Page Text
________________
[३१] से किं तं तेउक्काइया, तेउक्काइया दुविहा पन्नत्ता तं जहा- सुहुमतेउक्काइया य बादरतेउक्काइया य, से किं तं सुहुमतेउक्काइया, सुहुमतेउक्काइया दुविहा पन्नत्ता तं जहा- पज्जत्तगा य अपज्जत्तगा य से त्तं सुहुमतेउक्काइया, से किं तं बादरतेउक्काइया बादरतेउक्काइया अणेगविहा पन्नत्ता तं जहा- इंगाले जाला मुम्मुरे च्ची अलाए सुद्धागणी उक्का विज्जू असणी निग्धाए संधरिससमुट्ठिए सूरकंतपद-१
मणिणिस्सिए जे यावण्मे तहप्पगारा ते समासतो दुविहा पन्नत्ता तं जहा- पज्जत्तगा य अपज्जत्तगा य तत्थ णं जेते अपज्जत्तगा ते णं असंपत्ता तत्थ णं जेते पज्जत्तगा एएसि णं वण्णादेसेणं जाव नियमा असंखेज्जा से त्तं बादरतेउक्काइया से त्तं तेउक्काइया ।
__[३२] से किं तं वाउक्काइया, वाउक्काइया दुविहा पन्नत्ता तं जहा- सुहुमवाउक्काइया य बादरवाउक्काइया य, से किं तं सुहुमवाउक्काइया, सुहुमवाउक्काइया दुविहा पन्नत्ता तं जहा- पज्जत्तगसुहुमवाउक्काइया य अपज्जत्तगसुहुमवाउक्काइया य से त्तं सुहुमवाउक्काइया, से किं तं बादरवाउक्काइया बादरवाउक्काइया अणेगविहा पन्नत्ता तं जहा- पाईणवाए पडीणवाए दाहिणवाए उदीणवाए अहोवे तिरियवाए विदिसीवाए वुब्भामे वाउक्कलिया वायमंडलिया उक्कलियावाए मंडलियावाए गुंजावाए झंझावाए संवगवाए घणवाए तनुवाए सुद्धवाए जे यावण्णे तहप्पगारा ते समासतो दुविहा पन्नत्ता तं जहापज्जत्तगा य अपज्जत्तगा य तत्थ णं जेते अपज्जत्तगा ते णं असंपत्ता तत्थ णं जेते पज्जत्तगा एतेसि णं वण्णादेसेणं जाव नियमा असंखेज्जा से त्तं बादरवाउक्काइया से त्तं वउक्काइया |
[३३] से किं तं वणस्सइकाइया, वणस्सइकाइया दुविहा पन्नत्ता तं जहा- सुहमवणस्सइकाइया य बादरवणस्सइकाइया य ।
__ [३४] से किं तं सुहुमवणस्सइकाइया, सुहुमवणस्सइकाइया दुविहा पन्नत्ता तं जहापज्जत्त-सुहुमवणस्सइकाइया य अपज्जत्तसुहुमवणस्सइकाइया य, से त्तं सुहुमवणस्सइकाइया ।
[३५] से किं तं बादरवणस्सइकाइया, बादरवणस्सइकाइया दुविहा पन्नत्ता तं जहा- पत्तेयसरीरबादरवणस्सइकाइया य साहारणसरीरबादरवणस्सइकाइया य ।
[३६] से किं तं पत्तेयसरीरबादरवणस्सइकाइया, पत्तेयसरीरबादरवणस्सइकाइया दुवालसविहा पन्नत्ता [तं जहा] ।
[३७] रुक्खा गुच्छा गुम्मा लता य वल्ली य पव्वगा चेव ।
तण वलय हरिय ओसहि जलरुह कुहणा य बोधववा | [३८] से किं तं रुक्खा, रुक्खा दुविहा पन्नत्ता तं जहा- एगट्ठिया या बहुवीयगा य से किं तं एगट्ठिया, एगट्ठिया अमेगविहा पन्नत्ता [तं जहा]
[३९] निबंब जंबु कोसंब साल अंकोल्ल पीलु सेलू य ।
सल्लइ मोयइ मालुय बउल पलासे करंजे य । [४०] पुत्तंजीवयरिटे बिभेलए हरडए य भल्लाए ।
उंबेभरिया खीरिणि बोधव्वे धायइ पियाले । [४१] पूई य निंबकरए सेण्हा तह सीसवा य असने य ।
पुण्णाग नागरुक्खे सीवण्णि तहा असोगे य ।
दीपरत्नसागर संशोधितः]
[8]
[१५-पन्नवणा]
| SR No. | 003729 |
| Book Title | Agam 15 Pannavana Chauttham Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2013 |
| Total Pages | 202 |
| Language | Prakrit |
| Classification | Book_Devnagari, Agam, Canon, Agam 15, & agam_pragyapana |
| File Size | 3 MB |