउप्पन्नं चुण्णिया भागा सेसा तं समयं च णं सूरे केणं नक्खत्तेणं जोएति ता अद्दाहिं चेव अद्दाणं जहा चंदस्स ता एतेसि णं पंचण्हं संवच्छराणं चरिमं बावट्ठि अमावासं चंदे
[दीपरत्नसागर संशोधितः]
[40]
[१६-सूरपन्नत्ति]
| SR No. | 003731 |
| Book Title | Agam 16 Surpannatti Pancham Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2012 |
| Total Pages | 66 |
| Language | Prakrit |
| Classification | Book_Devnagari, Agam, Canon, Agam 16, & agam_suryapragnapti |
| File Size | 2 MB |