Page Text
________________
चरिमाइं असंखेज्जगुणाई अचरिमं च चरिमाणि य दो वि विसेसाहियाइं चरिमंतपदेसा-असंखेज्जगुणा अचरिमंतपदेसाअनंतगुणा चरिमंतपदेसा य अचरिमंतपएसा य दो वि विसेसाहिया, लोगालोगस्स णं भंते अचरिमस्स य चरिमाण य चरिमंतपएसाण य अचरिमंतपएसाण य दव्वट्ठयाए पदेसट्ठयाए दव्वट्ठपएसट्ठयाए कतरे कतरेहिंतो अप्पा वा जाव विसेसाहिया वा गोयमा सव्वत्थोवे लोगालोगस्स दव्वट्ठयाए एगमेगे अचरिमे, लोगस्स चरिमाइं असंखेज्जगणाई अलोगस्स चरिमाइं विसेसाहियाई लोगस्स य अलोगस्स य अचरिमं च चरिमाणि य दो वि विसेसाहियाइं पदेसद्वयाए सव्वत्थोवा लोगस्स चरिमंतपदेसा अलोगस्स चरिमंतपदेसा विसेसाहिया लोगस्स अचरिमंतपदेसा असंखेज्जगुणा अलोगस्स अचरिमंतपदेसा अनंतगुणा, लोगस्स य अलोगस्स य चरिमंतपदेसा य अचरिमंतपदेसा य दो वि विसेसाहिया, दव्वट्ठपदेसट्ठयाए सव्वत्थोवे लोगालोगस्स दव्वट्ठयाए एगमेगे अचरिमे, लोगस्स चरिमाइं असंखेज्जगुणाइं, अलोगस्स चरिमाइं विसेसाहियाइं, लोगस्स य अलोगस्स य अचरिमं च चरिमाणि य दो वि विसेसाहियाइं लोगस्स चरिमंतपएसा असंखेज्जगुणा अलोगस्स चरिमंतपएसा विसेसाहिया लोगस्स अचरिमंतपएसा य असंखेज्जगुणा, अलोगस्स अचरिमं तपएसा अनंतगुणा लोगस्स य अलोगस्सय चरिमंत पएसाय अचरिमंतपसा य दो वि विसेसाहिया सव्वदव्वा विसेसाहिया सव्वपएसा अनंतगुणा सव्वपज्जवा अनंतगुणा
___ [३६४] परमाणुपोग्गले णं भंते किं चरिमे अचरिमे अवत्तव्वए चरिमाइं अचरिमाइं अवत्तव्वयाई उदाहु चरिमे य अचरिमे य, उदाहु चरिमे य अचरिमाइं च उदाहु चरिमाइं च अचरिमे य उदाहु चरिमाइं च अचरिमाइं च पढमा चउभंगी, उदाहु चरिमे य अवत्तव्वए य उदाहु चरिमे य अवत्तव्वयाइं च उदाहु चरिमाइं च अवत्तव्वए य उदाहु चरिमाइं च अवत्तव्वयाइं च बीया चउभंगी, उदाहु अचरिमे य अवत्तव्वए य उदाहु अचरिमे य अवत्तव्वयाई च उदाहु अचरिमाइं च अवत्तव्वए य उदाह अचरिमाइं च अवत्तव्वयाइं च तइया चउभंगी, उदाहु चरिमे य अचरिमे य अवत्तव्वए य उदाहु चरिमे य अचरिमे य अवत्तव्वयाइं च उदाहु चरिमे य अचरिमाइंच अवत्तव्वए य उदाहु चरिमे य अचरिमाइं च अवत्तव्वयाई च उदाहु चरिमाइं च अचरिमे य अवत्तव्वए य उदाहु चरिमाइं च अचरिमे य अवत्तव्वयाई च उदाहु चरिमाइं च अचरिमाइं च अवत्तव्वए य उदाहु चरिमाइं च अचरिमाइं च अवत्तव्वयाइं च एवं एते छव्वीसं भंगा, गोयमा परमाणुपोग्गले नो चरिमे नो अचरिमे नियमा अवत्तव्वए सेसा भंगा पडिसेहेयव्वा ।
३६५] दुपएसिण णं भंते खंधे पुच्छा गोयमा दुपएसिए खंधे सिय चरिमे नो अचरिमे, सिय अवत्तव्वए सेसा भंगा परिसेहेयव्वा, तिपएसिए णं भंते खंधे पुच्छा गोयमा तिपएसिए खंधे सिय चरिमे नो पय-१०
अचरिमे सिय अवत्तव्वए नो चरिमाइं नो अचरिमाइं नो अवत्तव्वयाइं नो चरिमे य अचरिमे य नो चरिमे य अचरिमाई सिय चरिमाइं च अचरिमे य नो चरिमाइं च अचरिमाइं च सिय चरिमे य अवत्तव्वए य सेसा भंगा पडिसेहेयव्वा, चउपएसिए णं भंते खंधे पुच्छा गोयमा चउप्पएसिए णं खंधे सिय चरिमे नो अचरिमे सिय अवत्तव्वए नो चरिमाइं नो अचरिमाइं नो अवत्तव्वयाइं नो चरिमे य अचरिमे य नो चरिमे य अचरिमाइं च सिया चरिमाइं च अचरिमे यसिय चरिमाइं च अचरिमाइं च सिय चरिमे य अवत्तव्वए य सिय चरिमे य अवत्तव्वयाइं चनो चरिमाइं च अवत्तव्वए य नो चरिमाइं च अवत्तव्वयाइं च नो अचरिमे
दीपरत्नसागर संशोधितः]
[94]
[१५-पन्नवणा]
| SR No. | 003729 |
| Book Title | Agam 15 Pannavana Chauttham Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2013 |
| Total Pages | 202 |
| Language | Prakrit |
| Classification | Book_Devnagari, Agam, Canon, Agam 15, & agam_pragyapana |
| File Size | 3 MB |