Page Text
________________
जोएति ता जंबुद्दीवस्स णं दीवस्स पाईणपडीणायताए उदीणदाहिणयताए जीवाए मंडलं चउव्वीसेणं सएणं छेत्ता दाहिणिल्लंसि चउब्भगमंडलंसि सत्तावीसं भागे उवाइणावेत्ता अट्ठावीसइभागे वीसहा छेत्ता अट्ठारसभागे उवाइणावेत्ता तिहिं भागेहिं दोहिं य कलाहिं पच्चत्थिमिल्लं चउब्भामंडलं असंपत्ते एत्थ णं से चंदे चरिमं बावहिँ पुन्निमासिणिं जोएति ।।
[९१] ता एतेसि णं पंचण्हं संवच्छराणं पढमं पुण्णिमासिणिं सूरे कंसि देसंसि जोएति ता पाहुडं-१०, पाहुडपाहुडं-२२ ।
जंसि णं देसंसि सूरे चरिमं बावढि पुन्निमासिणिं जोएति ताओ पुन्निमासिणिट्ठाणाओ मंडलं चउव्वीसेणं सएणं छेत्ता दो चउणवत्तिं भागे उवाइणावेत्ता एत्थ णं सूरे पढमं पुण्णमासिणी जोएति ता एतेसि णं पंचण्हं संवच्छराणं दोच्चं पुण्णिमासिणी पुच्छा ता जंसि देससि सूरे पढमं पुन्निमासिणिं जोएति ताओ पुन्नमासिणिट्ठाणाओ मंडलं चउव्वीसए णं सएणं छेत्ता दो चउणवतिं भागे उवाइणावेत्ता एत्थ णं से सूरे० दोच्चंपुन्निमासिणिं जोएति ता एतेसि णं पंचण्हं संवच्छराणं तच्चं पुन्निमासिणिं सूरे कंसि देसंसि जोएति ता जंसि णं देसंसि सरे दोच्चं पन्निमासिणिं जोएति ताओ पन्निमा-सिणिद्वाणाओ मंडलं चउव्वीसेणं सएणं छेत्ता चउणउतिं भागे उवाइणावेत्ता एत्थ णं से सूरे तच्चं पुन्निमासिणिं जोएति ता एतेसि णं पंचण्हं संवच्छराणं दुवालसमं पुन्निमासिणिं सूरे कंसि देसंसि जोएति ता जंसि णं देसंसि सूरे तच्चं पुन्निमासिणिं जोएंति ताओपुन्निमासिणिट्ठाणाओ मंडलं चउव्वीसेणं सएणं छेत्ता अद्वछत्ताले भागसए उवाइणावेत्ता एत्थ णं से सूरेदुवालसमं पुन्निमासिणिं जोएति एवं खलु एतेणुवाएणं ताओ-ताओ पुन्निमा-सिणिट्ठाणाओ मंडलं चउव्वीसेणं सएणं छेत्ता चउणउति-चउणउतिं भागे उवाइणावेत्ता तंसि-तंसि देसंसि तं-तं पुन्निमासिणिं सूरे जोएति ता एतेसि णं पंचण्हं संवच्छराणं चरिमं बावट्ठि पुण्णिमासिणिं सूरे कंसि देसंसि जोएति ता जंबुद्दीवस्स णं दीवस्स पाईणपडीणायताए उदीणदाहिणायताए जीवाए मंडलं चउव्वीसेणं सएणं छेत्ता पुरस्थिमिल्लंसि चउभागमंडलंसि सत्तावीसं भागे उवाइणावेत्ता अट्ठावीसइभागे वीसहा छेत्ता अट्ठारसभागे उवाइणावेत्ता तिहिं भागेहिं दोहि य कलाहिं दाहिणिल्लं चउभागमंडलं असंपत्ते एत्थ णं से सूरे चरिमं बावडिं पुनिमासिणिं जोएति ।
[९२] ता एतेसि णं पंचण्हं संवच्छराणं पढमं अमावासं चंदे कंसि देसंसि जोएति ता जंसि णंदेसंसि चंदे चरिमबावहिँ अमावासं जोति ताओ अमावासट्ठाणाओ मंडलं चउव्वीसेणंसएणं छेत्ता दुबत्तीसं भागे उवाइणावेत्ता एत्थ णं से चंदे पढम अमावासंजोएति एवं जेणेव अभिलावेणं चंदस्स पुन्निमासिणीओ भणिताओ तेणेव अभिलावेणं अमावासाओवि भणितव्वाओ तं जहा- बिइया तइया दुवालसमी एवं खलु एतेणुवाएणं ताओ-ताओ अमावासट्ठाणाओ मंडलं चउव्वीसेणं सएणं छेत्ता दुबत्तीसं-दुबत्तीसं भागे उवाइणावेत्ता तंसि-तंसि देसंसि तं-तं अमावासं चंदे जोएति ता एतेसि णं पंचण्हं संवच्छराणं चरिमं बावडिं अमावासं चंदे कंसि देसंसि जोएति ता जंसि णं देसंसि चंदे चरिमं बावट्ठि पुन्निमासिणिं जोएति ताओताओ पुन्निमासिणिट्ठाणाओ मंडलं चउव्वीसेणं सएणं छेत्ता सोलसभागे ओसक्कइत्ता एत्थ णं से चंदे चरिमं बावहिं अमावासं जोएति ।
[९३] ता एतेसि णं पंचण्हं संवच्छराणं पढम अमावासं सूरे कंसि देसंसि जोएति ता जंसि णं देसंसि सूरे चरिमं बावढि अमावासं जोएति ताओ अमावासट्ठाणाओ मंडलं चउव्वीसेणं सएणं छेत्ता चउणउतिं भागे उवाइणावेत्ता एत्थ णं से सूरे पढमं अमावासं जोएति एवं जेणेव अभिलावेणं सूरस्स पुनिमासिणीओ भणियाओ तेणेव अभिलावेणं अमावासओवि भणितव्वाओ तं जहा- बिइया तइया [दीपरत्नसागर संशोधितः]
[१६-सूरपन्नत्ति]
[39]
| SR No. | 003731 |
| Book Title | Agam 16 Surpannatti Pancham Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2012 |
| Total Pages | 66 |
| Language | Prakrit |
| Classification | Book_Devnagari, Agam, Canon, Agam 16, & agam_suryapragnapti |
| File Size | 2 MB |